我溫到好似係5點掛,,之後去左訓...諗住6點半起身睇多一次
不過最後都係起唔到身...
其實我係醒左,不過好鬼凍 -口- 唔想起身

之後返到學校啦...考考考..mc又係做左半個鐘,,
我地圖果part真係...唔想提..
其實,,我都幾hea下囉..我明知錯而且知道點做先係岩
但係我照做錯果個囉
我唔知咩心態-v-我都唔知自己諗緊乜..
算啦..唔想理了,愈來愈討厭地理

考完之後同喇嘛去左m記食野......
坐左陣就返屋企喇..(其實都坐左ok耐)

返到屋企之後就hea囉,話說..聽日唔使返學 XD 超正
愈諗愈興奮>v<簡直係要笑出黎
之後就成晚都好hea啦,,,傾下電話玩下電腦咁
yo!明天仲hea....

*呵呵...尋晚好鬼凍...溫書果陣我超勁...
著左4件衫 + 頸巾都唔夠暖...
我仲摟住張被..先至岩岩好曖笠笠..
超正-v-實在太寒冷喇!

我又做唔晒喇份卷

好唔開心呀好唔開心呀..雖然我係得一條畫圖冇做,
但係答問題果度我有兩條我識架但係唔夠時間寫足野呀
我差少少咋!我差少少就可以答到好完整,,
我依家又係好似上次咁答唔足d內容呀
死啦,,我今次考得好差,,好差,,好差..好差..

點算呀-A-我真係識做架份卷,不過唔夠時間
早知短問題果度寫快少少啦,用少一個字時間我可以做埋畫圖
再加多兩三分鐘我就可以好完整咁做完份卷喇

今天天氣十分寒冷,禮堂都好鬼凍,
D老師仲要出出入入,一開門凍死......勁扯風
尋日都冇咁凍既...隻手凍到彊晒寫字好慢(吼!!)

果份咁既Econ卷好瘋狂,,太瘋狂喇!!>口<!
根本一個半鐘都做唔晒既
淨係果30條mc都做左我30分鐘..
(一分鐘一條?都ok啦我覺得...聽講好多人都係用左半個鐘)
短問題又岩岩好30分鐘,,我見到個標題係"短問題"果陣o左咀
我想問:下?!呢d叫短問題?!
之後揭去後面....長問題?!?!仲有長問題?!恐怖的
咁短問題果度要寫d野仲多過長問題囉,
長問題其實相比之下仲簡單過短問題=A=!
短問題都做左半個鐘,,得返半個鐘都做唔切長問題
40分囉果part..我第二條畫圖都懶得做,唔夠時間
淨係做左第一條校服供應...應該岩掛....
6分題我諗都有兩三分啦="= 仲做左第3條畫圖
即係麵包果條,,我畫岩架!!!!!!!!!吼!!!
但係我覺得唔岩所以冇標明p幾....有寫就多分d喇!!
仲有一度,,我好唔開心....需求定律果條...
我明明寫左需求量,,但係我諗諗下塗左個量字!!
吼~~~~~~
雖然係2分姐,,但係都好唔開心架嘛,2分好緊要

今次真係好唔掂呀,,d人癲架...仲話d mc好多A
嚇鬼死我咩..我唔信囉..又話冇咩C,,唔好玩啦...
之後又話份卷淺,好快做完....搞到我好驚,點解我做得咁慢..
(所以唔好俾我高分過你地 XD)

點算呀.....點算呀...點算呀...
我今次考咁多科係得呢科驚囉
仲要考完好唔開心....點算呀....
點算喎....我既econ呀...好唔開心呀....好唔開心呀....

