今日去左屯門蝴蝶灣BBQ
這是瘋狂的BBQ.."

咁呢,,9:00起身啦,,,,10:30左左出門口
去到新北江佳寶搵喇嘛,,之後睇左陣有咩好買
然後身藏危險物品的周公同學黎左-v-
之後一齊睇下有咩買,,買左d野之後就過去天耀街市
一落左樓梯就見到倫..跟住就一齊去左街市啦..
買左腸仔..之後就上返去惠康..買左好多野啦都
但係就係買唔到粟米粒!我地要整牛油粟米粒嘛
所以就派左倫去街市買=v=!
之後我地惠康買完野去返街市搵佢果陣佢就同子華上左黎喇
跟住就行去西鐵站搭車

去到屯門站就轉車去屯門碼頭,落車就行過去啦
買左d野...哈哈,,途中竟然發現佳寶-v-!
下次去果度燒野食都係去果度佳寶買算喇
o係果度買左多春魚,好耐冇食過喇
跟住就閃彈...去到公園搵左最偏遠果個爐
之後就個個坐晒o係度食麵包XD 因為大家都好肚餓咧........
好沉默咁坐晒o係度享受美味既生命麵包
其實呢,,另一方面係因為我地買左d炭呀,野飲果d未送黎
等緊佢送黎,,呵呵...好啦...等到d野送黎果陣就起爐啦
用左好多方法先起到,,不過都算ok架喇*v*!
然後就開始燒喇,大家燒麵包先@@"

之後一直燒啦..燒到咁上下就拎出錫紙兜-v-
將d粟米粒倒落去整.....好勁呢..!不過d牛油應該唔係用呢隻
因為冇咩甜味....但係牛油味就好足夠...
我覺得我地好似果d創意思維果d咁......要掏出解難能力
諗下點樣將個鍚紙兜放上個爐度....最後我地將d炭移到爐邊
用兩隻叉放o係爐邊..咁個錫紙兜就放o係上面喇
然後就整d粟米啦,,好正..不過好快凍晒

食完之後就玩左陣uno....然後就走去整菇食喇
我同喇嘛去左洗野,,果度d水系統真係呢...=___________=
下次可以的話記得洗晒野左先去
之後我地洗晒就拎住一堆菇走到最遠個爐放低
離開望得周公一個o係個爐度..感覺好孤單XD
最衰冇手,如果唔係一定用相機影低佢,會影得清楚d..哈
其他果兩個人又走左去第二度喎...
之後洗完晒就可以整喇,,,落左好多蒜鹽落去
整完之後一試...哇 -O- 很強勁的蒜味...食完一定要飲野
跟住我地就好快速咁食晒...

咁之後就整多春魚啦,,,好好味喎*v*
好耐冇食過呀真係...好正好正,,燒得又好味
燒緊既時候我同喇嘛去左洗冬菇..返到黎就有得食,哈
好啦,咁燒完之後就將有淨果d魚放左o係爐邊
但係呢個時候...一班討厭的蟻就跑出來搶食
>________< d多春魚好慘....死左仲要俾蟻食
好啦,,咁D魚我地都唔食得架喇,
最後周公將d魚4條全部丟晒落炭度
火葬多春魚 =v= 其實係想燒蟻...

咁之後又整埋D冬菇..很正XD好味好多...
(一路整一路聞到d在炭中既多春魚香味xd)

好搞笑,,其實呢個時候康同埋佢細佬黎左架喇
咁呢..煮緊呢個菇既時候喇嘛同康去左洗菜洗燒烤叉
*D叉因為要想辦法放個錫紙兜上爐度所以污糟晒XD....
因為係直接插左落D炭度囉
咁呢...佢地去左OK耐,子華又去左搵佢地
點知冇回頭,之後康細佬就去左搵佢地,又係冇回頭
好恐怖,,,佢地一個走完又一個,但係一個都冇返過黎 =口=
最後得返3個人o係個爐度...所以我地就係咁食係咁食xd好正
如果佢地唔返黎我地應該會食晒d菇

跟住就整椰菜食喇,,但係我差唔多要走喇..喇嘛都走....
果陣7:20左右啦,,最後我仲燒左4粒丸
八爪魚丸好好味...下次買多d先...

嗯...之後搭輕鐵轉西鐵,(因為咁岩有車,就費事行喇..)
返到天水圍再轉返輕鐵
可能因為我食飽左,,所以o係屯門搭輕鐵果陣已經有d唔舒服-v-
而且再一次證實我搭輕鐵係唔可以坐...
特別係由屯門坐返黎咁遠水路,我一定會暈車浪-v-
企就冇事....咁但係唔想企嘛...
跟住返到屋企都唔想食飯,,
但係當我望到碟薯仔果陣,佢個樣太吸引我,
我一試....哇..正到丫....
我立即食欲大增,即係裝飯...好快咁食完飯..喔呵呵
不過食完果陣都9點幾,一路食一路睇律政新人王大結局

夜晚果陣玩電腦,,傾左陣電話...
大家都去到11點幾先返到黎 =v= 我都想

*今日燒野食其實係本住 [ 食唔死既 ] 呢個心態去燒...
其實我每一次燒野食都係咁諗...."

**今日中間有段時候好大風,,
d灰飛到周圍都係,,好正xd...MV?

***今日冇咩點影相 =3= 浪費晒

****今日個天唔係咁晴朗,,
我記得06年同穎佢地燒野食個天藍到好正,一舊雲都冇的

這是我們的菇*v*睇個樣都知好味
我地就係咁樣煮野食...哈

我地d野,,不過有d都食左,唔o係鏡頭內@@
廁紙係我山長水遠由天水圍家中帶黎...

喔~人類真係渺小 (呢個唔知邊個黎咧 =v=* )