前幾天跟親親說過去旅遊既事 , 今天再喺聊天室同佢提一下 , 佢今日終於又搬返上次句對白出嚟 :「同你講過我地之間唔係愛情 , 我當你係朋友 , 我唔想傷害你」 ....... 我知道我同佢之間唔係愛情 , 但唔係又點 ??? 再講 , 兩個人 , 無理由一識就有愛情啦 ...... 如果佢其實中意緊另一個人 , 就唔應該仲成日比我搵佢囉 !!!! 點解仲要講「暫時比唔到承諾我」丫 ...... 我個立場其實都係 : 知道佢唔愛我 , 不過我盡心盡力對佢好 , 希望佢最終會感受到 , 感動到 ..... 依家諗返 , 或者佢真係對我依種男仔完全無 FEEL , 就好似我好朋友琪 , 大把人想沉佢船 , 但我識佢兩年 , 就偏偏一D「中意佢 , 想同佢拍拖」既感覺都無 , 無錢唔緊要 , 窮都可能會 OK , 無 FEEL 先無等救 , 依樣嘢 , 其實無得迫 , 不過好多時 , 成日見某D女仔 , 個男朋友一D都唔靚仔 , 於是我會覺得 , 女仔揀男朋友 , 可能最重要係睇對方對自己好唔好 , 專唔專一 , 其實係咪真係咁既呢 ????   

 之前聽 1872遊花園 , 有個女人 , 同一個男拳手既故事 , 女人話 , 佢本來都唔諗住拍拖 , 因為想個「小朋友」大個D再算 .... 咁「妹釘」係咪咁諗呢 ??? 既然果個女人 , 一開始都無打算拍拖 , 到後來直頭同個拳手一齊住 , 咁點解我又做唔到呢 ??? 最重要係 , 我完全唔係想呃妹釘一分一毫囉 ....... 好多女仔 , 中意一個男仔 , 但又唔會同佢拍拖 , 可能就算個男仔主動 , 都唔會 , 原因可以好多 , 覺得個男仔太多女仔追 , 覺得個男仔玩玩下 , 覺得自己未放低以前既嘢 , 又或者對愛情無晒信心 ....... 如果妹釘 , 可能都有以上是旦一個原因 .......

我回想返 , 其實有好多獨立既小事 , 令到我比個機會自己, 試下同妹釘相處 , 記得初初搵佢 , 成日會「攪唔掂」, 佢有兩3次 , 我剛走出大廈門口 , 就電話嚮 , 佢話睇下我有無去咗搵其他女仔攪 , 我就覺得奇怪 , 你都收咗我錢 , 出唔出到都係我既問題 , 你唔洗負責 , 咁就算我即刻搵第二個攪 , 你都無損失丫 ??? 唔通怕我搵咗第2個 , 就唔再搵返你 ??? 咁好多客都可能搵一次就以後都唔再出現 , 你又何必咁在意我會唔會再搵你呢 ?? 依件事我一直都唔明白 , 而且從來無女仔咁做過 , 咁多年都無 , 得妹釘佢一個做過 .....

如果話 , 佢想 KEEP 個客 , 又何必講佢其實有個小朋友 ??? 佢都話好多客知道咗 , 就以後都唔再搵佢 , 咁佢講比我知 , 又唔怕我都走埋 ??? 有人話 , 佢想搵人養埋佢小朋友 , 如果係 , 佢就會扮中意我, 等我照顧埋佢小朋友啦 , 但佢又無咁 ...... 當時我真係有諗過 , 不如以後唔好再搵佢 , 如果當時真係咁 , 就唔會有今日 。 當日 MK妹 知我沉佢 , 佢好決絕 , 決絕到我等佢6個鐘 , 佢都唔肯見我 , 佢復出時 , 唔肯比我搵佢 。 妹釘唔知幾時就 FEEL 到我中意佢 , 如果佢真係唔想同我有咩關係 , 佢可以好似 MK妹 咁 , 唔比我搵佢 , 我就一定要自來動消失 , MK妹 話有人包佢 , 結果不了了之 , 復出再復出 , 但佢都可以的起心肝 , 唔要一個客 , 妹釘以前真係有人包 , 其實佢更加可以唔洗應酬其他人 , 但佢反而又唔趕我走 , 即係點 ???? 或者佢就係好少有人真心對佢好 , 佢又有好多自己既問題 , 都唔知點面對 ......

