星期一 , 親親唔舒服 , 到今日星期3 , 佢都係唔肯講究竟係咩事 , 我好蠢咁以為佢係咪去醫院接受人工受孕 , 於是反屋企上網 check 資料 , 人工受孕係唔洗全身麻醉 , 又唔洗打吊針 ....... 其實我真係有 D 嬲 , 有咩咁唔講等比我知 ??? 就算係 AIDS 我都唔會離棄佢 , 何況只係身體既毛病 ???? 所以我都 SMS 講咗佢 : 「唔講就算 , 以後都唔問 !!!!  」, 我知我有時都幾臭 , 成日會比說話佢聽 ...... 我話佢根本唔明白人地擔心佢既心情 .......... 其實佢係咪真係唔明呢 ??? 唉 ..... 我知佢其實明 ..... 不過佢 D 性格又係好倔 , 佢或者就係覺得 , 唔想咩都要靠我 , 唔想攪到我因為佢 , 連瞓都無得瞓 , 佢知每次佢有事 , 最煩果個其實係我 , 我會成晚諗住 , 眼光光到天光 ......

我都唔係完全明白 , 女仔其實係點諗嘢 , 好似好朋友琪 , 佢有男朋友 , 不過都會成日同我 SMS , 有時會拍D 「肉照」SEND 比我 , 好在佢有男朋友 , 唔係都可能以為佢想中意我 , 我同佢 , 好好朋友 , 佢都唔會日日打比我 , 都唔會講好多佢自己嘢比我知 , 所以如果同親親比 , 我了解親親, 仲多過識咗兩年既琪 , 但又咁 , 親親話 , 佢當我係佢最好既朋友 , 但親親由4月中放完假返嚟開始 , 真係幾乎日日都打一次電話比我 , 有時係因為叫我幫佢整 iPAD , 有時係講玩和風物語 D 攪笑嘢比我知 , 有時 ....... 都唔記得晒 , 總之就係一定有一個理由 , 但就唔會話係因為掛住我 , 以前佢開工 , 都唔會咁 , 可能係以前開工忙 ?? 但佢以前開工一 D 都唔忙咖 !!!!

好似今日佢一早又打比我 , 又係講佢玩和風 D 嘢 , 我心諗 , 佢如果唔玩和風 , 仲會唔會打比我 ?! 定係佢只係以和風做開場白 , 其實想我陪佢講下電話 ?? 講咩內容根本唔重要 ??? 我其實唔敢咁諗 , 因為我唔信自己有咁重要 ...... 不過其實我會覺得佢有掛住我 , 都唔係我自己幻想 , 好似有時佢突然會喺和風 PM 我講「晚安」, 相比呀琪 , 都唔會瞓之前同我講「瞓喇」咁啦 ...... 今日佢打比我時 , 我問佢係咪喺屋企 , 佢話 : 「一陣去醫院」, 其實佢唔講我都唔知咖 !!!! 佢就係咁 !!!! 話唔洗我擔心 , 但又同我講唔舒服 , 同我講去醫院 , 聽完唔擔心果個都係傻咖啦 !!!! 其實有無女仔 , 會中意一個男仔 , 但連佢自己都唔知中意咗呢 ??? 不過就算佢心裡面可能有少少中意 , 不過如果佢未 READY 好 , 都係無用啦 ..........

可能佢又知我有 D 嬲 , 今晚又 SMS 我話叫我唔洗擔心佢 , 佢會照顧自己 ...... 唉 , 有時又真係嬲佢唔落 , 我突然又想起一件小事 , 佢幾乎次次收線時 , 都會同我講 88 , 但我見兩次佢同 X 先生講電話 , 都無講 88 , 越見得多 , 越攪唔清楚 , 其實佢中唔中意 X 先生咖 ?!

既然親親話無事 , 咁就無事囉 !!! 可能真係我太緊張卦 ....... 不過我覺得點都仲有手尾既 , 唉 ...... 觀察住先囉 , 唔係可以點 ????