今日 , 2012年既4月29日 ............ 下一年既4月29日 , 我會記得 , 我今日喊過嗎 ???
我知道佢由大陸返咗香港 , 但其實佢一直都無同我講返一聲 : 「我回來了」..... 其實 , 我究竟算係佢咩人呢 ???? 反過來 , 其實我先係佢既服務員 ???? 好友 ???? 好友定義其實即係咩 ??? 無咩事就唔洗特登搵 , 有時就叫你幫手解決 ??? 妹釘一有咩事 , 就會向我求救 , 所以有時 , 我覺得 , 我比某人更加似佢男朋友 ...... 結果 , 佢今日又向我求救 , 佢手機壞壞地 , 問我點算 , 哦 , 唔怪之佢一直唔 WHATSAPP 我 , 因為根本 ON 唔到 LINE 。我本來打算星期一先幫佢攪 , 因為今日一來跑女皇盃 , 二來我又唔想特登坐車出去 , 但後來我想起 , 個傻妹 , 無得 WHATSAPP , 無得 QQ , 一定悶死佢 , 所以我又心軟 , 於是大賽都唔睇 , 出咗去幫佢攪掂 。
如果問我係咪覺得好麻煩 , 其實又唔係 , 不過依家幫佢做嘢 , 真係唔再覺得有以前咁開心 , 睇 MV 都有睇過 , D女仔幫個男朋友洗衫 , 煮飯 , 執屋 , 辛苦得嚟會好開心 , 因為佢愛個男仔 , 幫佢做依D嘢會好快樂 ; 我依家幫佢 , 無以前咁開心 , 因為 , 我覺得 , 我做幾多 , 可能都唔會再有分加 , 唔係話佢當我呀四 , 不過當佢心裡面有個好 LIKE 既人 , 但果個人又唔係你 , 你就會問 : 究竟自己點解仲要繼續對佢咁好呢 ........
妹釘真係好信我 , 幾乎有「XX希」咁信幫佢整電腦果個人 , 佢就係咁比咗部手機我攞去整 。 真心話 , 唔講大話 , 如果我好中意一個女仔 , 大家又相處得好好 , 無憂無慮 , 咁我真係一定唔會睇佢手機既任何嘢 , 相啦 , SMS 啦 , PHONE LIST 啦 , WHATSAPP 啦 , 對佢有信心就根本唔洗睇亦無謂睇啦 , 係 !!!! 睇完佢都唔知 , 不過始終都係做咗一樣「衰嘢」。 我今日 , 本來都無諗去睇 , 但維修要排隊 , 等好耐 , 於是咪睇下除咗每日打比我 , 佢仲會打比咩人 , 同埋睇下上次 , 佢話果個親愛的其實係咩身份 , 睇完之後 , 哦 !!!! 原來個親愛的 , 都唔係成日通訊既 , 原來可能都只係一個稱呼 , 無特別意思既 , 咁佢 BOSS , 又唔見成日會 WHATS 佢 , 咁我同自己講 , 佢都唔係好「大細超」嗻 ....... 本來去到依個位 , 唔好再睇 , 咁咩事都無 , 至少我可以當咩事都冇 , 人有時就係咁 , 你總係想知 , 有無其他人都想溝佢呢 ........
於是再開下其他 WHATS 睇下 , 睇下 , 睇下 , 睇睇下 ...........
個心口突然好似比大石壓住咁 , 呼吸唔到 , 佢之前放假放咗一個月 , 未放前最後一晚 , 陪咗我食飯 , 佢有輕輕提過 , 佢會進行一個「大 POOJECT」, 我問係咩 , 佢無講 , 今日見到佢同人 WHATS , 我只係睇一句內容 , 就估到晒佢個大 PROJECT 其實係咩 ....... 真係好大 , 原來個計畫仲已經進行咗2個月 , 只係因為一 D 技術問題 , 仲未可以完成 STEP 1 ....... 唔知點解 , 睇完果一秒 , 喊咗 ............... 我就完全明白晒 , 點解佢唔再開工 , 點解就算放完假返嚟 , 都唔開工 , 點解唔會同我再攪 , 佢一直都無講點解 , 一直我唔問 , 係因為 , 我想佢自己講 , 佢唔講 , 我都唔會迫佢 ....... 睇完個 WAHTS , 我明佢點解唔講 , 一來可能佢認為 , 我無權限知道依個 TOP SECERT 既內容 ( 不過佢又同另一個以前既客講) , 二來 , 佢又可以點講 ??? 講完之後知道我一定會喪傷心 , 雖然佢唔中意我 , 但佢都未至於覺得 , 令我喪 HURT 完全唔緊要囉 , 佢知我唔會接受同面對得到 , 唔講係為大家好 ........ 不過咁又證明咗一樣嘢 , 雖然 , 我從來無開口講過 , 其實我中意佢 , 想同佢一齊 , 但佢其實一早就知道 .......
