今天,,我本來打算7:00起床的,,可是太難了="=
結果我7:31醒左,望下個電話就知死得
之後即刻洗頭果D,,結果8:30出門口,,
本身約左9點MK地鐵站等,,但係9:00我先係岩岩上左西鐵4分鐘
結果我9:40幾分先到@@
=0=由去到輕鐵站就同遊遊講電話講到到達MK地鐵站

一去到就見到兩位小姐裝個頭出黎,,想點-v-
之後俾返三十蚊俾雅,,我的戲飛是F6,唔使坐邊位,好野
今天看 [ 戲王之王 ] ....我們等了一會....見到曲
但不肯定是不是她,,於是我們左閃右左的
結果還是相認了,,,之後我們去M記買吃的,,
買了豬柳包餐,,之後去戲院了,,第一樣要謝謝遊遊請的爆谷
為表答謝,我真有想過把爆谷都吃光的!其實我真的可以的
走了好多層樓梯終於到..一坐下我就吃爆谷吃不停了,
結果吃了一大半,,我在想穎吃不吃的,不過她好像不吃,
我就開始吃早餐了..吃完之後我就專心看戲了
可是很快我就很想去廁所了-___________- 那兒很冷
而且喝了一大杯汽水,不過戲真的好看XD
一開場已經笑了,,,最好笑的應該是杜民澤和鄭丹瑞那PART
嗯,,還有詹瑞文扮渠王和彭拜哥那PART,,XD
可是後來真的很想去廁所..爆谷也忘了吃xd

之後一出戲院就去廁所了,,有個姨姨好好人,,讓我先去-v-
然後我們等齊人後又要走幾層樓梯到達地下找遊遊
接著我們就去影貼紙相
第二樣要謝謝遊遊請我們影貼紙相嚕*v*
不過耶,,你也該一起影嘛 =..=!
第二部影的機有皇冠!!人家都還未為你加上,,
都只是加了個閃閃蝴蝶結而已....
下次如果有影相的我在電腦為你加工XD
我們影了兩部機,,第二部機很無奈耶,,
大家都閃走了不影,,可惡.....為了不要浪費
我都走去影了-3-多大的犧牲!
其間遊遊去左廁所.....我地幾個剪完貼紙相拎去過膠之後
就依穎穎的意思去玩射籃-v-還有打拳
那部機騙人的!我和曲的力度一樣的,,
等了很久才見到遊遊回來-0-他走到很遠去找廁所了吧
然後我們才去影第二部機,,,唉....

影完之後我地就去7-11食野,,
同雅雅一齊買左杯麵食,然後買左盒野飲
之後就去旺中,今日好開心-v-真真正正買齊野!
是真的很齊的那種!每次我話買齊,,其實都總會有一兩樣買唔到
不過今次真係真係齊晒,,除左一樣野,,就係襪-v-
不過周街有得買,唔理佢啦
今日首先買左對鞋,,,本身想買綠色的
乜綠色真係襯我咩-v-??其實我都覺得綠色果對靚d
不過平時我都係用紅色野,我覺得我用紅色野好d
人家可是白羊座的耶-w-不過另一方面,,
我好似成日都同綠色野有關@@
唔緊要啦...綠色果對最大得39號,人家要著40 -3- 可惡
就買了紅色,,唉..對鞋好污糟,,我..好啦..要洗下先
同雅一人買左一對鞋,100蚊兩對

跟住搵袋,本身係行左好耐都睇唔岩,跟住等穎睇d野
然後俾人逼左出去唔知邊,有行埋一邊先,,,
哇,,今日多人到咩咁-v-旺中慶回歸
就o係呢個時候我一拎轉身,就見到我想買既袋-v-!正野!
有少少米白色咁既...個袋好似有三個定唔知買個色
有米白啦,黑色啦,粉紅啦..好似仲有個綠綠地,,唔肯定
不過好樣衰的,唔岩我,,粉紅色更加唔好搞我啦
黑色又唔好睇,,白色其實係最靚的,而且係我第一個睇到的
所以就買左呢個,70蚊..
買果陣好好笑...我見唔到個人,之後我前面有個人
佢無啦啦拎轉身問我係咪要呢個袋,跟住我冇留意XD
之後我一望返前面,佢雙眼碌大同我眨左幾下眼
跟住我先知佢同我講緊野,然後佢話拎個新俾我
個女仔好可愛-v-佢拎完個袋俾我我俾100蚊佢啦,,
之後佢好好禮貌咁叫我等陣,佢要找錢俾我..
我心諗,我都知要等你找錢-v-我未至於多錢到俾100蚊唔洗找

