剛剛親親打字比我 , 問我做緊咩 ...... 其實有時兩個人相處 , 外人可能唔明白 , 但自己兩個會完全 get 到 , 親親咁問 , 即係佢想同我講電話 , 我記得我無同佢講過 , 我有賭馬仔 , 只係有次講過 , 星期三我多數唔得閒陪佢 , 唔知係咪怕我跑緊馬 , 所以唔先打比我呢 ???? 我當然即刻打比佢啦 !!!!! 佢今次唔係又因為部「板仔」有咩問題 , 開頭幾句 , 都唔知佢有咩事 , 講真 , 唔係一定有咩事先可以打比我 , 悶 , 搵我我都好開心陪佢傾 !!!

講咗幾句 , 佢突然講 , 過幾日佢又要為佢個大計做準備 ...... 親親 , 咪睇佢性格倔雷鎚 , 其實都係幾「薄皮」既女仔  , 出街佢會怕太少布比睇蝕 , 自從我知道晒佢個秘密計畫之後 , 佢都仲係好少直接講, 只係會好婉轉咁講 , 好似乞晚, 佢講返果件事 , 都係用返「個計畫」作為代號去講 , 舉個例 , 如果去劈友 , 就唔會叫劈友 , 可能會叫「官渡之戰」咁 。 而親親又好知道 , 佢講「個計畫」 , 我就一定知係咩事 , 而唔洗問返佢「咩計畫」? 唔知依D算唔算默契 ......

親親一講話過兩日要準備個計畫 , 我真係 FEEL 到 !!! 你話我扮晒嘢都好 , 我真係 FEEL 到 , 佢其實係想同我講依件事 , 佢想比我知 !!! 同埋佢講既時候 , 佢似乎有D「唔好意思」咁 , 可能我始終係男仔 , 仲係一個好中意佢既男仔 , 佢唔知點同我講好 , 咁我又唔會覺得 , 佢會認為再繼續個計畫係對我唔住 , 不過可能佢都想試下我有咩反應 , 可能想睇下我會唔會連依件事都包容到佢 , 的確係 , 我相信好多男仔都無可能會接受到自己中意既女仔 , 進行一個咁既計畫囉  , 不過佢都同我交代過 , 計畫都只係一件工作 , 唔會同對方有咩感情瓜葛 , 如果佢中意對方 , 成件事就唔係一個計畫 , 而係一段感情啦 !!!! 咁當日佢都唔洗同我澄清返 ......

咁其實 , 佢點解要話比我知呢 ??? 上次我知道咗 , 幾乎話以後大家都唔好再見面 , 後來和好 , 仲對佢好似以前一樣咁好 , 今次佢主動同我講進度 , 一定有佢既原因 , 其實親親唔講 , 我根本係無可能知最新情況 , 除非見到「火箭升空」 , 到時佢唔講 , 我都有眼見啦 !!! 所以我真係認為 , 親親其實唔係只當我係一個好朋友 , 而係一個唔可以做男朋友既男朋友 ...... 我一下子 , 唔知比咩回應佢 , 我絕對唔可以同佢講 : 「不如唔好啦 , 我唔想你咁 !」 , 因為我無權叫停佢成個計畫 , 但話全力支持佢 , 我講唔出口 !!! 我話 : 「我唔講你依件事喇」 , 佢以為我唔想再聽 , 我解釋 : 「我覺得你自己決定啦 , 你姐妹都話你好精明咖」 , 我唔記得佢點答 , 不過我感覺到 , 佢好似想 , 又唔係好想 , 想既原因好合理啦 , 但唔想 , 點解呢 ??? 因為我 ??? 唔會既 ..... 佢之前同佢朋友講 , 話進退兩難 , 難在何處呢 ??? 依家唔係一個合適時間問佢 , 不過我都同佢講 : 「如果你想唔通 , 可以打比我鼓勵下你」 , 佢聽完好開心咁笑 , 咁事實 , 我立場係真係好尷尬 , 無理由叫佢唔好 , 要佢錯失個搵錢機會 , 我又比唔返同樣既錢佢 , 咁我又唔知佢其實想唔想我叫佢唔好 ...... 有時 TV D 女角都係咁 , 佢要走 , 問你支唔支持佢 , 其實係想你開口叫佢唔好走 ......

我知道 , 其實個計畫 , 好似北韓試射火箭咁 , 已經失敗咗兩次 , 我諗如果今次再失敗 , 個計畫再試落去都應該唔會再成功 , 我梗係想佢失敗啦 , 但如果成功 , 咁我都會繼續對親親咁好既 , 對佢嚟講 , 可能係一個對我考試 , 可以觀察一下我係咪識照顧佢同 .... 都係唔講得, 否則成件事會穿 .....

今晚講電話大家都係開心既 , 都無比果件事影響 , 不過我有諗 , 我係咪應該關心多D佢個計畫呢 ?? 既然佢都覺得個計畫令佢進退兩難 , 我係咪要支持佢多D , 等佢唔好有孤軍作戰感覺呢 ??? 我都要用小小時間想一想 , 我下一步要做D咩呢 ????