沉日做完既事 , 今日好後悔 , 但我又唔知下一步點 , 於是唯有去搵唯一比到意見我既人 CC , 其實我係無晒辦法先去搵佢 , 因為如果問D唔係真係性工作圈子內既人 , 佢都都會對圈子所有人 , 事 , 情 , 帶在世裕偏見 , 根本唔會聽到另一角度既意見 ....... 可能有人話 , 其實我自己早就有答案 , 我只不過想搵一個支持我睇法既人 , 或者係啦 .........
上到去搵 CC , 同佢講咗成件事 , 比佢好平和咁鬧爆我 ...... 話我自私 , 無禮貌 , 無理妹釘感受 ........ 我覺得佢好岩 , 令我稍稍有D頭緒 , 知道第一件要做既事就係同妹釘 SAY SORRY , CC 話無論妹釘接唔接受都好 , 作為一個男子 , 都應該道歉 , 除非我覺得同妹釘關係 , 一 D 都唔重要啦 !!!!
不過 , 其實情報 , 我都係問唔到咩 , CC 話好多嘢 , 妹釘唔會同佢講 , 但妹釘真係有講過 , 我對佢好好 , 佢好信我 ...... 我於是就走 , 一路行 , 一路諗 , 我真係同妹釘 SAY SORRY ??? 唔係話我唔應該咁做 , 不過 , 佢可能唔會接受 ........ 算啦 , 唔好理人地接唔接受 , 有錯就要認 , 我好誠懇咁用 WHATSAPP 打咗個成70幾字既 MESSAGE 比佢同佢道歉 , 佢回返我 , 我好意外 , 因為佢話佢唔會嬲我 , 因為我係佢好朋友 ........... 咁我借機會問佢一個問題 , 我話佢可以唔答 , 但如果我問 , 佢唔可以嬲 , 得唔得 ?! 佢話 OK 。我問 : 「你愛他嗎 ?? 」
佢都過咗好一陣先回 : 佢話 : 「愛同唔愛都唔會影響我同你既關係 , 我地之間唔係愛情」
我地之間唔係愛情 , 當然啦 , 我都無開口問過佢話想同佢一齊 , 連中意佢我都無講過 (直到果一秒都係) , 咁點會係愛情呢 ??? 不過佢咁答咗 , 其實我都係唔知 , 其實佢係咪愛果個人 , 因為 ...... 如果愛 , 講出嚟 , 無咩大不了 , 而且對佢嚟講 , 唔係可以令我死心咩 ?! 如果話唔愛 , 可能令我心存僥倖 , 事實我都係咁諗 , 咁耐以來 , 我唔知既唔算 , 知既 , 佢真係無同我講過一個大話 , 至多係唔比我知 , 但唔會呃我 ....... 咁即係 , 其實佢唔愛 , 定唔知愛唔愛 ????
我同佢講 , 愛唔愛 , 對我嚟講好有分別 , 如果唔愛 , 咁我至少都仲可以以朋友身份 , 男朋友態度去守護佢 , 如果愛 , 我就覺得自己喧賓奪主 , 再講, 如果佢愛果個人 . 咁我仲留低有咩用 , 就算我肯繼續做佢好朋友 , 都只會係投閒置散 , 因為「工作」都會比返佢 BOSS 同 D 女仔朋友負責 , 我就變成係多餘 , 簡單D講 , 如果係打麻雀 , 我要做鋪鋪出充比佢食果個人 , 而唔係旁邊斟茶遞水果個人 , 所以我知道 , 佢愛唔愛果個人 , 其實會令成件事可以有完全唔同既 ROUTE .......... 咁講真 , 可能都有人會覺得 , 如果我真係咁「中意」妹釘 , 就唔洗理佢中唔中意個男人 , 咪永遠 STANDBY 係佢身體囉 , 如果佢中意別人 , 你就唔再愛佢 , 咁即係我其實係計算啦 ......