今晚 , 佢終於講咗一D我應該知既事比我知 ..... GUNDAM 既呀寶 , 有一句好出名既對白 : 「人類總要重複同樣的錯誤」 , 我既經歷就一直在重複 , 唔記得幾多年前 , 香B旦 , 我又係誤打誤撞識到佢 , 過程同識妹釘都有D似(巧合1) , 之後 , 我成日都搵呀旦 , 有時可以陪到佢收咗工 , 然後陪到佢瞓 , 我先走 , 妹釘就成日都比我陪佢 , 有時唔開工時間 , 我都可以陪佢(巧合2) , 呀旦有一次半夜2點幾 , 喺老尖迷路 , 打比我求救 , 佢知我唔會鬧佢嘈醒我 , 就算當時大家冷戰緊 , 因為佢知我「當時」好愛佢 , 妹釘有咩攪唔掂一定搵我出手 , 佢知我唔會嫌佢煩 , 因為佢知我好疼佢(巧合3) , 呀旦當時有個有錢已婚男人追佢 , 買勁多貴價嘢比佢 , 妹釘有個有錢已婚男人包佢 , 起居飲食費用完全有人負責(巧合4) , 呀旦家人全部在吉林 , 佢香港無親人 , 所以佢無留喺香港既借口 , 妹釘都一樣 , 屋企人都在老家 , 不過就近D , 但佢都係無咩借口令佢想留係香港(巧合5) , 呀旦最後都決定返吉林 , 妹釘 ........... 佢話 , 佢計畫完成後 , 就會返老家 , 唔會留喺香港(巧合5)  我開始明白晒成件事 

佢同個男人真係只係交易 , 合約完成後 , 唔會跟住個男人 , 不過佢話 , 合約一完 , 佢會返江西 佢未必一早就決定咁做 , 不過就因為佢有依個想法 , 所以我覺得佢更加唔想開始一段感情 , 因為佢走咗 , 我喺香港 , 佢可能都唔信可以 KEEP 到 ?? 佢可能亦會擔心我偷偷出去玩 , 咁佢會好辛苦 , 其實我亦好難要求佢個人返咗老家 , 個心陪我喺香港 ..... 咁會好自私 , 當然我亦唔肯定佢有幾大決心一家要返老家 , 佢本來打算深圳買樓 , 佢細佬亦住深圳 , 佢亦曾經有想過安排仔仔嚟香港住 , 其實 , 如果佢完成合約 , 基本上唔洗再開工 , 日日 HEA , 都唔會有咩經濟壓力 , 如果佢肯留低 , 咁將來會點 , 仲會好多變數 , 我聽過某D人講過 , 佢中意個女仔 , 個女仔長期歐洲周圍住 , 佢地都仲 KEEP 到 , 當然中間有唔開心既事發生過 , 我同妹釘 , 如果只係相隔2個鐘飛機航程 , 會唔會無咁難呢 ??? 依家問題係 , 我用咩借口 , 叫佢返去之後 , 唔好拍拖 , 將個位留比我呢 ?? 我其實又有無權咁要求佢呢 ???? 以前香B旦 , 佢都話返去就同男朋友結婚 , 話唔會再返香港 , 結果佢最後同男朋友散 , 又返香港開工 , 即係好多嘢 , 根本唔係我地計得到 , 所以如果當時 , 我立心同香B旦 KEEP 住 , 話唔定有機會一齊咗 , 所以依家妹釘話會走 , 我留佢唔可以 , 話我喺香港等佢 , 佢多數都唔肯啦 !!!  

頭先佢打比我 , 佢講咗我係對佢好好 , 佢話大家係唔同世界既人 ...... 我其實諗 , 咁又點 ??? 最緊要係佢開唔開放佢自己個心 , 比唔比個機會人地嗻 , 不過, 依家我覺得 , 我再搵佢 , 再見佢 , 自己好似好樣衰咁 , 即係 , 我同佢唔好再接觸 ???? 一年既關係 , 應該係時候完喇