我要快D去買TWILIGHT同NEW MOON中文版!如果有禮物收或者送禮俾人,對於我黎講呢個係首選XD好野!個封面係同英文一樣,如果係核突公仔封面我寧願睇英文-_-!

*JACOB.."搞笑XD

*6呎2..@@

twilight呢套戲也確實賺錢
呢間電影公司之前拍d戲好似都唔係收好多
今次一套twilight......賺返啦應該
仲有spin-off
淨係賣個角色名都賺到笑

香水,,LOTION都有
香水超靚囉個樽,,美麗的紅蘋果

BELLA呢支好襯BELLA..我覺得,,哈

 

我鍾意ALICE呢支  XD

今日,同WISH,,PAUL,RON,周公,嘉恩去睇,,
對不起啦我又遲到-V-
好奇怪,,今日睇果陣好似唔係好多人睇@@
勁多空位囉前面

哇..套戲超好睇唔係講笑
好激動囉睇完!真係太正太正太正太正太正喇!
好想睇續集!!點解我唔識英文?!
如果我識英文我就可以好快睇埋接落黎既故事/ - \
TWILIGHT其實,,好似比我想像中好睇D
因為有幾PART我好鍾意!!!

1.女主角知道男主角係VAMPIRE之後
男主角帶佢見識真正的自己係點樣

2.打捧球果度

3.芭蕾舞室打交果度

呢套戲我覺得冇咩悶場,,,好驚果D戲緊張完之後會好無聊
呢套戲係一開始男女主角某d對話既情節比較悶少少
不過呢套真係唔錯 :D! 雖然坐左兩個鐘但係都唔覺唔耐煩
每一個畫面都好睇,,仲有就係有D對白/情節好正,幾好笑,,

我真係勁鍾意打棒球果PART架!真係好正好正好好睇>V<!!
本來呢,,,我以為會好悶,,點知原來我好鍾意睇XD

首先,背景音樂係MUSE首SUPERMASSIVE BLACK HOLE已經夠正
佢一響起呢個音樂果陣真係成個人都醒神晒
之後一睇,,哇~頂佢~EDWARD玩晒啦,,,
點都係全壘打架啦 XD 佢地咁鬼勁,,好好玩
女主角果句講到好好笑,,,真係唔怪得佢地要呢個天氣先玩得啦XD
佢地又大力又快,,佢地想點玩都得
學RON CHAN咁講,,其實果度成PART都係SHOW下EDWARD有幾勁
哈哈哈哈,,,,,

仲有EDWARD帶BELLA去佢屋企
佢屋企人準備野食俾BELLA果度,,都幾好睇
幾隻VAMPIRE整野食俾一個人類啵!佢地好似好開心咁樣

唉也,佢地咁樣關係既家庭樂...都好快樂

我有問題想問
係咪真係所有VAMPIRE都要靚到咁的 xD?!
仲有就係點解個醫生好似成日都咁得閒唔使做咁既-V-

仲有呢BELLA要走,,同佢阿爸嘈果度
佢阿爸都幾慘 -3- 我係佢實勁傷心

唔怪得之咁多少女迷倒於EDWARD同埋ROB..
佢次次飛身出黎拯救BELLA果下真係好鬼型
XD

不過學WISH咁講,,打交果度太快速喇,,,,打耐D先好睇!
雖然話愛的力量係好大,不過都唔使快到咁,,,
激動左一陣就要冷靜落黎=V=

哇,,超勁囉BELLA俾JAMES咬左之後,EDWARD勁大力剷佢
哇!!!哇哇哇哇哇哇!
我真係好想哇出黎XD!! EDWAD真係好厲害!
如果我係EDWARD我都肯定發晒狂,,,,
最後交俾佢家人收拾JAMES實在便宜左佢
係我就點都打多佢幾野,,,好激動囉果度真係
佢竟然敢膽當住自己面前咬BELLA?!實在太大貪!

我平時唔鍾意睇呢D打鬥的情節,,但係唔知點解今次好想睇多D
可能因為佢地太勁,唔係一般人既打法(反正佢地又唔係人類-V-)
佢地飛黎飛去,將對方FING黎FING去,,,,撻黎撻去,,,
動作又快,,,速戰速決確實係妙!
淨係係咁整爛晒D野係唔夠架嘛XD要真係打打打,,剷多幾野咁

套戲成個FEEL都好岩我丫XD  陰陰沉沉
仲要成日都落雨,,幾開心呀,,哈
不過佢呢種FEEL會令我諗起JESSE果套 [ KEITH ]
又係好似咁上下FEEL

套戲真係會睇到好激動,,,睇完之後都仲會繼續激動
除左HARRY POTTER應該冇咩邊D戲會令我睇完都仲咁激動

我仲好想睇埋 [ 魔法童話夜 ] !
同埋好開心銀座有得睇澳大利亞!
/ v \ 不過呢套應該冇人想同我睇
但係銀座有得上真係估唔到囉 :D
岩先電視見到廣告,,,1月8有得睇

