第3日啦!

連放4日既第3日啦。

一早起身就番左學校,

拉小提琴同埋練波啦。

唉..我諗我真係要好好俾心機練set波啦.

我set既波,一係就好高,一係就太低.......

總之好小見到係set得好..

再唔練好佢到時比賽真係唔知點算..

殺完波之前林肯就同我地玩左個,

又低b又好玩既遊戲 (好深奧呀..XD)

個game就好似比賽咁.

但係唔洗起波,set波同埋殺波.

只係拋就0k.

初初都覺得好無聊,

但係玩玩好又幾好玩架喎.

個個拋波都落哂網,

大家都笑得好癲.

番到屋企,多左個陌生人,

佢就係工人姐姐啦.

佢係講英文.但係有D怪怪地~~~

4點幾到,表姐佢就黎左啦.

仲攞左30隻大閘蟹黎呀.

好滿足呀今日.

4個人食左成十幾隻大閘蟹。

不過今日完成冇溫過書呀,.........

放鬆完,我要再努力D先得。