琴晚都係做唔成taxation果份功課...想做果陣就電腦壞埋...又要洗機....整番好之後又無那那肚痛...結果成份冇做過咁濟... = ='

今朝又係..一起身就凍死人....

返到學校就我地幾個fd 走哂去圖書館印handouts...搞左一大輪.....最尾martin仲差我2蚊未還!!!

上benben 果科..Management accounting, 一黎就派左上次做果份功課~難以置信. 成績估你唔到. 太神奇啦.

終於上完2堂我聽唔明又悶又眼訓既management accounting啦..基本上..有martin係隔離係冇可能有得聽書既..佢由頭到尾都冇停過口咁撩我吹水. 係咁出聲噴口水...

Martin同梁同學一齊去食飯...係人都知啦. 唔好意思....唔記得左仲有陳同學and洪同學添....

跟住上BTEC功課堂...都係好眼訓.又好餓..break果陣阿sir播左咩野貧窮系列之...唔知咩野...

聽聞.....martin係我地上BTEC堂之前搞事WO. 講哂粗口咁鬧我地D FD...仲要問侯人地添...何有其事?唔好教壞我啦..martin..

等放lunch 吧啦...等martin(外賣仔)買上黎比我地食啦...martin你勞苦工高啦..辛苦哂你!!每次都咁準時, well done!

除左食M記之外..諗唔到食咩好呢. 算啦. 醫到肚就OK. 食完玩啤牌. 睇GAME書睇報紙. 等上Taxation...

Taxation 阿sir實在太勁太好人啦. 竟然令我明佢講乜. 由咩係物業稅 到 點計哂物業稅...我都有8~9成我明哂!!. 不過...過多幾日我就唔記得哂嫁啦...

教完就走得~爽~早左n耐放學..早得濟..冇野做添...及早番歸對住電腦睇動漫算. 多謝martin放學後請我食雞蛋仔.

MARTIN君~我下次想食冷面呀. 記住要帶定錢bo.!!

今朝一起身仲凍過琴日lo....真係想捐係個被斗度...唔願返學.

返學坐車竟然撞到martin. 仲要同一班車添. 結果一齊返學校.

一朝早又要上strategy management, 都係照舊, 又悶又眼訓又餓.

martin真係識呃人姐. 自己落去買野醫肚唔預埋我地. 上到班房成個口有陣燒賣味. 比我發現左. 竟然話自己冇去食野lo, 仲話岩岩食果d野係香口膠黎, 唔係燒賣. wow, martin你係得既. 咁既大話都想搵人信你. 我只可以講...原來有燒賣味既香口膠既...

上堂無聊都要幫martin 做宣傳呢. 希望多d人識佢, 同佢做fd.

好朦添- -" !!!!!

終於放lunch啦, 可惜eric你要返工. 冇得係martin食飯果陣令d野食好食d. 甜d!!!

唉. 食飽飽冇得番屋企要上日文堂lo, 仲以為今日要默日文字添. 結果又要留番下個星期....

點解果阿sir可以教得咁快嫁呢. 有冇諗過唔識日文既人未必會明會識會吸收到既呢...

實在頂唔住. 同d fd走左堂...

Martin又話好早放. 要我地等你成半個鐘..想找死?

文輝真係勁. 放學條路.....明知路有屎, 偏向屎堆行. 比個服字你!!

今晚要比心機盡量令自己有心情去做功課. !!加油..

一朝早係地鐵站等4個fd(Martin, eric, 文輝).  死martin又撩eric搞到eric遲到- -

上strategy management 上到眼訓, 跟住又餓..等放lunch

Martin 運算能力真係勁. !!!比個叻你. 找番4x蚊你應得既~

Auditing, 又一大堆複雜難明既科, 唔理. miss講咩野我就抄咩野落去handout度.

Martin由上堂騷擾住人地到落堂. 同人吹水吹不停~

Martin吹吹下又引誘我地玩啤牌, 又話咩野要我地輸到喊比佢睇wo

Martin真係帶給我地好多歡樂姐. 玩十幾次冇次贏到都仲笑得咁開心~樂也融融~

唉. 聽日又要上日文堂. 又要默書lo. 阿那型sir 係咁每個星期默書..真係有用?

最後. Martin仲差我地一次打邊爐lo. 好多人都聽到. 千其唔好扮冇野呀. 我地記得好清楚.