我果一刻 ....... 已經知 , 我再點對佢好 , 佢心裡面都只有佢 BOSS 一個 , 而且佢唔係只當簽約 , 而係放咗真感情 , 一個女人唔係對一個男人有真感情 , 又點會犧牲咁大 , 進行一個咁大既計畫呢 ......... 依個真係唔係有錢同無錢既問題 , 而係愛同唔愛既問題 , 就算我依家突然有2億 , 比晒佢 , 件事都唔會有改變 , 因為一切唔係因為錢 , 而係因為情 , 感情問題 , 絕大步份 , 都唔係可以用好多好多錢就可以解決 ......... 其實 , 女人又會唔會因為愛 , 以為愛 , 而做個好錯誤既決定呢 ?????? 我諗起楊X琦 , 點解佢肯冒依個險 ???? 相信當時都有人提醒過佢 , 可能會有嚴重後果 , 佢唔值得「賭咁大」 , 結果不肯言中 , 唔係每個男人都衰 , 不過衰既 , 通常都係好有錢既人 , 我作為妹釘既好朋友 --- 雖然人人話佢當我係水泡 , 係後備銀行 , 係工人 , 不過我肯定 , 其實佢當我係一個好喰好喰佢既男仔朋友 , 既然咁 , 我應該祝福佢 ?? 定係提醒佢 ??? 佢傻下傻下 , 好易比人呃 , 好彩我唔會呃佢 , 唔係呃佢10次8次完全唔難 .......
後來 , 佢打比我 , 話「煮埋咗」我飯 , 叫我攪掂上去一齊食 , 佢真係覺得 , 煮埋我飯係理所當然 , 所以唔洗問我想唔想一齊食先煮 , 就係因為一 D 咁微細既嘢 , 有時又真係嬲唔落佢 , 有人話佢識耍手段 , 係既就唔會唔洗咗 D WHATS 先比部機我去整啦 , 佢本來就係個粗心大意既人 , 粗心大意係唔識玩手段囉 。 其實我面對一件咁既事 , 仲邊有心情同佢一齊食飯丫 ??? 但我覺得 , 唔好意思推 , 而且都要比返部機佢 。
佢因為肚餓 , 所以食咗先 , 咁係我叫佢唔洗等既 .... 上到去 , 我扮晒無嘢 , 佢邊玩機 , 邊望住我食 , 佢有撩我講嘢 , 我是是旦旦答 : 「係呀 ?」「哦」咁 ...... 食飯時 , 我刻意背住佢 , 粒聲唔出 , 佢當然 FEEL 到我有 D 嘢啦 , 平時我好似小貓咁永遠坐 OR 俟喺佢身邊 , 今日離幾尺 , 又唔望佢又唔同佢講嘢 ...... 食完, 我幫佢洗埋碗 , 然而就著鞋 , 佢即刻好肯定我有嘢 , 因為平時 , 我唔會咁快走 , 一定陪佢多一陣 , 佢知我知佢悶 , 會好肯陪佢夜D , 不過見我今日唔同晒 , 就問 :
「你好似有心事咁」
「無事」
佢笑住再問 : 「你有事 !!!! 咩事 !!!! 講 」
「無事呀 !!!! 我走喇」
於是我就係咁走咗 , 唔知佢點呢 ??? 佢會唔會估到我咩事呢 ??? 但我又唔可以講係咩事 , 一講佢咪知我知道佢D秘密 ???? 不過算啦 , 我已經唔可以再面對佢喇 , 唔通真係要佢計畫完成晒先大家唔再見咩 , 到時佢「X住個X」, 我都唔想見到 , 仲要當無事幫佢加油打氣 , 我做唔到 ........ 所以果次佢話 , 一年後可能大家唔識大家 ....... 或者遲D , 佢人間蒸發都係計畫一部份 , 因此有感而發 , 但佢點都唔會估到 , 首先一間蒸發果個會係我囉 !!!! 依一篇既題目點解叫 : 「用自己雙手 , 把一切毀滅」??? 因為 ........
我比返手機比佢之前 , 我做咗一件 ........ 我唔知算唔算好過份既事 ........ 我偷偷喺佢手機上 , 將我既所有資料 , 包括 WHATSAPP , SMS , PHONE LIST , 打出打入記錄 , FACEBOOK , DEL 得一乾二淨 !!! 我知佢無記性 , 佢一定唔記得我 TEL NO. , 我 DEL 晒 , 咁佢以後都唔可以再搵到我 , 咁當然 , 佢要搵 , 始終都仲會揾到 , iPHONE 仲有個 GAME 我地都有玩 , 如果佢搵我 , 其實上個 GAME , PM 我都可以 ..... 但至少唔可以直接搵到我 , 我咁做 , 係因為我知我唔捨得佢 , 如果佢打比我 , 我會忍唔住見佢 , 咁又何必呢 ......... 我自己無定力 , 只好咁啦 !!! 當然我都 DEL 晒佢所有佢既資料 , 不過我都留咗一張佢既相 , 可以耐唔耐望下 .........
一年唔係一個短時間 , 而且依一年 , 佢都喺 HK 同我一齊渡過 , 以前果D , 識一年 , 但可能得幾個月喺香港 ........ 所以 , 妹釘係同我感情最好果一個 , 都係我最喰果一個 , 因為我每次都自動知道要幫佢D咩 , 安排D咩 , 唔洗佢講出口先知 , 依家要放低佢真係好唔捨得 , 佢個 BOSS 日日要交人 , 根本唔可以全心全意照顧到佢 , 不過我願望 , 佢比唔到名份比妹釘 , 都真係比到幸福佢 , 唔好好似福街鞋王咁 ........ 其實 , 我有少少後悔 DEL 晒佢手機我 D NO. ....... 其實 , 我係咪唔應該咁樣 ??? 我係咪好小器 ??? 佢發現咗唔見晒我 NO. 未呢 ??? 佢知道後 , 會唔會嬲到爆 , 因為我想同佢絕交呢 ??? 佢會唔會因為咁 , 為我流咗一滴咁多既眼淚呢 ???? 我其實係咪好賤 ? ........................... 其實 , 我係咪應該比佢知我點解咁做 ???? 我驚佢以為 , 我覺得佢麻鬼煩所以唔比佢再搵我 .......... 嗚 ..........
|
