沉日 , 親親無打比我 , 唔開心 不過計返時間 , 上一次佢打比我係10號零晨12:00之後 , 計死數 , 其實都係有每日打一次比我 。 今日下午好悶 , 又唔敢打比佢 , 無聊時 , 就用 APPS 幫佢將張相改成雜誌封面 , 再拮返佢 FACEBOOK , 佢見到好得意 , 就打字問我點整 ???  我話下次見佢時教佢 , 我又打字比佢話 : 「好無聊啊 , 你又沒打給我 , 我又不敢打給你 , 怕吵醒你啊 !!!」我無講好掛住佢 , 因為佢始終都唔係同我開始咗 , 我唔想講到出口 , 唔係好似比壓力佢咁 。 咁男仔 , 有時都想好似小貓咁「炸下嗲」, 想「出口術」叫佢打比我 , 好似有D奸咁 ......

哈 , 後來佢真係有打比我 , 佢無話因為我想佢打 , 所以就打 , 不過呢 , 其實佢知我等緊佢電話囉 , 聽到佢把聲, 個心甜晒 , 咁係丫嗎 , 其實仲想佢點丫 ?? 佢對我真係好好咖喇 !!!! 如果比起其他沉船故事 , 親親真係好好啦 !!! 有時我會諗 , 其實我同佢既關係都唔算沉船啦 , 因為 ...... 至少我地係好真誠咁對大家 , 唔會對對方講大話 , 唔會比壓力對方 , 大家相處 , 90%時間都係開心 , 唔同其他人 , 男仔好中意個女仔 , 但女仔「唔嗲唔吊」咁 , 男仔又唔捨得分手 .... 我同親親唔係咁囉 。

不過 , 最攪笑係 , 佢講起一個朋友既太太 , 話對方好靚 , 好似明星咁靚 , 我話 : 「你都靚呀 , 睇下我同你整D封面相 , 勁靚女啦」, 佢聽完勁開心囉  , 總係覺得 , 我讚佢 , 佢會開心過由其他人讃佢咁既 ?! 嘻嘻 , 其實可能我地兩個都好小朋友脾氣 , 小小嘢就開心返晒 , 親親又話 , 佢身體無晒事 , 叫我真係唔洗再擔心 ..... 講真 , 我地其實大家都好 CARE 大家囉 , 唔係咩 ???