今日一早陪左屋企人去飲茶，以家愈來愈鐘意老豆添，
當然佢仲係咁粗俗，又唔講禮貌啦，又自大啦，
不過迎排既佢係好盡老豆既責任，
要一個平時萬人之上老闆，放低自己既身份，
返來享受家庭樂，同於一個普通老豆好似好易做到，
不過對於佢就好難啦...

仲記得兩年前，我又係差不多呢個時間，
我買左件織衫比佢，佢拋埋一邊，
仲彈呢樣彈個樣，我都係想你開心姐，仲咩喎，
不過近排佢仲同妹妹去街市買送，
仲落手整野，拾野，難得，難得，
今日既佢又要返去佢既金錢世界工作啦，
加油吧。

飲茶之後，就返左學校做野，
可惜管理部既同學做既野太唔合乎經濟原則啦，
我想信我係個好肯去幫助，好肯去做野既人，
不過無可能係 hea 時間架，
將d野test 先又再test，一個人望住一個人做，
幫手諗下，等完又等，但係個樣野明明就只可以一個人做喎，
點幫呀，只會愈幫愈忙啦，
無可能架，每個人既思想方法都唔同，
點解唔將d野分開自己做自己，再 group 埋一齊呀，
user manual 我會準時交貸，
仲一定會過到自己先交出來既，放心啦。

放學之後返左大埔食野，
好失望，點解...我都係大學生，我都係教練，我亦係體育教育工作者，不過...
我都覺得...
大學生唔一定等於有文化，
大聲講野亦唔一定係市井之徙。

仲話自己係大學畢業，教中學既老師，
廿蚊比佢一個鐘係人至義盡，
九唔答八咁仲咩，警察係問你頭先發生咩事呀，
同你既文化，背景無關架，好彩我唔係呢間學校出來咋，

點解教一間有學生跳樓既學校就等於無前途，
唔通教名校既老師就好風光，
教育唔係一門生意，無一個教育工作者最終係名正言順咁成為富翁架，
教育唔係要人由惡變善，由劣變良，
當佢地迷路既時間做佢地既明燈，教識佢地咩叫目標咩，
用心去教導佢地，問題出現左係要面對，而唔係逃避，
更可況件事發生係你自己身邊，
你都唔勇敢去面對，學生點面對呀，
就係因為學生出左問題，就正正要去教，令佢地變好嗎，
學壞三日，學好三年，教，仲要教好，當然係好難啦，
你無諗清楚就唔好來教書啦...

或許切身處地個個人係你，感受會有所不同，
迫不得意之下要逃避，
但係唔好將教育當係一門生意既投資啦，
你都係開返你既麵檔好d，一番麵檔老闆娘，唉...