咁睇完戲之後就去左羊城飲茶,,
我真係好曳-_-本來今日朝早補數,,太眼訓冇去到
諗住下午睇完戲去補返,,點知飲茶飲到過晒時
同MISS講唔去,,,,,30號補返
我真係覺得自己好麻煩-V-

跟住冇野做,,,,,上左WISH屋企睇 [ 魔法保母麥菲 ]
我又要好激動喇!!有魔法保母麥菲睇呀!>V<!!!!
個男主角(阿爸)就係之前我話 [ 傲慢與偏見 ] 果個
佢呢套戲度做到好搞笑 XD
好鍾意呢套戲D畫面好色彩斑斕,,,同TWILIGHT完全唔同感覺
感覺良好,,,不過可惜WISH要出去補習,,,套戲爭第二隻碟未睇
跟住好似話去嘉恩屋企睇埋佢,我就返屋企先 =)

總括黎講今日都好激動,,,,睇到兩套好好睇既戲

正常黎講呢個就係讀書時候最後一個CHRISTMAS PARTY
影左唔少相*V*
呢日引發左我諗起係時候要拎返晒中四影過既相XD
我一張都冇囉 XD
各位如果有的話SEND俾我丫唔該晒

我覺得我地班影D相好搞笑-V-可愛的5B同學

5B女同學們
嘉恩同學好突出,咁開心做咩野 xD

照片色彩經過處理

WISH同學的眼神很迷人*

今日同可愛的珠姐影左相,,其實我想左好耐 XD
本來跟珠姐的合照變成了6人的合照

兩個拎住檸檬茶的夾住我一個...我冇買野飲-V-

幾經辛苦,,終於俾RON CHAN搵到MISS LAM,,順便來個合照
 

NAMA LAM合照一張。
如果放大張相黎睇,會發現KAYI被收埋左落個玻璃櫃度
佢太易認
 

我發現我今年好似冇同KAYI合照 =V="

EDIT*

哇今日差d就遲到 -v- 今日遲到會好樣衰的

一返到去課室就聽到jesse首歌
其實我未load到係咩歌黎,冇留意,
跟住周公問我係咪好suprised丫聽到首歌,我先get到係咩黎

跟住就早會,,,然後上到課室等miss
呢段期間個個都忙住戴聖誕帽同埋影相仲有就係偷野食-v-
呵呵,,之後我都忍唔住偷左兩件鄺同學的餅食*v* 妙呀!
跟住呢,,,miss上到黎就大家開餐喇
我食左唔係好多野 -/\- 有d野都冇食到
例如魚旦咁,,唉.....留返一粒俾我都好丫,雖然我唔多鍾意食
仲有西米露,,由於我得叉所以冇食到
好似仲有d野我係冇食的,不過唔記得lu
反正我食左咖喱角同餅已經幾滿足
不過食唔飽既都 -_- 食得少少野,,,,,今年冇咩mood食野
可能少左d薯片既關係 XD

食野期間廣奇sir黎左派禮物同miss洪都黎坐左一陣

跟住大家食完野又影相去,,,最衰啦今年中五課室唔係同一層樓
如果唔係就可以拉人影相,依家分到唔同樓層所以都懶得搵人
梗係等D人上黎/落黎搵我地啦,呵呵
(我地o係課室出面影相影到嘈嘈閉果陣,miss lo行過,望住我地偷笑..哈)

今日派左D聖誕卡,都收到D聖誕卡...thanks* x)

然後,的返晒5B既同學入課室就玩遊戲
一開始玩辣辣壽司,,,,其實係辣辣咖喱角,我唔使玩-v-
跟住呢,,,,,玩左幾鋪就好似係玩唔係呀嘛,咁鬼易
我都有玩一鋪,,,講老師花名
我差d輸左(其實都算輸喇)咁岩到我開口想話我唔識既時候
唔記得左邊個俾人捉到錯,,,我果句野可以吞返,唔使我做輸果個
太好彩,哈哈
跟住就換人,,,玩左幾鋪啦又

然後玩第二樣野,,開口中
我又冇份玩咧,,,坐左去吹水,,,玩緊果d玩到好開心咁-v-
之後miss lau都返左黎
我地同miss lau影左相(mss lau好緊張小媚的肚,呵)

之後好似都差唔多夠鐘,,想抽獎但miss唔知去左邊@@
然後無啦啦EDO周公唱歌 -v-
唱完之後又玩,,,,玩類似落大閘果d啦
周公燒雞EDO用英文講,,我,小鳳同埋嘉雯就做估
竟然抽左我出去玩囉,,,,,話時話有時我都幾有抽獎運
因為除左有得玩之外,,之後既抽獎我又有份
實在太幸運...由幼稚園到依家都係,幾乎年年聖誕聯歡我都抽到獎
不過呢,,次次都係D細獎或者核突獎 -_-
例如上年果份由某高層送出的精美紀念杯就係好例子
又例如中三果年甘SIR的現金獎,
竟然最後一個獎,20塊錢俾我拎到,,呵呵
結果果20蚊放左學就出元朗B仔食左

