今日同咗親親去食早餐 , 佢未到時 , 我諗緊 , 不如上茶樓啦 , 點知親親嚟到 , 真係話去飲茶 !!!! 真係好心靈相通 ??? 其實都唔係我主意 , 而係佢姐妹發起 , 我之前幫咗佢地小小事 , 佢地成日話要請返我食飯 , 今日終於成事 , 或者咁講 , 我令佢地有個借口聚下舊。我作為唯一一個男仔 , 自然由我嚟招呼各位 , 姐妹A突然對親親爆咗句：「好細心呀！做男朋友好呀！諗諗佢丫？」親親係咁笑 , 唔知點答 , 我亦唯有扮聽唔到 , 果一下好尷尬囉 , 其實 , 親親知我暗地裡當正佢好似女朋友咁對佢 , 可能佢都有同姐妹講過少少 , 但唔知點解 , 姐妹A爆句咁既嘢 , 真係面都紅埋 , 其實以前都有過咁上下情況 , 不過係唔同既女仔 ...... 例子(1)某次陪某囡囡去打麻雀 , 佢個 FD 話 , 怕咩輸丫 , 有老公(指我)比 , 我果一次偷偷笑咗 , 佢見到就話鬼我 : 「笑咩 !!!!」...... 例子(2)又係同香B旦去打牌 , 佢 FD 見到我 , 問呀旦 : 「你 HONEY 呀 ?」 佢好快咁話 : 「朋友」......

今次 , 親親好似都唔知點回應好 , 佢自己同自己講 , 男朋友 , 分男朋友同男性朋友 ...... (吓 ?! 你其實講緊咩 ?? 囧)...... 之後無再講落去 , 我知姐妹A其實都係想 SELL 下我比親親 , 對佢地嚟講 , 邊個對親親最好 , 一定會諗起我 , 不過都係覺得好唔知點咁 

今次 , 其實我大部份時間都係聽佢地幾個傾閒計 , 一來佢地普通話講好快 , 我唔係句句明 , 二來 , 我覺得聽佢地講咩有時仲好 , 了解多D佢地平日既生活 , 其間 , 「開封府」打電話嚟 ...... 基本上 , 開封府日日都會「出巡」 , 咁今日親親跟姐妹見面 , 自然開封府就無得「升堂」啦 !!!! 先講明 , 唔係親親約我 , 係姐妹約親親 , 叫親親搵埋我咋 !!!! 所以親親唔係因為我先出嚟 !!! 不過開封府顯然唔 HAPPY 啦 , 佢打嚟問親親幾時返 ?? 親親話唔會咁早囉 ...... 佢收線同我講 , 好煩 !!! 返工都有放假既時候啦 !!!! 無幾耐 , 又打嚟 .... 對話內容唔方便講 , 但我知道開封府比晦氣說話親親聽囉 !!! 親親其實唔高興 , 不過佢又當然唔可以黑面啦 , 佢回應咗幾句 , 原句唔方便公開 , 當我同佢配音 : 「唔洗咁講嘢嗎 ?!」...... 原來係咁 !!! 開封府原來都只不過係個普通男人 , 專制 , 大男人 , 唔了解親親感受 , 小器 , 之前以為開封府係個好識討女人歡心既人 , 好 GENTLEMAN 既人 , 原來我睇高咗佢 。

我之前都有發過少少親親脾氣 , 但我從來無「比說話親親聽」囉 !!! 可能開封府覺得 , 你收得官餉 , 就要 24 小時 STANDBY , 依D咪大男人囉 !!!! 親親當然無比佢知我在場 , 不過 , 親親都有自己既自由 , 可以有自己既朋友 , 男又得 , 女又得 !!! 就算男朋友都無權唔比女朋友同朋友來往啦 , 何況佢都唔算係親親男朋友 ...... 依家想返 , 當日問親親愛唔愛開封府 , 真係蠢到死 !!!! 親親係講過開封府對佢好好 , 我自己咁睇 , 開封府都只不過係好肯花錢喺親親身上 , 所以親親咪覺得佢好好囉 !!!! 我呢 , 就唔係用錢 , 係好多細微細眼既嘢幫親親做好晒 , 而唔洗佢講 , 我都知幾時要做D咩 , 唔好做D咩 , 所以親親覺得我好體貼佢 , 姐妹都係咁講 !!!! 咁我唔係話親親貪錢 !!!! 佢唔係 !!!! 講一件以前既事 , 香B旦有次唔舒服 , 我陪佢去睇醫生 , 去到旺角 , 佢叫我走先 , 姐妹嚟陪佢 , 我覺得有古怪 , 就扮走先 , 跟住偷偷地偵察 , 哦 !!!!! 原來係果個「人地老公」, 我勁嬲啦 , 第2日咪同佢勁吵 !!!! 佢講咗2樣嘢好岩 , 我完全無得 OBJECTION , 佢話 : 「我根本就唔洗同你交代 !!!! 咁佢比3000蚊我 , 唔通我有錢唔要呀 ???」又係 ...... 有錢賺唔通唔要呀 ??? 同貪錢根本就無關係 , 所以親親唔係貪錢 , 但有人肯比錢「租」佢 , 唔通唔賺呀 ?! 其實都證明咗 , MK妹個理論係正確 , 簽約係打份工 , 唔通當結婚咩 ???

就係因為今日 , 我已經唔再擔心親親同開封府既「工作問題」 , 因為佢都唔了解親親既性格 , 親親係唔會中意一個控制佢自由既男人既 , 相比我 , 我從來唔會理親親見 QQ 友 , 只係間中提下佢小心d , 佢同開封府既事 , 我更加唔會主動問 , 因為我會比好大自由度親親 , 所以我一直有分加 , 今日開封府反而應該比親親扣咗唔少分 , 所以呢 , 關愛一個人 , 唔係講比幾多錢 , 而係你有無用心去理解 , 點樣可以令佢開心 , 點樣幫佢排難解憂 , 開封府似乎就未做到 , 後來親親仲同我講 , 如果開封府見到我同佢一齊  , 一定「解約」 , 某程度上即係同我講咗 , 佢同開封府 , 真係老闆員工關係 , 唔係愛情囉 , 其實都係既 , 親親一直都有同我講開封府既事 , 但好明顯 , 佢係從來唔會比開封府知道我既事囉 !!!! 原來好多嘢 , 都係我「諗多咗」。