/ - \

很灰的......很久沒試過這樣灰......灰色的......
突然之間,我覺得ECON是灰色的......
算啦......算啦.......嗯..都係算啦..../ - \

咁放左學之後...唉..愈講愈灰添...
之後陪SUKI去左北江,,灰......跟住KAYI去M記買野食
之後佢地就歸家咧......灰......跟住喇嘛買左個包食
o係m記果度食啦....灰......然後我地5個人就坐左o係度
之後我又買左杯朱加力飲,灰,,,,飲完之後o係度講星期五有咩做
講左好耐@@灰...最後都係照返原本決定...."
hea下hea下hea左好多時間去...灰
跟住都係返屋企咧...灰......返到屋企勁hea...
又係hea到成12點先溫書XD尋晚又係咁

*今日做卷得返最後唔知幾多分鐘果陣,魯isr真係嚇死人...
我後尾知道好多人都嚇到成個彈起左XD
我都有..但係真係好驚嚇呀嘛,,
佢無啦啦講野....通常老師要講野果陣拎起個咪都會有聲
會知道佢講野架嘛,,但係佢冇囉
一黎就講野,,嚇死...成個彈起左,我當時覺得自己好瘀架
後尾知道大家都嚇到彈起,,都好d =v=

咿..............做咩今日咁凍架...星期五都好凍囉

***今日我不停咁問左好多次:仲有d咩呀...
由考完econ問到返屋企 =v= 勁野!

******返到屋企玩電腦同雅雅傾左一陣咁啦,,
yo!新年假我約定左你地架喇....
成10幾日假我唔信一日都就唔到...
因為雅雅話約唔到會殺人

其實今日本來想打返之前d日記架,
不過太多日我唔知應該點打XD但我一定會打囉

話說,,話說..上月未同寶寶講生日快樂 (-口-"!!!)
好啦,又話說,,我2號未同施講生日快樂,
7號未同紫月講生日快樂......
又話說,,就快到曲同雅既生日喇..
雅,你的生日將會係我痛苦既一日
曲,你的生日是我校旅行,嘿

這兩天很喜歡聽鄭融 - me vs me,王友良 - 不再同哭,
洪卓立 - 三腳貓,同埋李卓庭隻碟d歌..正!

呢次考試我唔算hea,但又唔係話好勤力,
其實我唔hea架=口=我溫得切書架
只係文學爭少少之嘛....
不過其實我尋日係幾hea既我承認...
返到屋企玩電腦玩左去左訓,之後食飯,之後先開始溫XD
仲要hea住溫,所以開頭一個鐘唔計...
我由11點溫到3點,中間小部分時間在hea...

好恐怖,尋晚未到1點就紅筋暴現,,
我除左做art草圖果日試過之外我由細到大都未試過咁=_=
做art果次仲要係因為兩晚冇訓先咁,但係尋晚係未到1點就咁
仲要係我尋日同埋前晚都睡眠充足..點解會紅筋暴現
自己照鏡嚇親自己..不過又唔算好眼訓喎...
只係集中精神冇之前咁好姐,之前我溫中史maths真係好投入架
話說我上次測驗文學溫得好好架..但係今次就唔好喇
冇心機溫,記唔入腦...
((文學又話考新詩理論?!考左去邊?))

今日要為econ努力!我唔可以衰..
econ我對你期望好大,應該話econ你對我期望好大XD
今晚我決定打電話請高手教我-v-
死啦,愈諗愈驚,總覺得今次econ三甲位置不保,
個個都咁得勁..我好緊張...

講下今日....今日起身眼訓到死,,唔想起身,又凍喇啵
之後返到學校個個拎住本文學係咁咪.....
我冇拎,因為我係溫黎都冇用-v-"點溫都係咁屎
反正考卷二先,係考課文內容,,我應該都ok掛
我拎本書返黎係為左用考卷一之前果9個字黎溫文學常識
瘋狂的!文學常識其實我可以話係冇咩溫過...
考果陣有30分係甲部既,即係考文學常識 -__________-
識d唔識d咁啦,,我個人認為咁都識少少已經不錯
好彩我抄過碩鼠個詩大序而我尋晚溫果陣又咁岩望到
我先識做多一題,除此之外仲有一題係同一part
答案係鴻門會,,我識係因為我尋晚溫呢課果陣
又係咁岩唔小心望到果一行-0-
話說這是那一段的第一句,,而且唔知點解呢句野我印象好深刻
其實都冇咩特別既但係我好記得囉@@
如果唔係呢兩條都係咁岩望到,,我果part就真係0分-v-
本身份卷我拎到既分都唔多架啦...