而今年呢,就抽中左個筆袋,,好啦,,,KAYI果個長頸鹿係靚D
不過我都有抽到獎呀,,-V-!!!
唔緊要啦最緊要抽到獎,開心下
真係要多謝抽我NUMBER既人

之後啦,,落去集隊,,我地班拎到環保獎@@
獎品係每人一粒蜜蜂糖
N耐冇食過,,,我開果陣差D整跌落地下冇得食
好彩我衫袖岩岩兜住,,今日都算幾幸運

集完隊又滾返上課室搬檯果D
執返靚課室之後就閃左去M記坐,
本來都有好幾個人一齊的,但結果得返我同嘉恩o係M記

食野期間見到RON又見到PAUL,,吹左陣水
RON仲幫我地趕走左條蜜蜂@@
跟住,幫嘉恩抽到果隻啤影相,
大家留意佢既裝束
條褲-___________-嘉恩將呢D稱之為可愛

好衰呀~全世界都去晒玩得我同嘉恩冇得玩
傻仔到痴線啦我地,,,o係ART室坐左一晝,,
做到咩MOOD都冇晒
結果做到5點幾俾校工趕走,我地先發現我地好多野可以唔o係ART室做
一早可以走,可以去玩,,,,,結果竟然係變成我地係全校最後走的學生
果陣都5點幾,,冇得去玩喇 >/\<
好衰丫全世界都有得玩,,冇人同我地玩喇

跟住同嘉恩兩個去天耀商場,本身諗住曬相
但係正當我入到相舖,
我發現自己隻手指漏左o係ART室
我頂!呢件事好嚴重!!冇得曬相不特止
仲要成個假期做唔到ART,,,痴線
果陣係超激氣!!!!!本來冇得去玩心情已經係極差!
仲要唔記得帶手指!食屎!

之後一直KEEP住好頹的樣子走向北江,好唔開心真係,,

不過,,o係呢個咁令人沮喪的時刻
千年史出面竟然有人派餅,仲要係榮華的合桃酥!
我同嘉恩兩個借d二想行近d等d人派俾我地
但係,,,,,,竟然冇人俾我地..
灰..............冇架喇,,,d運氣用晒去抽獎,,冇晒架喇
正當我咁樣諗既時候!!
前方另一個派緊餅的人笑容滿面咁俾左我同嘉恩
實在太高興!總算係唔開心之中的一點安慰

(中間的就是)

然後去到北江hea,,,,期間打左俾周公又打左俾子華
本身諗住問下周公佢地唱k唱成點,結果係冇唱既,,
好野~我同嘉恩冇得唱佢地都冇得唱 xDDDD
之後打俾子華,,,打俾佢絕對係錯誤
只會令自己更加覺得自己冇得玩 =..=
不過總算聽到D安慰野,,條氣順返D

跟住,,,又閃左去銀座,冇辦法啦冇地方去又冇野玩
又唔甘心就咁就滾返屋企,,所以去左銀座hea
周圍hea,係咁hea,,,最後都係hea到頂唔順返左屋企

大家以後記住,
如果天上只有一粒星星跟住你走
果粒就係你守護星,,,
大家想果粒星係邊個就邊個啦下,
呵呵
大家一齊估下嘉恩果粒係邊個!

返到屋企都冇咩心情,,,不過!到左夜晚既時候
真係要多謝PAUL,,PAUL你真係好好人
咁呢,聽日係約左同WISH,PAUL,RON睇TWILIGHT既
咁電話度傾緊點既時候,,我提到冇帶手指呢件事,,,
PAUL話聽日要補課幫我去ART室拎
實在太感激 <3

之後無聊上左YAHOO星相度睇
今日白羊座的運程係:

一些問題會找到解決的方法

總括返今日,,,,
都算係心情起落頗大,,,又不失為幸運中夾帶些少唔開心啦!

*最衰今日冇同人影齊相,,有D同學仔冇影到相
唔緊要啦仲有好多機會既 x)

差唔多日日有時間就閃去ART室做ART
今個星期好似都冇咩特別
係星期一果日中史堂MADAM同朱SIR黎左監堂囉
星期五地理辨論....PE堂壘球,,下次玩到我地組玩=口=

星期五放學補英文,,,VEDIO,,,,原來人真係唔可以試咁多好野
試慣好野就會唔習慣唔好既野XD
上年補全部都係VEDIO都唔覺有問題
今年上過LIVE就唔知點解覺得VEDIO好無聊

星期六,,,,補ECON講MC超快-0-都唔知發生咩事
已經係連堂啵,,,但係上完都好似唔知做左D咩咁
補完就返天水圍搵嘉恩去銀座越富閣食飯
跟住返屋企果陣都好似9:30

呢幾晚係全部時間都用晒黎做ART
星期五測文學完全都冇過,,,去吹水,,吹得幾行咁
之後見到米米同學好努力咁搞緊份ART
我又想做XD結果都係反轉左份卷寫ART既野

呢個星期真係攪盡腦汁,,日日吹不停吹...吹ART份作品集
吹完又要排版排到靚一靚
話時話我真係好想做排版果D架 XD
咁呢D o係IVE果度係讀邊樣架?

