今日8:25就起左身喇~今日喺學校派左卷呀>~<

我今次考得好差T.T全部都70幾...80幾

不過都考完呈分試...算啦~我唔mind^o^

我同吳凱瑩放左學一齊去左appolo買甜筒食^^

食飯既時候...我阿媽同阿哥話我好細路=3=乜我好細路咩?我唔覺喎=3=

況而我唔咁快大住=3=佢地成日話我唔識諗T.T我訓左喺張床道諗左好耐...

大個...應該要點呢?跟住我阿哥走過黎...話我成個死人咁=3=

當我沈思緊野既時候..就會眼都唔斬@.@問我野又唔會應...

所以佢就話我成個死人咁=3=

今日訓到差唔多11點就起左身睇百分百感覺^^~下晝好無聊~冇野做T.T4點鍾就開始做功課...做到食飯><咁好天都冇出去><聽左成個下晝歌...到左夜晚我打電話俾十蚊雞...跟住先知道原來我做左好耐既功課係唔駛交架=3=要交果d我就冇做= ="唔駛交果d就做曬=.=激死我喇=.=害到我做到12點半先做完...搞埋d野訓覺都1點喇=3=

今日喺學校無端端俾盛sir鬧...憎死佢...幫人拎書包都鬧人\_/衰人黎架佢成日搵人黎出氣架...今日我阿哥出曬去我先有得打日記炸^^前幾日我買左眼睫毛捲..呵呵~不過我唔多識搞...我試過用...整到眼皮high到變黑色今日既天氣好好呀><出面一d雲都冇^o^好想去游水... 依加既天氣好似暑假...我好想番鄉下呀!!!好想見阿龍.慧麗.麗沙...唉~~唔知今個暑期我阿媽肯唔肯俾我番鄉下呢

今日喺學校同吳凱瑩傾計傾到放學...成日都冇野做~.~同吳凱瑩傾左成日計~李彩玉又冇番學喇!!!唉~佢都唔係諗住讀書=.=成日請假...唔想番又請假~佢今年都唔知請左幾多假喇=.=今日真係無聊喇~~~

去完camp番喇~好累哩幾日訓左好少炸...我第一日訓左個幾鐘...晨早流流就俾人叫醒~.~早左一粒鍾起身=.=都冇野做...佢地唔俾我訓= ="搞到我鬼死咁累...我一番到屋企野都冇汁到就訓落床訓覺...我訓醒之後就食飯喇~我阿媽話我個樣好累~仲有埋兩個黑眼袋佢仲話我瘦左...但係我一d都唔覺~.~

第一日一到營地活動時間李彩玉同吳凱瑩就話要去玩繩網=.=我想番間房換件杉都唔得...跟住我唯有跟佢地去啦...點知果到鬼死咁多蚊...叮到我好痕=3=我等佢地差唔多成粒鍾...佢仲話要繼續玩.\"/.真係衰呀~~

第二日朝早做完早操~去左飯堂食早餐...果道d野好難食~.~我食左好少...搞到我成朝個胃好唔舒服T.T夜晚食糖水果陣...有人話糖水裡面好昆蟲>~<真係恐怖...