今日係08年既7月8日

我今世一定唔會唔記得今日,想知點解??繼續望下面

話說我約左好多位朋友去睇keroro大電影3,咁今日返學校註冊左,就即刻落陶大買飛

但係落到去佢竟然話未有得買,要等下午

我就同楊峻皓等人去冒險樂園玩下籃球機,

玩完左,就兩點鐘la,咁我又去戲院買飛,佢話:今日都認該未有飛賣

心情低落到...

然後走去戲院有幾部機到望下邊間戲院有得睇赤壁[聲爺話要睇](心情依然低落)

突然,有一位漂亮的小姐走過來捉住我的左手,雖然她只係想知幾點,但係由佢捉住我隻手的一刻,我就緊緊捉住佢隻手

個一種感覺同心情係一D都唔低落

我即時覺得行左陶大咁耐,今次真係最最最最最最,最開心架[聲明:位小姐係識既,但係唔記得咩名]

大家唔知道我開心咩??我所開心既係我終於掂過女仔既手仔[聲明:女仔係唔計我既親戚及呀媽]

我真係好開心呀,想知位小姐叫咩名??我都唔記得

睇左我篇blog,有冇覺得我吹水勁左呢??

08年7月8日既blog到此為止,多謝觀看,要留CM呀!!!

 今日係六月既月尾,係成世人最無奈既月尾...

今日一個蕉早,呀妹叫我落去M記揾佢一齊返學[我仲以為有得一男一女返學,兩個字:超正]

點知原來仲有楊峻皓[四個字:美夢破碎]

返到學校,落唒雨,手球比賽就取消左

取消左之後,仲要留係學校到睇戲[戲名:明日之後],

最無奈既係講英文,我都唔怪佢,學校個咪箱仲要蓋住D字幕[只限我坐既角度睇唔到,搞到要呆坐]

坐完就走LA,我同大頭烽,黑仔,楊峻皓,方君諾去左睇車記開左未,最無奈既野係咩??

最無奈既係以前車記[即係食車仔麵既地方]係有架車仔既,但就叫[樂華雪糕屋],

而家既車記就冇左架車,你估下叫咩名??佢冇左架車,但就改左名叫做[樂華車仔麵]

你話係咪無奈先,我都唔計佢LA

D麵變到好差,連D餸都係,唉... [四個字:大失所望]

你話死唔死呀??

之後去M記食左杯黑芝麻新地,幾好味,咁就同D同學講再見,特別事件完結

之後要講既係睇戲既名單,睇戲既戲名係:KERORO軍曹大電影3

日期:08年七月十日     時間:暫定為當日下午[因為戲院未出時間表]

地點:暫定為九龍灣百老滙[即係陶大百老滙]     門票價格係$40 [帶學生証]

參加既同學有:本人[牛牛],葉徫麟,聲爺,李徫,黃海杰,游燕輝,李嘉儀[二號],暴龍,江嘉浩,李卓衡,一共十人

如有任何意見及有意參加,請由MSN揾本人

你睇完我個blog係時係留個CM啦,仲唔去??