早兩日 , 親親返咗 SZ , 今日返嚟 , 佢有打比我 , 原因都係因為佢個 iPAD 又有小問題 , 有時會諗 : 可唔可以有一次係你突然掛住我 , 所以打比我得唔得 ? ...... 不過 , 如果一件事真係可以有兩個睇法既話 , 咁親親D性格咁男仔頭 , 又「倔雷鎚」, 想佢開口話掛住人都幾難囉 !!! 原本話我收工過去同佢 CHECK 下 , 後來佢打比我又話部機 OK 返 , 咁我就唔再問要唔要再上去佢度 , 因為想睇下佢會唔會開口問我 , 可能佢又係 , 見我唔開口問 , 佢可能都唔好意思問 , 果一下 , 突然 DEAD AIR 咗4秒 , 我唔知點解就 FEEL 到有D嘢 , 可能有人話 : 「車 !!!! 你自己諗嗻 , 有咩證據先 ?? 」,即係咁 , 一個太太 / 女朋友 , 唔一定要有證據先知道個男人出去攪攪震 , 好多時係因為懷疑 , 先再去搵證據證明係真既 , 可能一個人同一個人相處咗一段時間 , 而大家性格又配合到的話 , 慢慢就會感覺到對方想法 , 而又唔洗用說話交代卦 ?!

之後我都係上咗去陪下佢 , 親親原來係去咗 SZ 睇樓 !!!!! 佢一路同我講買樓D嘢 , 當時我諗 : 唉 .... 唔通佢想搬返 SZ ??? 係既以後就無得見喇 =.= 定係 MR. X 要佢搬上去 ??? 正式收埋佢 ??? 咁我一路聽 , 一路都幾擔心自己既未來 , 咁我又無黑面 , 又無唔開心 , 哈 !! 親親唔知係咪睇到我塊面有好大個問號 , 佢就同我講 : 「打算買咗再租比人囉」.... 哦 , 原來係咁 !!!! 所以 , 有時真係唔好話我諗多咗 , 就當係巧合也好 , 我會信 , 佢知我諗緊咩 , 所以我唔問 , 佢都會比個答案我 !!! 而個答案又真係我好想知既 !!!! 依種事仲要一直都在發生 !!!

之後同佢去咗食飯 , 食完行咗入一間買衫衫既小店 , 陪佢行咗一陣 , 佢揀咗兩件衫 , 一D都唔貴 , 我本來想由我比算啦 , 不過後來我有個諗法 : 都唔貴 , 都係有得佢自己比 , 我唔係唔想比 , 唔係無錢 , 而係2件衫衫真係太平 , 咁小嘢我都幫佢比 , 好似會令佢覺得我認為佢窮 , 所以咩都幫佢比咁 .... 其實我唔知點用文字解釋我依個想法 !!!! 即係有時 , 比返D機會等佢用返自己錢 , 我又唔係包佢 , 佢都唔想一分一毫都用我既 , 否則佢可能會覺得我有D睇唔起佢 , 我唔知點講 , 我自己好知自己點諗 , 但唔識講 ...... 依個絕對唔係錢既問題 , 而係有少少尊重佢既問題 , 講真 , 佢都真係唔洗我買比佢 , 就正如 , 我唔洗佢買嘢比我咁囉 , 不過遲D我都會帶佢去買D夏天新衫 , 當然我送比佢啦 , 不過又要佢有心情去行街至得 !!!!

再之後 , 我地又入咗超市 , 買菜啦 , 買餸啦 , 買米啦 , 唔好睇親親係小富妹 , 其實佢都好慳家 , 平時自己煮飯 , 佢話可以平D , 出街食好貴 , 但我每次都搵佢出街食 , 有時真係唔想佢煮啦 , 間中食下好嘢丫嗎 , 咁佢煮嘢其實好食咖 !!!! 有次佢煮湯麵比我食 , 食完真係好似食神套戲咁 , 大叫 : 「好好味呀 !!!!!!!!!!!!!!!!!!!!!!!!!!」 不過我想講 , 同佢行超市 , 果一下好似兩公婆咁 , 佢買嘢 , 我幫佢拎住 , 唔知點解 , 果一下突然有種「幸福」既感覺 , 佢問 : 「我係咪好精明 , 格價好叻 ?」 , 哈 !!! 佢個傻妹 , 成日都想聽我讚佢叻  , 我讚下佢真係會開心好多既 ???? 傻瓜 ^^

我同親親既相處就係咁 , 大家唔係男女朋友 , 但其實又幾似男女朋友咁 , 唔同其他人既故事 , 我同佢只係有依D點點滴滴 , 大家可以話都幾平凡 , 唔似得其他人 , 女方話中意你 , 就用身體為你付出咩咩咩 , 又比你咩咩咩 , 我同親親好耐無攪 , 我都唔會諗「果件事」, 如果有一日 , 佢突然問 , 咪順其自然囉 , 但我當佢係普通女仔咁照顧佢 , 喰佢 , 所以唔會成日諗住想同佢攪囉 , 不過咁既相處方式其實仲好 , 有時 , 兩個人相處 , 唔一定要上床 , 本來感情就唔係靠  SEX 去維繫嗎 !!! 有時 , 大家都了解大家心裡想法 , 感受 , 比起佢比唔比你「環保中出」重要好多 !!! 有時大家都問下自己 , 佢肯比你中出又點 ??? 你可唔可以做到 , 佢唔開口 , 你都知佢想點 , 然後完成咗佢想你為佢做既事呢 ??? 而佢係咪又一樣呢 ??? 如果你同佢都未可以 , 其實 , 你地係關係會唔會只係好表面化呢 ???  (其實我都無資格咁講 , 我同親親又唔係男女朋友 ..... 不過 ....... )