太陽每日會升起 , 但係每日你會點過果一日 , 你未必想像得到 , 沉日同傻妹件事 , 攪到成晚眼光光到3點幾 , 其實咁仲辛苦過喊出嚟 ...... 我一直好信自己真係有預知夢 , 好似前幾日夢到同妹釘唔開心 , 結果就真係出咗事 , 今朝發夢佢同我講再見 , 仲叫我記住好好照顧自己 , 跟住就醒咗 。 其實沉晩 , 我打咗「封信」比佢 , 我推理咗佢唔同我「開始」既原因 , 我話佢可能因為我係「公司」識佢 , 令佢覺得我唔係可以付托終身既選擇 ; 可能佢怕我知道佢既過去 , 令佢無安全感 , 可能佢怕我會唔中意佢個仔仔 ; 可能佢覺得我經濟上比唔到安全感佢 ..... 我話 , 其實佢一直咁信任我 , 佢知我一定唔會做D HURT 佢既事 , 我話佢實佢可以比個機會我試下 , WORK 唔 WORK , 我都唔會嬲佢 , 我借用咗一句對白同佢講 : 「試一下 , 又不會懷孕的」.....

其實我都唔知佢睇完會點 , 佢可能覺得我比壓力佢 , 令佢怕咗再比我搵佢 , 咁我地可能就到此為止 , 咁我又唔會煩佢 , 問佢有咩諗法 , 不過 , 因為沉晚瞓得唔好 , 其實返到公司都無心機做嘢 , 見妹釘上咗 WHATS 好耐 , 我直覺覺得佢似乎同朋友講緊我件事 , 可能問緊軍師 , 其實我都問咗好多朋友意見 , 因為我唔知究竟應該洒脫放手 , 定係做住朋友先 , 繼續留低照顧佢呢 ? 我又搵返黃曉明~早十年的童話嚟睇 , 既然人地都可以用十年等一個人 , 就算個女仔有咗個男朋友 , 主角個心都無離棄過女主角 , 如果咁先算係愛 , 咁我依家覺得無將來就唔理妹釘 , 我真係不知所謂既自私鬼 , 我開始知道自己究竟想點行下一步 。 我心裡面計畫 , 過幾日搵下佢 , 始終佢仲有好耐先走 , 我又係佢最信任既人 , 如果我都走埋 , 佢會好似坐監咁 , 佢唔係無其他朋友 , 不過我又最容易抽到時間陪佢 , 我更加唔應該第一個走 

後來 , 妹釘竟然會打返比我 , 佢第一句就話 : 「我以為你會唔聽我電話」 , 我梗係唔會啦 , 不過佢咁講, 即係佢會以為我唔會再搵佢 , 唔會再「喰」佢 , 即係其實佢都唔想無咗我 , 或者有時 , 朋友 , 男朋友既身份會有D踩界 , 我覺得親親佢都唔係好識分清楚 , 咩態度只可對男朋友 , 唔可以對朋友 , 其實佢都有講 , 我對佢好好 , 以前都無人對佢咁 , 所以佢都唔知點處理 , 但又唔想令我唔開心 , 我都明 ...... 佢又講 , 我打比佢果一大段 SMS , 完全講中晒佢心底話 , 佢都有講 , 佢真係同我講既一樣 , 怕比人知道佢既過去 , 同埋 , 佢話其實佢有咗小朋友 , 所以唔會好強求再有新感情 , 不過就算係都想搵返佢老家既人 ...... 如果了解佢 , 就知佢只係講個想法 , 唔係代表一定要咁 , 同決定咗要咁 。 同埋我覺得佢都未下定決心 , 一定返老家 , 以後唔再返香港 , 於是我同佢講, 其實仲有好耐 , 到時先再決定將來既事啦 , 我話 , 將來係點都唔知啦 , 可能我「走咗佬」呢 ??? 佢即刻話 : 「你會咩 ???」 , 佢知我一家唔會 , 有時我地都幾了解對方 , 相處又 OK , 唔一齊都真係可惜 , 不過點都好 , 佢係開開心心咁打比我 , 某程度上算係箍返我 , 佢咁樣 , 其實我有感動 , 我又問佢第日佢返老家 , 我可以返上去睇佢嗎 ??? 佢都話可以 , 不過依樣嘢都係遲D再同佢一齊傾 ....

好奇怪 , 我地關係大上大落 , 好似過山車咁 , 點都好 , 都係難得既經驗 , 諗返 , 親親係同我過得最耐既一個女仔 , 其實傾完今次電話 , 我中意 OR 愛佢既問題其實無解決到 , 只係令親親知道我真係明白佢點諗 , 同知道我唔會好強硬咁迫佢接受我 , 我同佢講 , 到時先再諗啦 , 佢又好似比我 HEA 到 ...... 半年後既事 , 講真 , 又點會知變成點丫 ?!