沉日本來想搵親親陪下佢 , 原來佢去咗朋友度渡週末 , 都好丫 , 好過一個人困喺房仔度 , 佢話不如星期一過去見好唔好 ??? 我當然好啦 !!! 我留意到 , 佢講咗個明確既日子 : 星期一 , 過嚟搵佢 , 而唔係好似某D人會話 : 過幾日丫 !!! 或者 : 我返嚟再約丫 ~ 咁 ...... 我知親親依幾日好悶 , 其實佢知道我想嚟陪佢 , 所以佢一返嚟就叫我上去呢 ???? 可能卦  

我收工就過咗去 , 上到去 , 知佢原來出咗去再返嚟 , 中間過程我無問過佢 , 但估計佢可能同 「男人」去咗食飯卦 ???? 佢無講 , 我估嗻 !!!!! 今日陪佢 , 一半開心 , 一半唔開心 , 唔開心既係 , 佢可能有咗 BB =.= 其實 , 依個處境 , 最尷尬反而係我 , 我意思係 : (1)咁如果佢真係有咗 , 我之後要點樣面對一切呢 ??? 當無嘢 , 當係自己就嚟做爸爸咁照顧佢 ???? 但個B唔係我咖喎 ??? 雖然如果咁做 , 我應該有印象分加 , 同埋可以比佢當係檢閱下我 , 萬一佢將來有咗「我個B」 , 我識唔識照顧佢 ?? OK , 就當我可以無嘢 , 佢又點睇呢 ??? (2)同埋如果真係有咗 , 「男人」會唔會接佢走呢 ??? 咁到時 , 我未必可以再見佢啦 !!! 如果係咁 , 係咪依家分開會無咁唔捨得呢 ???? (3)其實究竟份約係點咖 ??? 個B出咗身 , 所有嘢點安排咖 ??? 親親會同個B , 一齊同男人住 ??? 定係生完就各不相欠 ?? 親親「好似」(只能話好似 , 我唔敢肯定 ,因為當時無用心聽清楚)真係講過 , 生完就算 , 唔會有其他嘢 ...... 不過我又成日諗 , 個B對個男人嚟講都應該唔見得光 , 而且唔比得佢老婆知 , 咁出咗世 , 搵邊個照顧 ??? 唔搵親親湊 , 搵邊個 ????? 一諗到我同親親既關係既前途問題 , 真係仲愁過D大學生畢業怕搵唔到工 ...... 最慘我唔敢問親親 , 怕佢話 : 「同你講過 , 果時你無聽咖咩 ????」 同埋 , 如果佢話 , 將來佢真係計畫同「男人」以後一齊生活 , 咁我就真係無必要再支持到BB出世果一日 , 依家分開同到時分開其實都一様 .......

但如果親親跟本唔係咁諗呢 ??? 如果佢到咗BB出世 , 就等於佢放監 , 咁我依家同佢講 : 「不如以後唔好再見 ....」佢一定唔開心 , 但佢一定唔會留我 , EVEN 佢可能唔捨得 , 不過佢性格一定唔會開口求人 ..... 最慘係 , 我一問其實佢點諗 , 肯定比佢勁X , 就算唔X , 我仲驚 , 驚接受唔到另一個答案 ...... 同埋 , 咁依十個月 , 我仲留低做咩呢 ??? 唉 .....

不過 , 今日陪住佢 , 佢心情好似特別好 , BI~LI~BA~LA 咁同我講嘢 , 又會玩下吋咀 , 嘻嘻哈哈咁就過咗3個鐘 , 如果有第3者在場偷睇 , 都可能以為我同親親真係拍緊拖啦 , 但實際我地無開始 ..... 其間 , 突然有個 QQ FRIEND 打比佢 , 約佢去「某地方玩幾日」, 「零」團費 =.= 我係旁邊聽 , 唔出聲 , 唔係偷聽 , 不過唔通塞住耳仔咩 ???

親親收線後就同我講 , 有個 QQ FRIEND , 約佢去「外遊」, 問我好唔好 ??? 我話 : 「你咪去玩下囉」 , 係真心話嚟 , 佢出去玩下散下心 , 我係支持既 , 雖然果個人係男仔 , 咁我知果個男人都係想呃親親上床攪一次咖喇 , 不過我都信親親識保護自己 , 佢又問我 : 「你去唔去 ???」, 我話 : 「人地搵你去咋嗎 ??? 無理由我又跟去」, 佢話 : 「有咩所謂 ??」..... 哈 !!! 佢個傻妹 , 成日唔覺意就會氹到我開心返 , 佢去玩 , 都問下我好唔好去先 , 我諗如果我話唔好去 , 可能佢都有少少機會唔去 , 佢又想叫埋我去 , 如果係對住其他女仔朋友 , 佢未必會問佢地意見 , 都未必問佢地一唔一齊去 , 所以 , 有時我都認為 , 親親唔係當我係男朋友 , 但佢自己就不知不覺 , 比我做咗佢男朋友個角色 , 所以成件事都幾精神分裂 , 不過如果佢唔係咁 , 我諗我一早有充分理由同佢分開 , 依家我會比個借口自己 : 算啦 , 佢唔同我拍拖 , 唔等於佢一D都無中意我啦 ..... 女仔好多時中意一個男仔 , 又會有好多理由唔想同佢開始既 .......

我見親親既然都叫埋我去玩 , 咁我就開咗張「期票」比佢 , 話同佢去「國民黨基地」 , 我當然負責晒一分一毫啦 , 咁我都應該有足夠錢既 , 不過等佢完成晒佢既「工作」先去 , 應該年尾或下次新年後卦 ??? 其實依張票都開等幾「大」下 , 不過佢似乎都幾想同我去 

走既時間 , 親親過來抱抱我 , 又比我拖咗一陣手仔 其實佢唔再開工之後 , 都無再試過咁樣過 , 咁你話 , 朋友會唔會咁丫 ??? 我係朋友定係唔係男朋友既男朋友先 ???? 咁真係好容易會精神分裂囉 ....... 囧 ..... 不過今日, 都係過得開心既 ^^