*有趣@@原來呢篇野每段都咁岩係4行..
唔怪得望落好似幾整齊咁啦

一首我覺得好好聽既歌
曾經係我每次唱k都唱的歌*
上次唱k無啦啦諗起想唱,,,真係好聽<3
同埋除左首歌好聽,,
我鍾意點呢首歌係因為個mv男主角係陳柏霖!
星期日晏晝電視播千機變2花都大戰,,,真係好型仔

DISNEY果然係好搵錢*

佢地真係超得意 =V="
但係呢張相既重點其實應該係落在後面既人身上XD

OMG
係有聽過下呢個人..但係第一次見樣

不過最好睇既唔係呢套野,,
我上無線個網望下明珠台之後有咩戲睇
哇!之後既戲套套都超正斗!!!

09:30p.m., 14 Dec 2008
Eight Below 極地雪犬

09:30p.m., 19 Dec 2008
Scooby-Doo 狗狗震

09:30p.m., 20 Dec 2008
Love Actually 真的戀愛了

09:30p.m., 21 Dec 2008
Lara Croft Tomb Raider The Cradle of Life 盜墓者羅拉生命之匙

09:30p.m., 26 Dec 2008
The Sound of Music 仙樂飄飄處處聞

09:30p.m., 27 Dec 2008
Harry Potter and the Sorcerer's Stone™ 哈利波特神秘的魔法石

09:30p.m., 28 Dec 2008
Spider-Man 蜘蛛俠

wow!!!!!!!!!聽日有得睇極地雪犬!
大家未睇過既一定要睇!超好睇呢套!
d狗好靚<3 套戲真係好睇

跟住仲有真的戀愛了,,要睇啦!
盜墓者羅拉呀,,應該會睇既
連 [ 仙樂飄飄處處聞 ] 都有得睇-口-
可能係boxing day的關係吧!

跟住就到哈利波特喇!睇左m咁多次呢集,
不過應該都會睇..點解佢唔播近d果d呀-3-
仲有電視幾時播第5集..之前無線好似播到第4火盃?
wow!!應該襯twilight上映啵火盃的考驗再睹Rob的演技嘛

*

港生數理成績好態度差 重視程度自信心低於國際平均水平

我冇睇過呢個@@
不過呢個唔夠上次睇模範棒棒堂BECAUSE YOU LIVE咁爆

這一次,,是MCFLY - ALL ABOUT YOU
M-C FLY,,有趣

*

我忍夠喇,近排MSN又多左咁多人中毒呀,
一個鐘頭入面N咁多人彈D網址出黎咁
大家快D清下你地D毒啦,,,

*

我要努力練氣!

今日本來諗住早D起身做補習的作文,尋晚又訓著左冇做到-3-
訓到成1點AM先識彈起身,
去左個廁所之後就揭下FORM 4補果D筆記有冇野岩使,
跟住一睇就睇到差唔多4:00AM,就走返上床訓咧,,

之後今朝明明校左鬧鐘8點半起身,點知10:00先識醒,
好彩醒左咋,如果唔係就大件事 -_-
即刻起身梳洗,出門口,,,,
諗住大家會去先唔使等埋一定遲到的我
(我都話左約我朝早出街我一定遲到架啦)
點知大家等埋我一齊出,,實在太好
去到天耀,,得RON CHAN一個等我地咁多個,,你都有今日喇

跟住今日唱K超級唔夠喉-3-難得今日咁有MOOD,
而且今日星期五又唔係好多人,咁早CUT...哼!
我一定要努力練氣先得喇,我唔夠氣到咁,,
唱囍帖街有一句我都唔夠氣,,,好大件事-_-
一來我把聲已經唔入咪,仲要唔夠氣......
相信我,任何一個人同我唱K都可以蓋過我把聲

唱果陣我好努力想作埋篇文,但係只係寫左幾行而已
所以今日冇交到,,下次先-V-

唱完去左行,,
今個禮拜總共去左元朗廣場的三聯書局3次,
但3次都未行完囉,,3次都係匆匆忙忙要走 / - \
不過今次又睇中左本書,有機會既話帶佢返屋企先XD

之後,就去英皇陪PAUL報補習,
第一次上英皇果度,好鍾意-V-因為果度個FEEL好舒服..
不過......大家都係快D轉黎遵理RICHARD ENG啦

跟住就去左千色拍貼,然後就立即滾去遵理,
今堂LIVE我地距離RICHARD遠左咧,
不要緊,兩個星期後有機會

唔知點解我覺得今堂好正,好似講左好多野咁,,
其實我好鍾意好似今堂咁講文,,因為我鍾意抄野-V-特別係生字,,
抄到成篇文唔識果D字都係中文解釋好開心

跟住,,返到屋企睇 [ CLICK入黃金屋 ] ,,
佢做左一星期,我今日第一次睇@@
真係幾好睇啵,唔怪得阿爸阿媽睇到咁開心,,,
套劇真係白痴到笑XD

*

作死囉,,原來ART DEADLINE係幾日後,,
我完全忘記了-口-
我諗我唔夠時間畫果件T-SHIRT,,,
星期一又唔得閒,唯有星期二瘋狂咁做ART啦, /口\

今年最悶 -3- 不過今年合唱團表演係唔小野啵
英詩朗誦都好勁,,一開聲好吸引人聽
不過都係合唱團正d..年年合唱團表演我都覺得好悶
包括中一果年自己有份唱XD
但係,今年..可能因為兩首歌都岩我聽啦
另一方面係,,,真係成個表演都好好 =]!