其實我又點會無咁問自己丫 ?? 個男人有老婆 , 邊個知佢會好似的士大王咁 , 比晒D身家妹釘 , 定係好似鞋王咁 , 反轉豬肚 ????? 以前香B 旦 , 我好中意佢 , 不過有一個有老婆既男人又好中意佢 , 個男人應該都勁有錢 , 買幾個 LV 比佢都係咁 , 果時我真係咩都比唔到佢 , 只有時間囉 , 我唔洗交人 , 幾時搵佢都 OK , 記得果時 , 我同個男人真係 FIGHT 得好勁 , 佢用錢 ??? 我用隨傳隨到 , 有次呀旦半夜發燒 , 佢想搵D客帶佢睇醫生 , 果D客又話要計車錢 , 又話老婆睇住 , 咁佢就搵我 , 佢唔係最先搵我因為一來我住得遠 , 二來佢既然仲有客係身邊 , 當然問個客先啦 , 我就 BA BA 聲坐百幾蚊的士飛出去 , 你果一刻唔知咩叫貴 , 只知要快D到 , 咁就係我陪佢去旺角影醫生 , 再送返佢香B , 的士錢當然我比啦 ...... 我係咪一個好喰女朋友既人 , 我自己唔會講 , 不過佢話果一刻佢好感動 ....... 後來佢返吉林 , 走之前果晚都有見我 , 又同我傾咗幾粒鐘電話 , 唉 ...... 我以為 , 佢走咗 , 就唔會再返 , 而且佢仲有個識十年既男朋友喺吉林 , 應該返去嫁人啦 , 我慢慢收拾心情 , 過返正常日子 , 中意佢既感覺已經無得 8899 , 點知 , 佢突然返 HK , 我知道 , 就一定會去睇下佢啦 !!! 話晒 , 佢曾經係我喪中意既人 , 佢返嚟 , 同我講 , 男朋友同其他女攪 , 又賣 K , 喺大陸比人拉咗 , 所以分手 , 以前個有錢男人 , 話佢覺得對唔住老婆 , 上去喊晒咁同旦講 , 以後唔可以再見佢 !!!! 當時我心諗 , 你1隻2隻福街 , 當時又話幾愛 , 兩年唔夠 , 個個唔理呀旦 ?! 咁X無情無義 ???? 我係唯一一個以前喪中意佢又一直無識過第2個 , 而又仲會返嚟睇佢既男仔 , 佢有同我講過 , 人又老咗 , D人又走晒 , 無人喰佢喇 ...... 我覺得 , 如果果一下, 我問佢想唔想再試下中意我 , 我估佢應該 OK , 可惜我心中團火熄咗 , 唔係話 RESTART 就可以 RESTART ..........
其實我一直都有後悔 , 我自己話等佢返 , 結果自己都無守信 , 唔係 , 我就可以成為佢個安全網 , 佢眾叛親離時 , 我仲對佢死心塌地 , 咁佢就會肯比個機會我坐正 .... TV 求婚大作戰 , 主角個矮仔同學 , 由中學就好中意一個高妹 , 不過高妹從來唔中意佢 , 只中意靚仔 , 個男人一直都無放棄 , 直到大家都出嚟工作 , 過咗咁多年 , 高妹終於感動 , 同個男仔結婚 ......... 另一個 TV 個男仔好中意個女仔 , 個女仔結咗婚 , 後來又離婚 , 個男仔一直等佢等到依一日 , 搵返個女仔 RESTART ........ 可能現實世界 , 根本無依種可能 , 咁香B旦又點 ???? 我會覺得 , 係中意一個女仔 , 你無論 STANDBY 10年 , 20年 , 都唔會後悔 , 唔會埋怨 , 咁有一日 , 個女仔原本幾唔中意你都好 , 都可能會回心轉意 ....... 依個一直都係我信念 , 可惜之前依個信念 , 好多次我都冇堅守到 ...........
讀書時果次 , 個女仔係比人搶咗 , 但後來個男人又唔要佢 , 如果我有守落去 , 應該同佢可以再開始 , 1997年果一次 , 個男仔返嚟搶返個女朋友 , 後來比個女仔飛 , 如果我有守住 , 應該同佢有新發展 , 香B果次以上講咗 ...... 之後渣甸街果次 , 果次可以唔計 , 因為個女仔同我反面 , 守唔守都無用 ...... 到依家妹釘 ....... 我唔通又要再犯一次以前既錯 ???? 我知 , 守落去唔知要等幾多年 , 而且唔一定有成果 , 可能係嘥時間 , 但如果到時 , 果個男人出爾反爾 , 咁我都仲可以做到佢救生衣 , 做到救生衣 , 就可能有機會上位 , 因為日久見人心 , 可能佢會回心轉意 .........
最後 , 我同佢講咗 : 「我做你個 FD 我好願意 , 不過中意你係我既事 , 你唔好理 !!!!! 如果你愛果一個人 , 你計畫第一步成功既話 , 你無可避免要疏遠我 , 什至可能要遠走他方 , 我會好難受」
本來我仲想講 : 無論點 , 我都會一世對佢不離不棄 , 就算佢中意既係另一個人 , 不過 ............. 佢今日應該已經好煩 , 我應該比佢好好想清楚 , 佢想點處理我既身份同位置 ............ 而且今晚喪喊咗一次 , 成個人好攰 .....
如果佢想大家唔好再搵大家 , OK , 不過心裡面個位 , 我會一直留比佢 ........................
|