其實最瘋狂既係,,我呢份卷一....乙部果度
明明係二選一作答,我做完兩題先見到呢句野!
唉....好彩我唔算浪費時間咋..
因為我如果唔做多一題既話我淨返d時間都係hea o係度
大家應該多數係揀第6條做啦對不?
其實我做第7題果陣有少少個心唔知飛去左邊,
我用左好多時間先集中到精神做果條,
我做完第6條個心就好自然咁飛走左....
我o係度諗左好多無謂野,即係無謂到我依家記唔返我諗過d咩呢
可想而知係真係一d好無謂既無謂野...
當我睇到佢話原來係2選1既時候,
我好唔捨得咁刪左第7條佢=3=雖然做得唔係咁好,
但係始終我花左心機去做嘛.....討厭,吼!
我諗諗下,我其實係咪應該成條第7條d答案刪晒佢呢?
我淨係刪左個題號咋....@@因為我唔捨得整花d答案
我實在係真係用左唔少腦汁做...雖然係真係寫得好少野
咁但係篇野難呀嘛...."我唔明佢講乜..不過算啦....
正常黎講呢條係最後一條寫最尾,
miss見到我做左第6條..改左之後都唔會睇第7條架啦可?

講返卷二..大家都好瘋狂咁寫寫寫...
我唔係新一條開新一頁答既,咁就合共有兩頁半.....
唔知夠唔夠呢...我夠唔夠既意思係夠唔夠維持上次既水平..
(雖然都唔係話卓越..")我覺得今次有d危險,,,
個個都好瘋狂咁讀..其實我都幾瘋狂,只是瘋狂得比較遲,
同埋太少時間俾我瘋狂喇..下午果陣實在太hea喇..
11點先開始瘋狂...有d人都瘋狂咁(?)訓左咧

econ我愛你,,你俾我保持返測驗個水平啦...
希望今次唔會又唔夠時間做咧..
上次因為唔夠時間做,所以有幾條係答左答案但係未解釋答案
結果madam話我冇就問題要求回答問題-v-其實我係唔夠時間寫姐
俾多幾分鐘我睇我解唔解釋得切?
經過上次測驗,再參考左econ第一名份卷,
我發現我寫得d答案太完整..
=v=我既意思係有d句子係可以刪掉的...
我上次答到d問題條條都好似寫段落咁..(仲要唔係條條拎足分先白痴)
我作文果陣可以有咁瘋狂就好喇....

好啦考完晒之後就同喇嘛,周公同學去左味太郎食lunch
之後好瘋狂咁去左北江出面玩紙牌 XD
仲吸引左一個經過的女子話一齊玩...
之後咪一齊玩嚕-3-佢應該係form 5既我估...
我估佢係今日睇醫生之後返屋企,又咁岩見到我地玩
我地實在有點瘋狂@@做埋d咁既野
哈....星期五我地繼續...帶多d小物件去玩XD
今日凍死,果度又大風喇啵.....又玩得唔就手...
如果有個好d既地方可以玩耐d

*小物件:此名詞出自喇嘛

之後返到屋企咪玩電腦囉...我一陣就去溫econ架喇
唔溫都拎出黎望下先,,食完飯就要開始瘋狂一番喇!
我要瘋狂咁問econ第一名...

____________________________________

AMERICAN NEXT TOP MODEL冠軍中
始終都係得NAIMA好睇...(我個人認為啦下)
我印象中,我係好似用過NAIMA做BACKGROUND架
不過係QOOZA..唔係呢度

豈有此理=v=!!!
你地唔信我真係會打返晒兩個多月來的事嗎?!=v=!!!!!
太小看我了!=v=!!!!!!!!!
只是不是現在打吧=v=!!
現在甚麼時候咧?不用溫習嗎?=v=!!!!

