呢幾日係大陸過....由於呢個時間無野做= ="所以補打返....hea下時間!!

今朝早8點起左身= ="不過由於琴晚兩點訓所以見咁早就訓多陣....訓到9點呀媽又問我去唔去飲早茶....跟住話唔去又訓過....跟住訓到12點呀媽返黎同我講話出佢同舅父們出香港跟住今晚返黎(因為我舅父d證就快過期....)不過我認完佢之後又訓過....訓到超斷斷續續....

訓到1點起身....玩左陣電腦同某某傾左陣計我表哥個d終於起身啦....諗住同佢地一齊叫外賣食....點知佢地原來係出去網吧到食(唔知點解呢兩個表哥好鐘意去網吧打機= =")跟住我就無奈得濟走左去細舅父到....去到門口見到我呀媽= ="不過我呀媽唔係出左香港架咩a_a?跟住最好笑既原來係佢張回鄉證過左期....過唔到機!!~要返轉頭....呢個時候我d舅父已經過哂去香港啦= ="剩低佢一個....佢要返香港又要去到羅湖個到扣錢先搞到= ="超低能....所以佢要返黎!!~之後係細舅母到食左一碗粥....hea左陣去到3點幾....就同我表哥佢出左去食下午茶....不過唔知點解個間野d奶茶好飲過我係香港飲既= ="幾正....係到傾d計!!~傾到唔知幾多點就返左去啦= ="返左去去到我表哥間房發覺佢有部psp= ="拎左黎玩pes2009....唔知點解平時玩鴻哥個部咁難玩....呢部好易上手= ="抄到人!!~仲要係高手級....跟住玩到食飯....食完又打過= ="打到十點鐘邊打邊睇完珠光寶氣就落樓同我大舅母拎佢屋企條鎖匙返去沖涼a_a"沖完涼由於無野做就係到打返呢d野啦...