今天又去玩啦，地點是山東，第一站是濟南。

由深圳坐機，結果又遲左成個幾鐘先起飛，三個鐘機，結果搞到要要八點鐘先可以放低行李出去食飯，真係浪費晒d時間。

在酒店附近行左陣，想搵d魯菜食下，最後見到間祥記粥鋪，但裡面 唔止賣粥咁簡單，叫左個排骨炖菜、水餃，都好正。但最精彩嘅係甜品：

拔絲馬碲，食嘅時候真係可以拔絲架，仲要係超長嗰隻，冇得彈！埋單60有找，抵！

食飽後去地標泉城廣場行下咁，俾想像中靚同多元化，廣場下仲有一個百貨公司，所以好熱鬧。

行行下已經10點，所以今日行程到此為止。

呢兩日帶班童軍入營，兩日一夜，疲累不堪！還好沒有下雨，但就幾凍下。

今次地點去番保良局北潭涌度假營，部分營舍裝修過，有星級酒店水平

今天是學校旅行日，原本應是一個開心而輕鬆的日子，可惜天公不做美，下起大雨來。個天真係唔識做 本來仲諗住整完嘢食同班學生好好咁玩下，結果嘢都未食完就要腰斬個旅行，打道回校，真係掃興

反而今年同黃sir繼續係郊外煮嘢食，統籌全部同事嘅嘢食，忙個不亦樂乎，同事帶嘢食，我哋就整番熱同加d調味咁。有燒肉、叉燒、帶子、煎腸粉、牛肉薯餅等，最後仲有蕃薯糖水+湯圓，可惜糖水未煲好就要走，最後要番到學校先繼續整埋先有得食，煲糖水由西貢煲到去青衣，哈！