好吧,我今天想說的其實都是很無聊的事..可以不看

話說...我昨天看超模,嚇死我了!
幾驚Jenah俾人淘汰...雖然我知唔會..
那個Bianca我想佢走好耐...
但係我最唔鍾意既Saleisha係冠軍囉
雖然去到中段都估到佢會係冠軍丫..因為d評判讚佢...
不過我起初都以為Heather至少入到三強架 *-*
因為感覺上佢好似好強咁.....
好彩我最鍾意既Chantal係最後兩個..
雖然還是被Saleisha贏了....咿.......我要Chantal贏呀呀呀...
嗯..仲有Jenah真係好靚......但係個人好似唔係咁好@@
好慘呀....雖然之前第11集佢講d野.......

其實外國人著旗袍都好靚丫*v*
chantal同jenah著得好靚,尋晚jenah贏果件藍色好靚*

=3=Chantal..Jenah.......Chantal....Jenah....Chantal.....Jenah...
其實我覺得Sarah都幾好架,不過好早俾人淘汰左

jenah實在太靚*v*不過如果佢本來d頭髮既顏色都係金色就好喇*

chantal...chantal.....總覺得這張相是5人中最美的*

依家考緊試,其他野遲d先講啦

兩個多月來的事,,,遲d打返

-完-

2007年,令我印象深刻的事比06年少吧??

基本上,,我好像都不怎麼想得起來....

感覺上..上半年跟下半年好像相隔很久@@

跟06年一樣,開心的事都在下半年=v=

所以這兩月來感覺超級良好的說

只是說特別的事又好像沒有

現在每天都在hea的狀態....很快又考試了..."

這兩月來,好像放假就一定要出街似的.....

電腦好像1月中才可以上網,omg!

要說的事情實在太多.....當我可以上網的時候

我會發瘋的把這兩個月來的事一次過放上來

喔呵呵 XD ......... 我每天都keep住有寫日記的習慣,

每天也期待到我可以上網的時候就打xanga,,,,

那時候,,我的感覺會十分良好,,十分十分十分的良好

喔呵呵呵呵,由10月27日開始到今天!!!哇哈哈哈哈

hey!happy new year!!!

想不到08年這麼快又到了,,07年有點空白

看看月曆才發現原來只有數天就08年了!!

可惜12月31日我沒有空,,大家那天開心點吧 x)

假如我下午有空的話再找你們

*這段時間我好像有好多相要問返大家拎...

我上到網的時候再一次過問你地拎....

1109*等了這天很久....不是因為統測..

{ UT完了...一舊雲,感覺好輕鬆  }    (炸~

110911091109.....

祝　志哥哥、米米

生日快樂!!!!>V<

嗯,,不經不覺已來到勁多人生日的11月!!

13天後就是11月22 ,即是穎穎的生日!

我猜那時我應該還是不能上網,因此....

先預祝　穎穎

生日快樂!!!!

_________________________________________

多天沒上網,感覺..TOO BAD!

不是因為電腦上癮到這個程度,

只是因為我多天沒有看到..沒有看到..沒有看到..

今天上到周同學家中上網,,實在太感動了-v-

這兩星期過得十分快樂....特別是週末的時候,

不過不能上網的好處就是會專心溫書

老實說這次ut溫書很容易就記入腦

我這才發現原來我是有聽書的*v*!

因為我溫書時發現有一半的內容我都是上堂和功課中看過的

再一次證明: 自己做功課是有用的!

這兩星期實在太多事想記低..

不過遲點可以上網時才補回吧

現在周同學家中有7人吧@@(不算周同學和他的弟弟在內)

周同學弟弟,kayi,喇嘛,陳欣倫在打麻雀...

我一會兒用完電腦就會去一起打牌了

先打到這裡.....

希望在不久的將來我家就可以上網咧*

_____________________________________________

後補 --

我發現我仲爭好幾句生日快樂....=口=

OMG!!!!!!!!!!!!!!!!!!!!!!!!!!!!!!!!!!!!!!!!!
我竟然漏左葉宇澄!

