已經冇打blog成4個月有多
打咗一排又冇打...
一來我冇時間, 二黎冇心情, 三黎我懶....【其實係因為我係Procrastination極度嚴重患者......

不過呢段時間真係發生咗好多好多事....

講真...過到黎頭3個月我肯定因為唔捨得妳地而喊過不下十次...
過黎之前, 我以為我已經好珍惜我地相處既時間,
但係過到黎先發覺我原來係好好好好好唔捨得妳地...
之前覺得走之前開開心心一齊過總好過成日諗住自己要走,
不過到我真係走咗先真正feel到嗰種唔捨得既感覺,
而且仲係好強烈!!

諗番起以前小學既野,
中學升咗上F.3同F.4之後過得好開心, 仲好快....
成日都好唔開心, 但係又唔可以喺人面前喊,
結果夜晚訓覺嗰時就喊唔停...
有諗過要同自己講唔可以再喊落去,
但係又驚禁住自己谷埋谷埋爆發會好恐怖...

到依家都仲記得父親節前一晚真係喊咗好耐,
第二朝父親節飲茶嗰陣姑姐話見到我眼好似好攰, 仲問我尋晚係咪好夜訓...
嗰時都應該番緊學嫁啦, 唔係D同學唔好人,
而係我根本冇心情去識人 (我真係好好彩有表妹同校 :))
再加上以我性格, 除非真係熟人,
否則真係同班既行過都好似同唔識冇乜分別 (即係一係超熟, 一係唔熟)
更何況呢邊根本堂堂都好似上"X"咁轉班房,
仲要冇中, 英, 數呢類主科同一班人一齊上...
樂觀D黎講好彩ESL堂有個前幾個月先喺泰國黎既女仔會同我講野 (佢竟然話第一次見到我以為我都係泰國人..)
同埋PE堂都有個一齊上ESL既女仔同我一齊......
不過最好彩都係同表妹同一間學校 :) 【連帶social堂坐佢fd前面都好好~ :D
至少唔洗一個人坐喺canteen食飯 (唔係講笑, 其實F.1 有一排試過喺課室都自己一個坐....)
但係好多時因為佢地(同埋佢D fd) lunch前上PE堂,
所以有時我食完佢地都未到canteen 【其實我食野嗰時唔講野可以食得好快...

跟住搞學校嗰度又好煩...
嗰個八婆校長!!

然後上個禮拜倒, 出咗小龜因為皮膚有問題而要「卒業」既消息...
但係因為前一日屋企發生咗D事, 所以已經冇乜大反應...
不過愈睇得多有關消息愈唔開心,
我都唔知到12月真係「卒業」嗰時我會點..... /____\

PS: 正如妳地所見, 呢篇野8月10打既...
我依家冇事啦, 學校都入到, 希望真係識到新朋友啦...【不過我絕對唔會忘記妳地嫁!!
讀書都要加油!!
依家先放呢篇野出黎係唔想發放負面情緒.....
因為我知妳地個個都好大壓力~