買左個袋好滿足,,我返學個袋用左三年終於可以換
而且出街都可以唔使用黑色果個,其實我想講側咩袋我唔多鍾意用
特別係返學,d野咁重好辛苦 ="= 我發現左一樣野,
我返學個袋成日都好重,,但係我冇咩野袋,
得手冊,,筆袋,,幾張通告,,一個得幾張紙既file,
仲有銀包鎖匙果d,,照計我成個袋最重係筆袋..
但係就算拎走個筆袋係冇咁贅住,,但仲係好重
但係我就係搵唔到佢重在乜野...除左筆袋係得本手冊叫做重
冇理由本手冊仲重過筆袋-.-奇怪...
依家用斜咩咪冇咁麻煩囉,,,

然後去向圍行,,行完呢度又行果度,漫無目的地行
勁多人,,,接近龜速咁行...我很怕人逼呢@@
之後行過賣雪糕果度,,其實之後行經過一次我都想食
不過果陣仲有d飽飽地,咁再經過多一次,
雅話買我都買啦 x] 之後買左朱古力味...
第三樣要謝謝遊遊的是雪糕*
吃得好高興....不過我始終係食雪糕食得好慢=3=
我唔鍾意咁大啖食落去的,,,結果全世界等我食完先行XD
我後尾已經食得好快架喇...

之後就買左個垃圾桶仔,,人家想買個很久了
最正是那垃圾桶是巴斯光年XD 35蚊,,OK啦
完全合我心意...

然後又漫無目的地走,,,,行了很久
之後還是走了,,,穎先回家,,我和雅,曲,遊遊去找地方坐
去了大家樂,,,雅買了野飲,,XD被騙了,,那東西跟相片出入太大了
之後再坐了一會又去周圍行,行左陣差唔多5:30左右就閃人了
o係大家樂度坐晒o係度冇野講...=w=
去到地鐵站,,真好......第一次有人是跟我同一條線走人的
有人陪=v=* 我地送到雅去地鐵站就可以返屋企喇XDDD
之後去到西鐵站又有點想去廁所
不過不去了,回到家裡第一時間去廁所@@
之後就看看今天買了的東西,,很滿意
數數看我今天洗了多少錢,也不是很多嘛
那個袋我問媽媽拿回了錢,,我覺得也不過分吧
三年都沒有換過返學袋,,出街又係果個袋...
個袋污糟晒,洗都唔乾淨....

好了,,算算看,,用了多少錢..
嗯哼,,為慶祝回歸,而且配合本港各個回歸活動
我們也一起來把東西加上回歸兩個字吧
反正周街也是這樣,,什麼東西都加上回歸兩隻字的

首先,,是回歸早餐,看了回歸電影,還有回歸紅鞋,,回歸袋子,,
回歸垃圾桶,還有7-11的回歸午餐,,包括杯麵和飲品...
大概是這樣了

就是: $18.3 $30 + $50 + $ 70 + $35 + $6.3 + $5
　　  = $214.6
另外欠雅$1未找 , 欠曲4蚊,找返散銀果陣唔記得俾返-v-
還有貼紙相過膠$2
即是: $214.6 + $1 + $4 + $2
　　  = $221.6
之後又問媽媽拿回$70
就是: $221.6 - $70
　　  =$151.6

今天帶了大約$250出去
$250 - $151.6 = 98.4

可是,,點解條數唔岩既 =______________=
我應該冇計漏野..但係個數唔岩,好驚
我銀包得返$45左右咋喎-0-"仲有$57去左邊
不過可能係我其實只係帶左$230出去都唔出奇
咁但係就係算咁,仲有$37去左邊
我係咪有計漏野呢@-@"成日出完街D數都唔岩既
到底我拎左幾多錢出街呢...

*-*勁野!葉宇澄首怪物的煩惱一上903個榜就14位
第一次耶...繼續播啦XD播多d...下個禮拜上埋十大...
就正喇-v-!係咁既話應該將會係上得最快既歌
其實梗係啦.....首歌係瘋女社果d架嘛...
近排成日都講瘋女社=3=

(( 洪卓立對眼咁大既*v*羨慕,,好似仲靚女過kenny,,XD ))