1029,,葉宇澄生日快樂....
(...........這句說話好像毫無意義.......")
這粒星星又大一歲喇..=v=*

另外仲有!!!!!

1101,,小夙生日快樂

1103,,小jeff生日快樂

1112,,小嘉生日快樂,,(未到-v-預祝的)

本人將於短期內不能上網,(是否真的短期我也不知道)總之我猜本月都不能上網的啦....說不定下個月也不能..噢!我可憐的小藍不就沒人餵他食字了嗎?!真後悔近來沒有努力找蜜點回來給他作後補之用,而且..我將會落後很多消息.....是很多很多....

O．M．G!

好啦,既然不能上網我就專心課業好了,話說我的文學要加把勁,我的數學更加要加把勁!很痴線囉,我做數學的功課,做了一個半小時也只做了兩條數!有病......配方法好難呀...早知做經濟算啦....

之後晏晝達add我msn@@問econ.."
我呢排econ都冇聽過書=3=
咁之後咪睇econ書送果本咩應試小錦囊答佢囉
睇睇下我自己都識埋咩叫地域流動性同埋職業流動性xd
上堂果陣我聽左少少啦不過冇記到
依家順便記埋,,,呵

((噢!原來火麻仁是植物大麻的種籽高溫炒熟....))

本人將於短期內不能上網=m=

之後要早會,,,今日有外評d人黎,
學校講晒英文囉=0=盧sir都講英文...
之後係兩堂英文
MISS好耐未黎,校長行過,佢入左黎講左兩堂書!
因為我地reading n writing果篇reading係her own star..
所以講star......"講完star就係講返篇文頭兩段
後尾知道原來係miss冇返但係office唔記得搵人代堂
到最尾兩個字有一個miss上左黎代堂....成班回復正常XD

之後兩堂中文,小組討論
睇黃凱茵果組討論,好好笑xd個topic係香港特式景物
係要帶d歐美遊客去的....吳同學超勁@@!

之後係兩堂文學,冇同econ調...
文學@@哈哈哈哈哈哈,,諗起都好好笑xd
話說果篇寡人之於國也章...好似係教左3堂
(即係3 dayz啦)我都係一句都冇聽過入耳
但係今日已經開始教知魚之樂喇,勁野-v-
果篇知魚之樂我知講咩喇,

然後係lunch啦....lunch又係去左食腸粉,,
好趕呀食得,因為有人等緊位-3-
今日飲左火麻仁@@到底係咩黎架呢?
我覺得好似煙灰味囉.."

之後返到學校拎左譚同學d錢黎玩xd
我個散紙包俾佢拎左,我返到屋企先記得-口-

最後係econ同埋地理
我今日econ都聽左少少書咁啦..
不過自從佢教生產因素開始我就冇聽書同埋唔多明
但係都ok既...econ堂真係好快過
之後地理堂...對答案....冇咩特別
放學同馬仔,kayi走,kayi趕住返大陸 =v=

YO!放3日假喔!超正XD

跟住,,返到屋企就勁野嚕..返到屋企首先玩電腦
食完飯9:00左右入左房hea....
9:30左右訓著左@@

今日凍死人咧!

話說,今朝本來想早d起身,因為尋晚d地理未做晒
好多野做囉 =口= 畫圖度野最浪費時間!
做到2點都未做完,痴線
之後訓啦唔理喇,咁今朝諗住早d起身啦,結果又係得個講啦
(不過我都係諗住早兩個字起身之嘛)
點知仲衰下7:27先起身囉.....
跟住但係我又要洗頭啵!咁之後洗完啦,搞呢樣搞果樣
遲左一個字出門口,但係已經好快咁去到輕鐵站喇
但係都係遲左一班車,所以今日係遲到喇

跟住返到去都痴線既....依家我有話唔填簿咩?!
問問問問問問乜春野姐你?!有病...
我唔係果d咁賤格既人囉唔該,我係遲到我唔會扮唔係囉
你咁問我我覺得俾人懷疑我人格囉
真係O咀俾佢睇,唔知佢想點喎,,
咁多對眼望住我遲到唔通我會扮冇遲到?!
然後仲有喇,咁多人企o係條樓梯度唔通我會偷上到課室呀?
我真係唔知佢咁問係咩意思囉,,