其實呢,,我綵排同正式果陣主要對眼都係FOCUS於彈琴既人身上
雖然我個位只係睇到佢背影
但係總之佢就係吸引左我既目光
加油努力呢位同學 XD 我覺得佢彈琴彈得好正
應該咁講,,,我今日係第一次覺得睇男仔彈琴原來真係好正!
( 咁EUGENE呢?! ) 啦啦啦啦啦啦啦~

同埋領袖生陳同學講果度,,,我覺得佢講得好好喎
點解你地覺得悶既-3-
我年年都唔聽領袖生講野果PART的,不過今年聽
仲聽到好投入添
因為,,佢講既野,,,,雖然我一樣都冇經歷過-V-
不過類似既,,,,,我都有.....所以可以代入佢講既野
其實上晝綵排聽過一次,,到下午正式果陣我都聽到有D眼濕濕
諗起以前D野......

果然有夠白痴 =]

今日佢同主禮嘉賓講既野,,主要都係想話做人要有

自信

之前練SPEAKING,,,,,MISS話
就算講D野全部都係錯既,但係好有信心咁講,
俾人種感覺都會唔同,,,
 =]

仲有,,,其實,,不只一個人對我說過
而且都是長輩,,,其中一個是小學的張SIR啦
他說的我現在還記得呢,,
那天是我和施回小學去啦~跟他吹水時他跟我說的

他說:

君君呀　　< 話說他好像是跟施那樣叫我的 =口=
平時要講多D野,同埋有自信D先得架
如果唔係呢,,,人地好容易就會忽略左你,,留意唔到你

哈,,雖然這番說話我是有記得,但並沒有時刻緊記
直到前幾天中文堂MISS派了一份E班的作文印影本給我們
那篇是一位起初畏懼,後來心悅誠服的老師
裡面也有一段大概都有差不多的說話,,,
才讓我記起以前也有人跟我說過相類似的說話呢
從此我要好好記住了
 

*

***今日好似咁多人講野甩嘴/塌音既,,咩事
仲有林李xx女士...XD點解好似冇咩人留意到咁既?
我聽到之後同KAYI對望啵,,我地兩個都聽到 左

*

今朝早本身諗住7:45起身,,點知足足比平時訓多左一個鐘XD
十分滿足!聽日後日大後日仲要連放3日假囉,喔呵呵
今日8:10先識彈起身,,,,,今朝約左8:40在天耀輕鐵站等的...
我本來尋晚諗住8:25出門口,,結果8:10先起身,以我既速度係趕唔切的
所以本來諗住洗頭,但冇時間所以冇洗到-3-
當我諗住自己遲到的時候
原來子華同我同一架車XD有人陪我慢

跟住出元朗美心快餐食早餐,,等埋慢吞吞的RON CHAN
食完就岩岩好行過去元朗劇院
今日超少人囉5B,,到左下午仲少人

LUNCH12點左右就放,,,去左國色其式度食
OK啦果度野,,,,食完都仲有差唔多半個鐘有多
所以上左元朗廣場三聯書局,,
點知果度超多人囉,,好多都係天官囉咩事XD
仲見到WISH同PAUL佢地

之後1:30左右就行返去元朗劇院,,,5:00唔使就放喇
返到天水圍去左天耀M記坐,,我好肚餓囉唔知點解
所以買左個魚柳包餐食,跟住,,坐到6:00左右就回家了,,
好低B囉,,我,kayi,周公,ron chan,,o係度串英文字,,
好瘋狂,,我大比數勝出...哇哈哈!

今天回家的時候,,,看見月光又圓又亮呢!

*

其實我都想

其實你知唔知?!

*

今日放學去完康屋企就左商務
睇下有冇書買下啦
但係唔係好睇得岩,,,有幾本有dd咁多興趣但太貴
但係有一本的確係不錯,,我想買

作者：劉天賜
出版社：三聯書店(香港)有限公司 
價格 HK$ 88.00

內容簡介：
中國僵屍與西方吸血鬼首次大比併！

僵屍只吸氣，吸血鬼不單吸人血，更會令受害者變成吸血鬼；僵屍一身清朝官服，手腳僵直，只懂一蹦一跳向前衝。

吸血鬼永遠衣冠楚楚，活動自如，外表與一般人無異；僵屍怕道符，吸血鬼怕十字架，但兩者都怕光。

原來僵屍並非純粹中國版的吸血鬼，吸血「殭屍」的「殭」也不同彼「僵」！作者劉天賜旁徵博引，加入個人研究分析，從民間傳說到宗教文化，引申至文學主題及電影藝術研究，最後比較僵屍與吸血鬼的異同，發現許多文化上的差異，但兩者出現的緣由卻大大相同！

