今日本來可以好好休息
以為可以大覺訓
點知11點幾媽咪叫左我起身
話佢出銀行排隊交form 抽2007

於是就我都起左身啦
無耐媽咪叫我自己出銀行開本票
點知去到佢原來已經凍結左我舊戶口
咁就順便開過個acc啦..
但係又要住址證明又要出世紙
結果媽咪排左咁耐隊0徒哂
真係勁唔開心!!
好想鬧臭0個班人!!

同媽咪去左大圍明星飲茶
哇!! d 野真係幾好食
好過大埔0個間好多喎!!
希望以後多d機會去食啦..
d長春卷咩味真係到而家都仲記得xD

之後我就返屋企拎野
媽咪就去幫老豆入錢
返返去隆亨間中銀
屌-.- 排完成個鐘隊佢又同我講係去客戶服務個度
1個鐘前我問佢佢又話要排隊
我嬲到係咁屌客戶服務條友=_______=
真係好嬲
因為媽咪又冤枉地企左1個鐘有多!!!

幾經辛苦終於開左投資戶口
辛苦哂媽咪
希望抽到2007啦!

我要去旅行!!


今日真係排足成日隊
成日0徒左..shit!

買左朝早10點船飛返屋企
3嬸8點9先叫我地起身
真係玩死XDDD
執野執得勁快
又趕唔切掃零食返香港喎!
乜都做唔到啦總之就!!

搭船0個陣勁訓覺
因為實在太早...
記憶之中係未試過咁早搭船返香港

今次3日2夜0既行程實在係呃哂
因為夜船去早船返..哈哈!
唔緊要.. 5月12再返去賀麻麻生日!

HOLY SHIT 返到香港老豆即刻掉低我

*********************

返到屋企無耐就出返去太和
因為約左老公
真係好耐無見喇嗚嗚嗚嗚!!

唔記得做過D咩喇 -^-
隔左太耐先打呢篇日記..

琴晚勞頓左咁耐
今日都冇得訓覺好

因為8點就要起身返祖屋個邊拜山
連埋食早餐
9點未夠就返到...
1個2個又拎蔗又拎水又拎燒豬
又元寶立足咁上山

睇到呢到..
千祈唔好以為0係大陸拜山係好似香港咁他調!!!!!!!!!!
香港拜山就咁0係墳場搵個墳出黎就得
大陸係要爬哂山又割勁多草先搵得返個山墳出黎架!!!
絕對係有誠意架!!!!!!!!

D山斜到直.. 要用埋手琴上去
由於多年冇做運動其實我都真係有D遲鈍
好在都叫行得快XDDD
爬黎爬去好辛苦

姑媽成日都點錯路XDD衰到死!!
本來我行最尾架
點知因為姑媽行錯路我變左行最頭=..=
比D樹界到死咁滯
李秀珊仲要趴街添XDDDD
成個坐左0係度勁樣衰!!

老豆不停咁割草割到手都損哂
唔止割草..佢直情係斬哂人地D樹仔!!!
真係好狼死+ 超級力的表現!!
2姑媽都唔弱XDD
幾十年都冇生疏到XDDDDDDDD

至囉命0既事發生喇..
行上去爺爺個墳0個度0個陣
我居然因為足先一足先而亂咁搵野捉住
點知好揀唔揀
揀正棵生滿刺0既樹!!!!!!!!!!!!!!!!!!
真係超HYPER
我隻手有十幾個窿
仲插左幾條刺0係度
痛唔緊要.. 最慘係痛都唔停得=口=
唔係就會比人漏左0係座山度等死=_________=
真係痛到HIHIHIHIHIHIHI!
爺爺都唔睇住我0既=_______=""

好在最後拜完太公有燒豬食
同李志鵬拎住把刀係咁切
切完又拎住黎咬真係好豪邁XDD LUM呀!!

拜左差唔多4個鐘......
我諗到左我地呢代..
應該都唔會點拜山架喇-_-

返到屋企以為有得抖抖

點知轉個頭老豆就叫我去拜姨婆
去左飛鵝仙居..
即係姨婆葬0個度
其實姨婆死左咁耐我都係0係佢間屋同埋慈航度拜佢
冇去過個墳
今次終於有機會去了..

本來想買間屋燒比姨婆
但係太突然要去..買唔切!
唯有留返暑假先做啦!

同大伯父3叔姑媽2姑媽老豆李志鵬1齊去
都好慶幸佢地仲咁有心抽時間去
更加高興係見到墳前有1罐雀巢咖啡..
黎拜0個個人果然係有心人!!!

有好多野想講但係文字表達唔到.......





拜完山
就局住跟姑媽同老豆去左飲
風哥哥0既爸爸大壽
間酒店勁靚!!
佢地成班孫送野比呀爺0既場面好溫馨!!
呀爺又勁玩得好好笑!!
可惜大家都打哂底成台都冇人食野
0徒哂!

食完飯無野做佢地又返哂學
於是我就自己1個出左去行街
買左超級多野.....
仲買埋老翻返香港睇
買左PRISON BREAK SEASON 1+2
FRIENDS SEASON 1-10
2 套加埋都係45 蚊.. 真係抵到笑!!
返香港有排睇嚕!!

今日同老豆1齊返順德拜山
其實復活節假應該係好多野做0既
不過見自己咁多年冇返去拜山
所以特登抽空返去

執左幾件衫就出去碼頭
我係準時2點4去到碼頭架!!!!!
但係當老豆準備買飛0既時候
我居然發現自己根本就冇帶回鄉證!!
跟住我就即刻打比老豆好黯然咁話
「唔洗買我張飛喇」
「點解呀?」
「....我無帶回鄉證...」(勁驚老豆鬧!)

點知無比老豆鬧之餘佢仲幫我打返屋企叫媽咪拎黎比我
於是就生死時速喇........
因為即班船係3點10分
再下1班就係6點鐘... SHIT!!
如果MISS左呢班船.. 點等3個鐘呢?!!?!!
望住個鐘真係愈望愈驚
完全有哂心理準備要跑落船!!!!
.
.
.
.
.
.
好好彩.. 媽咪0係3點05 分趕到!!!!!!!
於是老豆就即刻仆去買船飛!!!
.
.
.
.
.
.
.
然後.. 票務小姐話即班船係3點20分
頂!!!!!!!!!!佢地2個即刻想毆打我咁款!!!
我明明就聽到佢話3點10分!!!
都係好事黎0既.. XDDD 唔係媽咪邊有咁快到!!
我地又唔洗跑落去.. 真係好!!

搭完船返到去
1出碼頭.. 哇 凍到嘔!!
即刻笠多件TEE 0係身!!
完全GET到自己帶唔夠衫唔知點死

返到屋企都仲凍到震緊
好在李秀珊0係度
即刻問佢有冇冬天衫比我著
好在佢地成日返黎有擺低D衫咋
但係就拎左件好似窗廉布0既褸比我著囉哈哈哈!!
好在有佢唔係我就凍死0係順德喇!!

有衫著之後得得戚戚打開自己間房個衣櫃

頂....全部都係姑媽同麻麻D衫黎0既=口=!!!!!!!!
麻麻爭D真係想拎衫比我著架喇!!!!
同埋我搵返我5年班時0既1件TEE呀!!!!
HAHAHAHA!!

好啦..HEA下HEA下
呢1日又過左LU!!

打邊爐