之後上到課室做地理,是但寫左d野畫埋個河流縱剖圖就算
miss今日唔理我地做功課@@"
唉丫依家要落去拎報紙....搵我拎就死得啦

跟住上地理堂,好暈丫...跟住抄筆記,坐呢個位好難睇黑板呀
之後好快地就上完堂,接住係上英文堂...做listening
小息....我都唔睇報紙既我都唔知d報紙有冇拎上黎=0=
好啦,跟住兩堂econ,,madam話想調聽日堂囉,
文學同econ調@-@下......食完飯上文學..."一定訓
今日econ堂我有70%內容係有聽到既,
其他冇聽既都係重覆同埋舉例
我冇聽因為今日講果d都明啦,,,(我自己認為)

跟住上art,,miss又冇返喇,請假請到星期四,,
-v-簡單d黎講即係星期一先見到佢啦..."
今個星期五放假好正....
咁今日開始畫個咀唇,好難畫呀,同埋我畫到好細粒XD
所以好快就素就晒啦應該,,我爭個咀唇未素同埋要修改一下,
加埋陰影就ok喇
*唔怪得之madam今日黎問我地miss冇返art有咩做啦,
原來佢代堂=0=

好啦,之後lunch,,食雞飯,,好味..食左好耐,飽晒XD
原來今年下面有朱古力奶賣!!!!!!!我下次又要買!!!!

lunch完上一堂maths,,因為最尾果堂要落hall聽地理講座
係同可持續發展有關既
咁今堂maths我有聽書喎,,依家果條式好易記
上完maths落hall聽講座,坐最前果行....個講座一個鐘講完
本身宣佈果陣又話講到4點..點知半個鐘講完..
之後就同kayi去銀行拎完錢就閃彈了

好!今晚作埋英文篇文!同埋做reading n writing
又要查字典了*v*

早前買的餅餅...芝士味的,
我見到個盒好靚吸引到我,所以買左,
味道就一般啦,,7個幾一盒,都可以食到好耐下
裡面仲有附送貼紙 =w=小丑魚真係好靚丫!!
右邊果張*好靚*****************

頭兩堂PE唔使上喎-_____-
仲枉我今日咁辛苦拎住袋PE衫仲要拎埋兩本超重既ART書返學!
點知唔使上喎頂....之後袋衫冇拎返叔屋企喇,下個CYCLE唔使拎XD

兩堂PE堂很白痴地在禮堂睇片做工作紙渡過
年年都要做果個咩屈臣氏唔知咩咩果D囉
今次係講跳高同埋馬術,D馬好好睇*
好驚囉好似好大件事咁,今日去禮堂校長同埋MADAM都o係度
都唔知佢地黎做咩野=0="
((禮堂d窗果d換左紅色布@@同埋中午有太陽曬住果幾個窗貼左野))
哈哈,我地都係吹水架之嘛o係果度,,
好搞笑囉個個都話浪費時間,,大家都趕住做英文XD

之後小息先知英文要做到第20頁,,於是自做做做
但係仲有一頁唔識做@@所以冇做喇
MISS今日冇行黎CHECK,,對完答案就落堂啦

之後中史堂,,我有聽左少少書啦
今日好靜下xd
阿sir又話好矛盾....大家嘈又唔好,靜晒又好似好死氣沉沉咁

之後lunch,,去左新北江買炸壽司食,本身食雞旦仔
但唔知點解間野冇開@@"
買左9件返學校食,食到超飽,之後好口渴就買左蘋果汁飲
今日lunch加埋野飲都係$12.5咋@@同買一個飯盒食差唔多飽
而且依家仲加埋野飲先係$12.5咋啵
就快打鐘上堂果陣好努力咁抄中文書d答案
我依家d字勁核突呀,,我連做作文d字都寫得好差,
話說我平時d字寫得好少少既都只會出現o係作文紙
但係依家連作文都好核突,-___________- shit

