舊年8月8號宣佈龜純琳卒業,
身為一個以小龜為大本命既MM飯,
我竟然冇乜大反應/感覺.....
因為, 之前嗰一晚屋企有令我更加唔開心既事....
大概, 已經麻木咗.....

直到小龜卒業嗰一晚(15/12) [呢邊14/12 日], 
我因為忙學分, 考車牌(筆試), 寫信等等....
而完全唔記得咗小龜嗰晚(日)卒業,
又或者係時差, 我成日記住係15號啦

又或者以上既都係藉口,
舊年根本對MM冇以前咁留意,
特別係舊年年中出既青春コレクション真係引唔起我注意
加上舊年3首Perfume單曲都真係好強,
(雖然唔太鐘意VOICE, 但係575已經夠補數 仲有年頭雙A真係好鐘意~)
注意力完全就去曬Perfume度.....
加上以現時Perfume人氣黎講, 年尾真係上一大堆音番(音樂節目),
淨係睇每場音番Nee既高踭tap dance都已經唔得閒

但係當MM九期試選片段開始播出之後,
我發現其實我仲係好緊張MM未來既發展,
當中里保真係吸引到我注意, 最先吸引到我注意可能唔係佢好可愛,
記憶中應該係「廣島縣出身」, (Perfume 3個都係廣島縣出身, 自己估唔到會比呢樣野吸引到注意...)
一查里保就不得了, 原來里保不但同Perfume一樣出身地,
根本里保係Perfume師妹, 同樣ASH (廣島演藝學校) 出身,
好感度已經直線上升
再查落下「中毒程度」更加嚴重, 里保跳舞超勁, 而且仲參演過(10)年中MM既舞台劇
(主題曲正正係青春コレクション, 里保遲D亦都有提到第三次面見嗰時係唱呢首)

講完咁大堆癈話(?), 睇下里保實力好過 xd 去片~~~

10年3月14號, 里保加入MM前唔夠一年, 11歲
一開始右二, 粉紅色衫

audition 嗰時既里保~ 片段一開始既里保好可愛~
而且跟住落黎短短幾秒亦睇得出里保既實力, 後段亦睇得出同其他 finalist 既實力差距
(企後面既香音經過努力, 依家亦都跳得好好 -V-)

最後睇埋呢個~ 同第一段片一樣係10年3月14號
一開始左二紅色Mario~ 雖然成段都唔係見到好多里保, 但係最大看點: 0:56 左四單手正番
一手拎住mic, 然後另一隻手做正番, 我諗即使MM公認既強dancer 高橋愛同小龜都未必做得到
當時就已經諗: 里保就係依家MM最需要既實力成員!!! (而且仲咁萌咁可愛) 實在冇理由唔入!!!
但係, 亦有人製作人Tsukun一向唔會選最強既人, 所以嗰時真係好擔心 ><
最後「皇天不負有心人」, 我冒住比人強行熄機既危險收到里保成為9期生既消息...
當時即刻有種鬆一口氣既感覺之餘 , 真係勁開心,
但係對於Fuku-chan (一個當時不太起眼既H!P egg)亦成為9期生幾震驚!!
不過經過呢幾個月之後, Fuku-chan同里保一樣亦成為我依家MM既本命之一
之後有時間應該會介紹一下呢位氣質大小姐~
黎張加入當時既Fuku-chan先~