裡面有講到德古拉  仲有講...果個..叫咩名呢..?
果個呢,,老公死左之後聽女巫所講,,,
用少女的鮮血黎保青春果個女人呢

呢本野,,ok的,,我真係有d興趣..但我反覆思考
到底我買呢本野有冇用呢?!
我買左呢本野既機會成本,
會唔會係一本可能未出或者未俾我搵到,
但係比呢本更好更正既書呢?!
我行親書局都會諗呢條問題
所以通常結果都係睇中好多本,但又咩都買唔到

尋日我去學校圖書館果陣,,睇下d英文雜誌
果本 [ 瘋狂英語 teen ] 真係唔錯
之前有MCFLY,,今次我見到呢期有講吸血鬼!
我係揭揭下見到TRANSYLVANIA呢個名俾佢吸引到
都係講德古拉,,,DRACULA
見到個英文名又會諗起曾經睇過一篇同人文
係講DRACO係龍的...傳人???我唔記得係龍咩野
總之係同龍有關啦~
言歸正傳,呢本野都有提到TWILIGHT,,
之後我再睇第二本,,好似係TIME
入面又係講TWILIGHT,不過呢本野深D,
唔係完全睇得明篇野講乜,同埋篇野好長,冇咩心機睇
唉,,套戲講到爛都未有得睇

今天咧,,雄心壯志的想在ART堂努力努力再努力!
但結果我只那為低B小丑縫上了一條低B的喱士領
本來縫果陣都唔覺有咩野
點知縫完出黎拼上嘉恩個身度
發現件衫望落好低B囉..XD....豈有此理...
件衫既對象即刻轉左做細路仔添
真係好鬼低B件衫,,
將計就計,,,諗下點樣可以令件衫更加低B先

之後文學堂聽曲....李後主@@小周后
聽左大半堂去,,,唔錯 -V- 間中只係打了瞌睡一次
果陣時大家都好落力咁傾偈,,我就好投入咁望住張紙

跟住中文堂,,我都唔記得左要作文-3-
好彩上次寫果個大綱有兩篇個GRADE係高少少架咋
如果唔係全部都唔係E就F咁,,都唔知作邊篇好
最後我作左敬師日與我
吹漲~我最憎作呢D題目但係份大綱最高GRADE係呢個
咁咪作呢個囉,,,會考果陣我諗我唔會作呢D題目
係時候要認真諗諗我到時揀咩文體黎作好

今次作文限1:10要交,,,我從來未試過作文唔夠時間
但係自己白痴用多左時間鋪排,,
後面趕住寫,,可能有少少趕收工的感覺
我冇從新CHECK一次,,,因為趕住食飯
學陳敏楚老師同KEVIN KO話齋 - 食飯要緊

今日LUNCH飲茶~ 4個人,,,,,
我今日心情唔錯....成日都想笑但係唔知笑乜
可能因為朝早上ART堂畫左D核突公仔,,自己覺得特別開心
都係核突公仔岩我XD

講起ART,,,話說,,,大家有冇留意ART RM出面個BOARD
貼左D板畫作品.....有幾張我真係好鍾意!!我覺得好搞笑
我留意果D畫好耐,,,從未見過咁有趣既ART BOARD
睇親都想笑...大家留意某位陳姓女同學的作品
o係塊板既最底一行,,大家會望到一個好可愛既女生樣子
望到就會好想錫佢一啖的,,果張真係好正....
嘉恩仲搞笑 XD 佢稱呢張畫為迷幻的肥妹

LUNCH完左兩堂中史....冇咩特別,,,今堂十分認真

放學去左圖書館,,睇書~又多左好多正書睇咧!
不過我都冇時間睇啦,,屋企仲有好幾本書未睇

*

．一個兒童平均每日展露笑容約400次,而成人約15次

．感到快樂時開懷大笑會使自己更快樂

．即使假裝快樂,,,也會比愁眉苦臉時感覺更加輕鬆

．有時候花時間做些蠢事,,會使內心更加歡樂
　(唔怪得某人咁快樂啦 XD)

*

LINKIN PARK - LEAVE OUT ALL THE REST

I dreamed I was missing, you were so scared
But no one would listen, 'cause no one else cared
After my dreaming, I woke with this fear
What am I leaving when I'm done here?
So if you're asking me, I want you to know

When my time comes, forget the wrong that I've done
Help me leave behind some reasons to be missed
Don't resent me, and when you're feeling empty
Keep me in your memory, leave out all the rest
Leave out all the rest, don't be afraid

I've taken my beating, I've shared what I made
I'm strong on the surface, not all the way through
I've never been perfect, but neither have you

Forgetting all the hurt inside you've learned to hide so well
Pretending someone else can come and save me from myself
I can't be who you are

有沒有覺得??

