好無聊中 , 今日親親無打過字比我 , 都無打比我 , 係既 , 其實都唔一定次次要佢打嚟 , 我打比佢都得 , 不過 , 唔知佢做緊咩 , 方唔方便 , 同埋可能食咗葯 , 瞓咗都唔定 , 嘈醒佢既話 , 佢一定唔會「鏟」我 , 但自己都唔好意思啦  有時覺得 , 如果打比佢 , 都唔知講咩好 , 好似無咩話題咁 , 又無理由日日問佢好返未丫 , 之前佢開工 , 雖然唔會日日講電話 , 但反而好似多D嘢傾 , 講下佢返工點啦 , D客點啦 .... 依家佢唔再開工 , 都唔知可以陪佢傾D咩 , 突然覺得我同佢唔會再 KEEP 到好好囉 , 係感覺 , 唔知點解會有種咁既感覺 , MAYBE 我係感情方面 , 係非常情緒化卦 ??? 不過我其實知 , 問題唔係因為佢既背境 , 就算我識一個 OL , 都一樣會有一樣既問題 .....當一個人 , 日日都打比你 , 突然一日唔打 , 心情會 DOWN 咗 , 如果連續3日佢都唔打比我 OR 打字比我 ........ 我諗我唔會再搵佢咖喇 , 之後就會變成大家都唔再搵大家 , 我好想可以預知 , 如果係咁 , 之後會變成點呢 ???

今日又發生咗小小事 , 令到我嬲咗好友琪 , 詳情唔方便講 , 其實真係好小事 , 而且都唔係佢有錯 , 不過我就係唔開心 , 我都唔知自己嬲咩 , 總之就係唔想聽佢電話 , 唔想睇佢 SMS , 突然唔想再同佢做 FRIEND , 唔想再同佢有任何關係 , 我都唔知點解 , 但我真係覺得所有嘢都好煩 , 我唔想再煩「佢地兩個」既事喇 ............