這幾日 , 一直在諗 , 自己究竟何去何從呢 ??? 如果你有一隻小貓 , 小狗 , 你知道佢只可以活多一年時間左右 , 你都會盡心照顧到佢最後一秒 , 而唔會因為怕到時唔捨得 , 所以依家就同佢人道毀滅 , 或掉佢出街 , 唔想面對一齊 ...... 你知道一段壽命不長既關係 , 你未必可以改寫命運 , 令到可以大團圓結局 , 咁你應該照顧對方到最後一秒 , 定係要將段關係「人道毀滅」呢 ?????

朋友比既意見 , 就好似人民力量同民建聯咁 , 不過佢地都講得岩 , 依件事 , 無論點決定 , 都無對錯之分 , 最後都係睇我自己想點做 ....... 我其實係偏向留守到最後一秒 , 不過其實咁係最艱苦 , 因為我係唔可能將「佢要離開香港」依件事當成完全無嘢 , 但又唔可以唔開心咁對住佢 , 個心唔開心 , 個樣又要笑 , 係最難 。 如果選擇「緊急逃生彈射」 , 相對會輕鬆一D , 問題係 , 我可唔可以夠堅強 , 唔擰返轉頭望呢 ??? 係唔得既  

依幾日 , 好朋友囡囡 , 介紹我玩微信 , 咁我上面都識咗一個女仔 , 人地有正常工作 , 樣都 OK , 又岩岩同拍拖8年男朋友散咗 , 我有稍稍同佢講過妹釘D嘢 , 但當然唔會講, 我點識妹釘 , 同妹釘既背景啦 !!! 其實 , 我有少少 , 想以其他人嚟沖淡 , 我對妹釘既依賴 , 係 !!!!! 其實我係依賴佢比借口我照顧佢同關心佢 , 從而令自己開心 , 所以其實我同妹釘都算互相依賴 , 但我有時都會鬧情緒 , 好似早2日 , 打比佢 , 本來想問佢去唔去食飯 , 但又唔想佢覺得我想約佢 , 我於是第一句就問佢食咗飯未 ??? 佢話食咗 ..... 唔知點解 , 果一下覺得佢係特登話食咗 , 咁就可以有理由拒絕我 , 咁我就話 : 「咁無嘢喇」 , 佢可能都好愕然 , 佢唔出聲咗成3-4秒 , 我唯有問佢 : 「做咩呀 ?!」佢話無嘢 , 咁我地就係咁講88 , 之後我覺得佢好似因為怕我會繼續比壓力佢 , 要佢中意我 , 所以開始唔想再見我咁多 , 於是就比咗個 SMS 佢 , 話: 「其實你都唔洗咁驚我丫 , 你好清楚我點都唔會做傷害你既事 , 不過如果我令到你好煩 , 我會反省下 。」 , 其實即係 , 我暗示 , 算啦 , 如果你唔想我再搵你 , 咁大家算啦 , 佢之後都冇回應 。

但到今日傍晚 , 佢喺「和風」PM我 , 話佢悶死咗 !!!! 佢一句咁既嘢 , 我即刻心軟 , 打比佢呵返佢 , 話不如星期一去陪佢啦 , 唔係我驚佢悶死咗係屋 , 佢聽完笑返晒 !!!! 唉 , 佢咁 , 我就會好覺 , 幾辛苦都係值得既 !!!! 其實佢係好鬼精伶 , 知道我想走 , 又會撒下嬌 , 知我一定返嚟呵返佢 , 或者 , 佢既想法都差唔多 , 佢唔想開始 , 但又想我喰到佢最後一秒 , 就好似放風箏咁 , 想佢飛高D , 但又唔想佢飛走 ............. 朋友話 , 既然你放唔低 , 就唔好迫自己依家就放低 , 開心過一日就一日囉 ~ 咁講 , 都岩既 V_V