不知不覺都返左3日工 , 經過3日 , 我發覺D同事都唔難相處 , 佢地有D仲好好人 , 仲幾搞笑~

仲記得第1日返工我同侯生就比人改左個花名 , 我就叫大舊 , 侯公子我個fd就叫高佬~~

第1日返工 , 見到D客都仲有D淆淆地 , 千算萬算都算唔到個日會咁多客 , 但係D客明搞事囉 , 明明一大班學生去謝師宴 , 但係要2個2個咁入黎 , 仲要分開15分鐘1對~

入到黎就圍埋吹水 , 本來多客都唔成問題 , 最大問題係要同個自閉既做partner , 變相得我一個做 , 個日仲要係第一日返工咋~

經過第一日既經歷 , 我開始習慣 , 但係第2日 , 我同侯生係最遲返到公司 , 所以要做守尾工 , 要等到所有客走曬先走得 ,

唉 , 好彩有個好心既同事見我地第2日返 , 所以幫我地頂左咋 , 如果唔係有排都返唔到屋企~

今日終於學洗頭啦 , 當然係搵自己D同事開刀嫁啦  咁侯生就成為左我既手下亡魂 大約玩左15分鐘左右 , 就走左 , 教就教左 , 但係始終都係冇經驗~~

唉 , 返左3日工 , 係連最基本既洗頭都未學得好 , 仲話要2個月學剪 ! 不過快D學識洗頭就好囉 , 咁不單止可以搵多D , 仲可以幫輕下D同事~

返左3日 , 企足3日 , 同做侍應冇分別 , 但係由早上10點開始 , 行行企企到晚上8點 , 好crazy咩 ? 又有碟睇 ,又有歌聽 , 點會累~

聽日有個fd黎見Junior , 希望會請埋佢啦 , 咁到時就可以3個一齊返工放工~

大大話話都3日冇落球場嚕 , 好想打下波 , 無奈的是收工之後好累 , 唉 , 算啦 ! 返工落球場咪又係on下on下~

打住咁多(其實都係打比自己睇) ,

訓...........................................