之後上中文啦,,好悶..都係對答案果d
同埋好眼瞓-3-本身唔係好眼瞓,但係鄰座位同學話好眼瞓
講講下我又好眼瞓....
之後上地理,,,眼瞓到爆...最衰依家坐咁前,
又要扮到好留心聽書咁,,個screen又近,,,次次上堂卦上去都好攰
好懷念之前坐最後果排....雖然要戴眼鏡好麻煩
今日上地理果陣對眼係差d打唔開

之後放學啦,,miss仲趕過我地好快就閃左,,
上到課室我今日好快地執好野就閃彈....
大家都好趕xD
之後去左圖書館還左書先,,就返屋企咧,,
落樓梯菅酊一樓左右後面有人叫KAYI
原來係SHAN -v- 話一齊返屋企
之後我出到校門行行下發現自己又蠢左
我話好想快d返屋企但係又近左佢地行另一邊走...
咁唯有繼續走,去到商場之後我就自己走左

返到屋企得6個人ON左MSN
跟住玩左陣電腦5:30左右入左房聽歌瞓覺
瞓到8:00起身食飯,今日晏左開飯?@@
跟住食完飯8:30左右,即刻開始做地理
然後做到9點幾又玩左陣電腦,,之後又做地理
我畫圖真係畫得好慢,同埋唔知點解我畫橫切面次次都畫錯
由我第一次畫到依家都係咁..唉..
最衰星期六日唔記得帶返屋企做,搞到依家咁趕=..=

天水圍天耀邨耀豐樓星期六6/10凌晨發生跳樓慘案
一名有精神病記錄的母親疑因獨力支撐家庭不堪負擔
因此精神面臨崩潰,,
星期六凌晨綁起一名十二歲女兒及一名九歲兒子
約凌晨3時許,一同從家中跳樓身亡,,
當時母親身穿紅衣紅褲@@
子女的父親患癌在院留醫........

OMG!!就是在學校的附近耶!!天水圍...搞甚麼?
(上文乃自己打的=V=我懶得找報紙的文章...
資料應該沒錯吧?錯的我也只是從報紙看回來=3=)

話說昨天在午間新聞聽到這報導也沒甚興趣
不過聽到詳細內容之後就吸引過去了
我記得到六點半新聞報導時記者還在天耀@@
很大件事耶....嗯...

今天中史堂的時候,,我明明就只是跟前面說了幾句話而已!
吼~~~我從來都很少跟前面後面聊天的啦....

明天PE堂不知道是跨欄還是跳高,我希望是跨欄咧

今天天氣，涼！涼！涼！

這種天氣超爽的說!!!冷氣也不用開
我現在晚上睡覺也是開風扇而已
我覺得今年呢,,其實真的不算太熱
夏天的時候常常下雨,之後一過了中秋就很涼很涼
有一天還要用凍字來形容 =口=

今天早會外籍阿sir有上台說話喔!
原來他是來自Australia的!!喔!還是第一次聽到他們說"a"字
初初我聽到4a的時候都沒留意他在說甚麼,
後來他說到2a我才知道是在說a字丫,哈哈
4a就好啦...阿sir教....我想阿sir教耶=v=!
今天英文我們有oral,,不過這次我的學號1-20是跟miss lam
下次就到我們跟外籍miss了,我就是忘記了miss叫甚麼名字.."
至於阿sir的名字,,我想知道怎樣串@@

完!

其實西九....有用的嗎?
那即是說,以後去看東西也許要去到西九了

唉..又年尾喇,今日打開報紙份娛樂版
見到話聖誕節d商場勁搵台灣d星黎香港
我才發現,07年就快過lu....
咁快又講聖誕,今年聖誕都係咁過架啦..唉
最重要既係,,,07過左,
咁08年eugene出左新碟既時候,會點呢...
今年一直都係講瘋女社....
出年可唔可以講下多d佢d歌=v=!!!

