今日一早,我呀媽同呀君返左大陸,呀大又去左街,成屋都變得好靜,我一起身,都係立即開電腦!跟住玩到3點幾就去左奇樂食野,個包都幾好食,下次去都係食番哥個餐先得!!

之後就去左馬鞍山踢波,都幾好玩,可以打前,正呀,冇乜咁既機會!不過都係冇入波,返而我打返左中or後就發揮返我D實力!!唔錯,不過又撻Q!又俾人笑,好無奈!跟住又去左耀安踢,同個小矮人踢,佢係咁踢人,都唔係踢波!我講左句:{踢波定打交架}佢就好似想打我咁,佢成身都係狗/龍!先至唔同佢嘈!佢E D咁既人,簡直就係人渣!!仲已為自己好勁,比我過多幾年,就算唔再踢波,我都一定好波過佢!唔講佢啦~講起都想發皮氣!!

講返足球!其實我由細到大都唔鍾意,細個哥陣時,我同我堂兄成日都出去踢,因為我唔識踢波,所以得個睇字,之後去試下踢,發覺我打守門員好勁,勁比人讚!咁就開始左啦!!再之後因為經常唔夠人出去踢,就去踢啦,點知D人知我係左腳仔,跟住又變左打左喇!跟住再之後又因為響小學田徑校隊既關係,比足球校隊知道我既速度太變態(五年班跑一百米12:09咁算唔算快呢?),咁又變左打前,哈...哈...到左宜家,我又返個廢人!唉~真係唔想再踢波!得閒識下女仔好過!!