今晚 , 去咗同親愛食飯 ( P.S. 雖然我都認同我同佢之間唔算係愛情 , 不過佢都係我最親愛的) , 我以為 , 經過之前既事 , 佢可能心裡面會有條刺 , 不過佢自動打比我, 叫我上去幫佢做少少少少嘢 , 我當然去啦 , 大家見面 , 無事啊 , 好似以前咁 , 講下笑下 , 我都鬆咗一口氣 , 其實依家個情況係 , 佢知道我好中意佢 , 同埋唔係玩玩下果隻 , 但亦明白 , 我唔會比壓力佢 , 唔會比時限佢 , 又唔會要求佢D咩 , 可能佢以前真係無一個人對佢咁包容 , 體諒卦 ?? 其實我唔會話自己好好人 , 我都有小器時候 , 有發脾氣時候 , 但我會情願 , 天下人負我 , 我不負任何人囉 =.=

好多人都話 , 佢識玩手段 , 佢呃緊我金錢 , 時間 , 如果我話唔係 , D人會話我已經唔再客觀 ....... 識咗親愛原來都有1年零2個月 , 呃我 ?? 佢又無 , 都係果句 , 我911後識既囡囡 , 都好人 , 都唔會呃我一毫子 (除咗一個 , 不過佢都已自食其果) 。親愛呢 ..... 佢比較易發脾氣 , 除咗依樣 , 都無咩喇 , 我好中意佢咩都會話比我聽囉 , 好似有人想溝佢上床 , 佢會同我講返 , 邊個帶佢去玩 , 佢又會話返比我知 , 連果個人D背景都會同我講 , 有時真正男女朋友都未必可以咁 ..... 我唔知係咪 , 我喺佢身邊會令佢得到另一種安全感啦 ^^ 其實 , 佢今日有意無意間 , 都比我見到D嘢 , 原來佢都唔係百份百 LIKE 佢 BOSS , 因為見佢掟電話同黑面 , 仲X , 佢同我講電話時10次有8次都好開心笑既 ....... 佢又交代咗少少嘢比我知 , 某程度上令我對「我自己估既事」有唔同既認知 , 感覺我有少少「屈」咗佢 , 佢原來都係「你唔明白我就算我唔會刻意解釋」既人 , 依種情格都唔係唔好 , 不過如果唔了解佢既人 , 會幾難同佢做到好朋友 ...... 點都好 , 經過今晚, 我地又和好 , 我比較安慰係 , 佢話 , 佢「暫時」比唔到「任何承諾」我 , 我完全明白 , 咁點都好過某人一句塞過嚟 : 我要既幸福你比唔到我 , 我好貪錢咖 ~ 咁丫 !!!!

我覺得我好似進步咗少少 , 上次 MK妹 話以後唔見 , 我喺佢門口等咗6個鐘 , 希望佢比幾分鐘我大家傾下 , 前一次香B旦走 , 我係咁叫佢比個機會我 , 但今次親愛如果話大家以後唔好見既話 , 我係唔會去拍門求佢 , 我只會尊重佢既決定 , 我唔知係咪叻咗 !!!! ANYWAY !!!! 我知我知 , 我仲係好細路仔脾氣丫嗎 , 盡量改囉 -.-