仲有1日放監!不過都唔知好事定壞事?

今日返工,都係咁不知所謂(我話我自己),開頭唔知點解,我隻左手D骨好似識郁既感覺,就運抹枱既力都冇,不過又唔痛喎!要用右手抹,是但啦,仲好!可以練下隻右手!yeah!!之後都係咁啦,比人話下,笑下,咁就一日喇,不過我都唔介意,因為(開心既時間係會過得特別快)架嗎!!哈...哈...不過到左收工既時候,有三個大陸佬(sorry!我唔係排斥D大陸人,只係唔知點型容佢地)飲到醉哂,問我邊到係k房,我都唔知,咁咪問Michael師兄囉,之後就勁串我(有粗口成份,唔寫)!唉...收工!

放工搭81c巴士返屋企,見到之前哥班81c架車停響到,我八掛睇下咩事,見到一男一女響巴士打交(兩個人應該都係40歲左右啦),場面好搞笑,真係好想影底佢,不過我架車好快就走左,可惜...可惜!