哈~哈~我終於都同佢分手喇!(我諗都算分手掛?)呢個簡直就好似發左場夢咁!諗返起都好好笑!!

我記得識佢第一日只係同佢打聲招呼,講左幾句野,冇乜特別!

第二日我已經問佢攞icq,佢又肯俾我,仲同佢一齊食宵夜,哈~哈~

第三日,我又問佢攞電話,佢又肯俾我,實在太好喇!夜晚又係去左食宵夜,正~正~正~!!

第四日,我開始問佢一D俾較私人既問題,佢又肯答我喎,我又試下拖佢隻手,佢又俾,跟住之後我都有九成知道係咩事!

到左第五日,亦都係我見到佢既最後一日,因為我已經train完喇,我唔走唔得!!跟住同佢一齊食飯,我終於都同佢講左喇!我講到連自己都唔知自己講乜,佢究然話:我聽到呀.哥陣時我真係勁開心,好似中左六合彩頭獎!跟住我地都係諗過唔好公開住,我唔想佢響lab到做得唔開心,because哥到D人對我都幾差下!!我唔想佢好似我咁!!到左放工,我地好似D明星咁避開D狗仔隊咁走,好搞笑呀!之後我地去左mk食宵夜!食到咁上吓,我地趕去搭尾班車,不過都係趕唔切,最後都要搭忙命小巴返屋企,仲要令到佢俾爸爸罵,真係sorry!!

第六日,佢要返工,我出左去同屋企人飲茶,飲完茶我打俾佢,想叫佢出黎食飯,但佢冇聽我電話,我以為可能係忙啦,咁算啦!到左夜晚十一點,我又打俾佢,佢又係唔聽!可能係累啦!

第七日,我又打俾佢,佢亦都係唔聽我電話,可能佢放假同朋友唱k,聽唔到掛?又冇理!!之後我忍唔住send sms俾佢,佢唔覆我,其實到左呢個時候,我都知咩事!不過扮無知!

到左第八日,即係今日.佢終於send返個massage俾我,佢好捥轉咁同我講分手!之後我返左去酒店搵佢,佢竟然唔洗返工,可能真係整定!跟住我同oscar and佢女朋友傾左一陣,佢地都叫我放手,唔通我真係要放手?有冇人幫到我呀?please!!返到屋企開部腦睇佢日記,佢寫哂D想我恨佢既野出黎!不過我冇嬲,反而好似更加鍾意佢!!(我好似好白痴!!)

到左宜家,我真係唔知點做?唔通真係要我放手?定環是死纏難打?不過我諗都係只有等.我諗我呢生人入面,我最鍾意都係佢,就算第時如果有另一個既話都唔會忘記佢!其實我都唔知點解我會鍾意佢,仲要響咁短時間!我覺得佢相比起我已前like既女仔,佢唔算靚,但真係好想同佢結婚哥種,真係好想同佢~

不過無論點都好,我都會尊重佢既意見,好多人都成日講呢句:愛一個人,唔一定要擁有佢.希望我做得到啦!