頂.,5號果篇我真係好激氣,,我真係打左好耐/口\
差唔多埋尾架喇!我意想唔到佢真係同我HANG機!
食屎食屎食屎!我真係,,,爭少少少少少少少少....
依家都冇心機打返..但係果日有好多野我真係好想講..
事到今日
我發現自己又唔記得左某D好值得即時記低既野,,
激死人喇! \ - / !!

*

每次聽到LINKIN PARK - LEAVE OUT ALL THE REST
的CHORUS都有種..好像..那個...的感覺
(就是MUSIC PLAYER LIST上的第一首咧)

那個歌詞實在是...太妙,,我喜歡啦~~
不全是因為TWILIGHT的關係
而是,,因為,,那個....那個....啦..那是不能說的秘密

算啦``

不過如果有個人唱呢首歌俾你聽..唔會覺得好正咩?
 

*

今天測完地理CH.9之後,,同嘉恩出左元朗買整ART的野
上次果份小測....唯一一次15分@@不過呢,,,好似好多人都16,17分咁
唉...我15分都唔算得係D咩野...竟然仲俾X同學高分過我 \口/
等我見到自己有15分仲有D沾沾自喜終於唔使補測

再一次教訓...不要自大,不要自滿

出左元朗..冇買到本身想買既,,買左第二隻,,,絲帶@@
今晚努力整ART!!

行下行下,,行到6點幾返屋企

走之前上左元朗廣場三聯書局,,,我目的得一個
就係睇下有冇TWILIGHT本書,,,
我一心以為係佢原著蘋果果個封面的,,
點知入到去剩係見到電影POSTER做封面的版本-3-
好!我等!我等佢出中文版XD!我必買....
雖然封面同POSTER一樣係得側面ROB
但係成本書連同內容都應該好值得我收藏
如果我唔係唔識英文同埋我諗中文版可能會平DD,
我諗我今日會買左佢=V=

另外,,仲見到 THE TALES BEEDLE THE BARD
就是哈利波特7入面鄧不利多留給妙麗的那本咧

我起初看到圖時,,覺得很美麗很美麗
很想擁有它,,,,,早前小之問我可有預購了這本書?
我其實是沒有的,,不過看到封面我覺得很美麗
而今天在三聯看到了英文封面,,拿了上手
原來感覺也不怎麼特別...還是拿著哈利波特的感覺比較興奮xd

另外!今天在YOUNGPOST看到了報導
地區是SCOTLAND的?@@也有說到了這本書,,,,
而封面上面的好像更有HP的色彩耶,就是下面這個

 

*

今日成日都好似冇咩上堂咁@@
早會學生會D宣佈....
之後頭兩堂地理...睇資料做討論果D姐,唔使聽書
兩堂PE吹水..XD 好正!吹歌唱比賽同埋英文歌
今天的PE堂感覺很漫長呢~
之後兩堂英文就比較辛苦喇,,,要做READING!
完全進入唔到狀態....答案照抄麗珠~
跟住LUNCH吹水又吹左去......最尾MATHS堂終於投入返學習
好彩今日教果D好易,,,睇例題都一定識做-0-
跟住地理小測都唔算特別難,,,,測完又出左元朗行
總結就係今日好HEA

愈黎愈覺得♥KATY PERRY♥好正!
(果兩個♥係用黎襯返佢的xd)
好鍾意佢個頭成日好大朵花花~蝴蝶~
同埋D衫顏色好靚~鮮色又有,粉色又有
仲有好多花花,心心,點點,間條,蝴蝶
這隻碟的封面我第一次看到是在報紙上
我覺得,,很妙

佢著D衫褲裙勁短...成日睇相會見到佢PAT PAT -_-"
(學某人說: 好似唔夠布包咁XD)
但係..嗯,,其實佢....唔算好瘦..嗯

不過最正都係我之前睇佢果個VEDIO BLOG
JESSE MCCARTNEY - LEAVIN'萬歲~

看來沒有誇張衣飾的她是有點兒難找....

D歌好唔好聽真係要睇個人喜好, 我覺得不錯

*

5-12-2008我本來打左好大篇野
星期五實在有太多野值得記低
但正當我打到重點既時候
佢...佢...電腦....發生問題
D野.....冇晒LU~ 

後補。

TO

RON CHAN

話說我有兩盒好好味好好味好好味的朱古力
我星期六買,,,,我唔捨得一次過食晒佢
我慢慢咁食,,,,o係零食物語買
13蚊2盒!幾抵 -v-

但係,,,今天十分使我沮喪和悲痛
我可憐的朱古力啊~
請你到垃圾堆裡後也要快快樂樂地生活下去喔

我將兩盒朱古力放左書包度,其中一盒我食晒
但另一盒我尋晚先開,,食左好似3粒而已
非常不幸地,我今日書包跌左落地下
而更加不幸既係,,果盒新開既朱古力跌左落地下度我唔知!
天喔吼~!
我到放學去左禮堂測ECON先發現佢已經離開左我!

