尋日第二場比賽 o係修頓舉行 本身頭一節都係13:8 輸緊5分 有得打既~
第二節 我地隊開頭都唔錯~ 之後我剷極都唔入 剷左3次之ma 之後就比阿sir罵~ 我果時對自己既球技真係冇哂信心
果時真係好灰 晨早樓樓要番學 訓都未醒 番完屋企又自己去球場跑圈 準備應付應付場波 我緊係唔想輸啦~ 但我真係忍無
可忍 條友只係識到數我既缺點 第一節 我好落力防守 我偷左人地3-4球丫 你睇唔睇到丫 打波全隊最落力果個係我 最想營
果個係我 打到好灰 雖然係咁 但我冇放棄 有一球 我根本全唔到隊友 我帶入去 之後分番出黎 你又話我唔即傳 仲要o係場邊大大聲
嘈 我都唔知你想點樣 你根本對我冇信心 我真係好火 人地叫左個time out 爆左句:我唔撚打啦~ 唔知點解 我既眼淚流左出黎
果陣時真係好嬲同好傷心~ 成場剩係嘈~ 原本有既信心都比你嘈到冇哂啦~ 我覺得尋日自己就好似一個廢柴咁 根本得唔到你既信任 我有信心入波架 但你都唔信我既能力~ d眼淚不斷湧出 仲要比隊友睇到 真係好醜~
算啦 我都係學唔到leo教d野架啦 不過開心既係 想不到我唔打隊波 咁多隊友跟隨我~ 所以你講既 我不信任隊友 你錯了~
我次次比賽打波都冇埋怨過隊友 因為我覺得輸營乃是兵家常事~因為不是隊友既過錯~錯既都係成隊既錯 根本冇話邊個有錯 總之每場比賽過後 入更衣室後 對住塊鏡講: 我盡左力了便足夠~ |
