她...
一個我深愛的人
她...
已是我最重要的人
有一個朋友問我 :
『你這次認真的嗎?』
我點了頭
他對我說 :
『你變了』
我不知道我變了什麼
我其實沒有改變什麼
一樣會去打機
一樣會去行街
不同的是...
我身邊一定會有一個人陪著我
不同的是...
我感覺到真的有人喜歡我了
回說2年前,
有一個小妹妹在以為我係女仔o既情況下係icq add左我==(我到依o家都唔知點解佢會當我係女仔Orz...)
講左幾日佢先知到我係男...(反應慢...差唔多一個星期先知我係男仔...又Orz...)
講下講下...
又過多幾日...
佢就同我講~
『不如做我牙哥丫!!』
我個時又無咩野,就咁就答應左(其實有野,不過佢個時有男朋友...所以...有都要話無野)
有時玩下msn game,
有時講下電話
我都因為想放低佢所以狂去識女仔(不過好專一,追死一個就一個,唔會一拖幾,我都覺得自己好勁,咁專一)
一直咁就過左兩年...
呢兩年黎大家各自都有男女朋友,
各自各咁生活,
一直都係咁...
但上年年尾我比女飛(我有post過上黎講...太傷心啦...有睇過o既人都知少少)
本來o念過死(真係上過天台坐係邊邊個到)
估唔到有人打比我手提
『仲記唔記得我丫?丫哥^^』
係佢...
佢有3~4個月無打過比我...
估唔到佢會係呢個時候打比我....
不過心情都仲係好差...
又過多半個月...
佢又打比我
『丫哥...我比人飛丫...』
今次到佢失戀...
就係咁...
跟住o個一個月我就成日陪佢...(我連學都唔反去陪佢)
直到2月10日...(呢一日好重要)
我開口同佢講
『不如我地拍拖囉!』(好直接咁講出一句兩年黎都無機會講o既說話) <---其實仲講左好多好感人o既說話...不過唔講多一次啦~怕大家喊
結果當然成功==+(o個一刻好開心,開心到好似仲六合彩)
之後我仲過左我人生第一個情人節(好開心~之前都係情人節次前就失戀...今年破記錄...)
不過呢D都唔係重點...
呢幾日我因為咁一個朋友o既事好唔開心,
成日對佢發脾氣(<---放心...我已經講反對唔住...仲錫左一下 )
但係佢就以為佢整嬲我
佢同我講
『對唔住...唔好嬲啦...我e+好鍾意你...唔好放棄我...』
我其實有D反應唔黎,不過又好開心
因為之前個D女朋友,
我都好似只係『單方面』咁鍾意佢,
係第一次會有一個女仔咁同我講
我o個一下真係好感動
我立即抱住佢,講
『唔關你事...』(仲講我點解唔開心==等佢唔好誤會)
好甜...
甜到我失眠左幾日(因為咁所以我去左睇花世界盃...依...今晚總決賽喎...)
真係開心死...
我個心真係有一種我之前未試過o既感覺(真係之前個9次都無呢種感覺)
呢一種感覺就好似碧咸射入一個世界波咁美妙...
我o念今次...
我真的戀愛了
| 