往後既時間,,我一路做ECON題目,,一路諗住呢件事
好耿耿於懷囉,,你明白嗎?!你明白嗎?!
我一直唔捨得食晒佢但係佢就偏偏唔見左
而留返o係書包度既果個盒就係食晒既果盒!
多麼的天意弄人!

點解要咁...

我TEST之後即刻講既野唔係同份卷有關的
而係同KAYI講我唔見左盒朱古力!!
而一句證實我猜測(跌左落地下)的句子就出現咧
KAYI說:我見到有個盒o係地下呀!

OMG~

一定俾人掃走左咧 /口\
我一路做卷一路好有衝動上課室拯救佢

唉

只好奢望佢只係跌左去D隱閉位置
我聽朝早返到學校仲見到佢

咿呀!!!人地真係好想食果盒朱古力囉!

*

今天聽 <3 WISH同學講
原來傲慢與偏見的DARCY有份演魔法保母麥菲
今天上網再搵下佢D相...先知原來BJ單身日記佢都有份做
(張海報仲影到佢好靚仔XD"||右手邊 )

話說我睇傲慢與偏見套劇果陣,,簡直係覺得佢就係真正的DARCY
唯一不足的係佢個樣太深情 XD
好似唔係幾岩DARCY的性格

WOW~你望下佢套劇度既LOOK!好靚仔
(英國紳士也!)
佢果陣後生.....係靚仔D,,哈..不過依家老左D都唔係好差丫
(我望見佢個樣覺得佢應該係D好和善既好人..)

JESSE也會老的,,到時一定好多人又講佢後生靚仔D啵~
又點點點呀,,金髮個LOOK靚仔好多啵~
又乜乜乜咁....
廢話 =_= 係又如何?靚仔唔係萬能,樣唔係世界既全部
雖然不可否認靚的確係一樣野

話說今日上香港討論區睇野
入左去IVE個區度,見到有人話到11月都未識到朋友
之後引起大家討論話90之後出世既人人格係有D問題
跟住,,,又不少人說自己因為樣衰而俾人排斥

所以說,,,,樣嘛

講返轉頭先,,冇之前咁靚咁又點....真係愈聽愈火滾...
唔通之前個LOOK好睇D就冇其他野值得留意

好彩葉宇澄唔係行靚仔路線 XD

頭先上百老匯網睇下twilight幾時上,
點知上到去俾我發現原來25號仲有兩套幾正既戲上!
twilight就18號上,,
好緊張呀!!!快d到18號同25號啦啦啦啦啦~

唔知點解睇完twilight個中文簡介無原因地好想笑@@
可能太興奮XD
果套bedtime stories睇個預告好似幾好笑
波波雨-v-
到時搵人陪我拉大隊睇先
至於果套australia應該冇人陪我睇咧
等出左碟記得先睇*

吸血新世紀
18-12-2008 上映

故事簡介

Bella Swan（姬絲汀史超域飾）是鳳凰城一個廣受歡迎的中學女生。其母再婚，把她送到華盛頓一個小鎮與生父同住，沒想到就此遇上人生轉捩點──遇上神秘俊男Edward Cullen（羅拔畢迪臣飾）。他氣質獨特、聰敏機智，更似看穿她內心，令她深深着迷。
不久二人墮入愛河，但Bella很快便發現這位男友真正「與眾不同」──他跑得比野生獅子還快，可以徒手按停行駛中的汽車，更自1918年起沒衰老過，長生不死！──除了沒有尖牙和吃素之外，Edward和家人過着典型的吸血疆屍生活。
對Edward而言，Bella是他等待了90年的理想伴侶，惟一問題是Bella身上有種特殊香氣，二人越親密，Edward越要抗衡自己原始的嗜血欲望。更叫他頭痛的，是Cullen家族的死對頭Laurent（Edi Gathegi飾）和James（Cam Gigandet飾）也不約而同想吃掉Bella，Edward必須奮力保護情人！

導演 : 嘉芙連赫域姬
演員 : 姬絲汀史超域、羅拔畢迪臣

澳大利亞

故事簡介

故事背景在二次世界大戰時期，一名英國的貴族少女（妮歌潔曼 飾）遠赴澳大利亞接收一個大牧場，卻受當地的英國男爵欺負，迫她離開原地。她只好僱用一名土生土長的牧牛工人（曉治積曼 飾），同時帶領著二千隻牛，展開了一段穿州過省旅程，尋找新牧場。另一方面，日本軍已成功攻佔南太平洋，正攻向澳大利亞，並會在貴族少女的新牧場著陸。面對突如其來的衝擊，少女與牧牛工人聯手保衛家園……

魔法童話夜
 

故事簡介

阿當桑迪拿飾演酒店雜務員史基達，平日已經超級無敵衰多口，連在姪兒及姪女床邊講童話故事，都係唔跟書讀，實行亂講當秘笈。故仔越作越離譜，但勢估唔到，他臨時爆肚的古怪故事，竟然逐一應驗，令他的生活起了三百六十度轉變…離奇故仔講大咗，點至收到科？