好啦,我又不得不承認我實在係對佢d歌興趣係最大架囉
佢其他野實在係其次,,如果有一日話俾我知葉宇澄唔唱歌,
或者我真係會就咁樣唔鍾意佢=口=...咩心理"
講到尾我鍾意葉宇澄實在唔係因為佢d咩野
只係因為佢唱歌好聽姐....

上跩妙大軍的大本營(紫月說的-v-)
講到my favourite idol呢篇文,我都想寫呀.....
如果英文作文真係有呢個topic,我一定係寫jesse mccartney!
因為易寫XD同埋係事實,,就算係以前,,
即係我未鍾意jesse之前,我都覺得我唔會寫葉宇澄囉,
一來係難寫呀嘛=口=!!佢d歌名點寫姐,
寫佢就一定要寫佢d歌丫!我英文真係冇咁勁囉,
另外係...idol跟singer是不同的吧,,idol是偶像對吧?
咁呢個topic係我喜愛的偶像,
咁同我喜愛的甚麼甚麼是有分別-3-
分別係,,「偶像」同「最鍾意既」某樣野好似係有d唔同
呢個係我自己既理解而已....o係我心目中
「偶像」係最完美果類咁既啦,,,即係係唯一架啦
而「喜愛的」咩咩咩就係可以有好多...
只不過係有一個係「最」架囉
咁即係偶像係冇可取締,而最喜愛的就可以有代替
喜愛的可以變成冇咁喜愛,
但係偶像係到某一日你唔鍾意既時候,
佢唔會變成你冇咁鍾意既偶像,
當你冇咁鍾意既時候佢已經唔算係偶像

我自己係咁覺得囉,可能事實上呢兩樣野既解釋唔係咁
總結就是說,葉宇澄其實一直都係我最最最最喜愛的歌手丫,,
我好少話佢係我偶像...唔知點解....
我不是在說他不好!xd也不是在澄清甚麼..
抒發個人感受而已..
話說喜歡他和喜歡外國的artist應該是沒有衝突的
只是,,目前為止我真的說不出eugene是偶像,
因為偶像只有一個..哈哈
(視eugene為偶像的各位不要扁我>_<)

我做咩無啦啦講起葉宇澄呢,
一來係講起eunix好自然就諗起eugene　XD
二來我其實真正想講既係,,年尾d頒獎禮呀!!!!!!=口=!!

算啦...

今朝soso好準時地8:59打電話給我問我在哪裡..
話說今日係我組人出中環做地理的日子
經考慮後我都係唔去喇....

好啦,咁收左線之後本身都猶豫緊起身未,
出去去左個所廁之後,,諗左陣..都係上返床度聽下歌算...
因為咁早起身都冇野做=3=又未有野食

後尾聽完歌又訓到1點幾,起身俾人叫落街買飯食
我果陣勁頭痛囉唔知做乜野,
之後又可能因為未食野所以有d暈暈地
我超唔想落街囉,,不過唔買野食又係暈,,
咁搞左好耐都係要落去..去左m記買野食,,
好屎狒丫!買完都未食就唔暈..
都唔知我到底係因為未食野所以覺得暈定係未訓醒..
冇可能係未訓醒啦,我9點起身果陣都已經醒晒...

食野食到超慢,2點幾食到3點幾,睇報紙....玩電腦
查字典...係查英文本reading and writing....
我又要重新開始成日查字典喇!!其實查字典真係幾好玩
下星期開始英文上oral的話就分開兩班上
不知道教我們的外籍老師是miss還是阿sir

我都不太明白為何我總是在學校不停地見到中史阿sir=口=
好似行到邊都有佢既蹤影

我好勤力地拎左中史筆記返家睇,,
係因為尋日中史堂果份會考試題講學術思想
我發現自己對呢個topic係幾有興趣,
雖然中史堂講果陣我冇咩點聽

我唔記得帶地理返黎做囉!!

喂呀!搵人教我做數...我d數真係好唔掂
我尋日上堂又落後一題半喇!
特別係最後講果d....我做到超慢
但係我好似又計到喎@@只係真係慢到好冇道理