尋晚泥膠搵左我同wolf出黎吹水...講ge又係隻貓D野•••
其實我覺得你太過執著喇，你記唔記得我同你講o個個道理?
你伸隻手入去個花瓶度想攞入面ge野
你攞倒，但係你握實拳頭，花瓶口唔夠位比你個拳頭通過，你隻手出唔返黎•••
你打爛左個花瓶，之後打開手，係一個十蚊銀，但原來個花瓶係價值不菲ge古董•••
其實•••你只要放開手里面ge十蚊銀，隻手就可以攞返出黎
有D野就算比你得到都註定唔會有好結果
該放手時得放手，退一步或者會係個海濶天空•••
你都知你同佢o係埋一齊有幾大機會架啦
何必仲要成日自已呃自已，逃避現實呢?
當然遇到lee D情況頹廢一陣...自我放縱一下係好正常
但你可以呃倒自已幾耐呢?
你就算同佢出街o個陣佢肯熄電話
但佢咪又係一樣咁多人追~
佢多人追而又中意比人追ge性格改變唔倒...
你唔中意佢中意比人追ge性格又改變唔倒...
大家都無辨法為對方改變...註定唔會有結果•••
面對現實啦...
現實唔一定係你想像中殘酷
可能係你自已加鹽加醋，幻想自己係愛情小說ge悲劇角色罷了
沈醉於自虐ge快感•••好偉大?好淒美?
你痛苦嗎?學習面對現實吧•••
| 
