開心既時間過得特別快，又係時候講bye bye。
話咁快就過左係呂中的最後一日，好唔捨得你地呀，我一有時間一定番黎探你地。識到你地咁多個真係好開心，office的同事好就一定啦，工友都咁好，而且有d老師又好好，呢4個月好似過得好快咁，開心的時間真係過得特別快架，所以，呢4個月真係"her"一聲就過左。
多謝你地的card，我好感動呀，多謝藝術家的精心設計同你地的WISHES，我一定會為我的航空事業努力，我唔想辜負你地咁多個呀。
多謝TA4人組俾我的快樂時間，我地係最合作最勁的完美組合，識到你地3個，做埋好朋友，真係好開心，原來朋友真係唔係講識左幾耐，有時真係可以一見如故架。多謝TRA的聆聽，多謝嘉兒的率真，多謝J神大哥對我寸寸貢的包容及大人不記小人過。
多謝emily的純真，由一開始我覺得你蠢蠢地，到同你嗌交，之後絕交，之後好番，之後做埋好朋友，好奇妙的過程呀。
多謝pauline成日都傻傻下帶俾我地好多歡樂，仲有啊，我覺得企鵝先生真係幾好架，你會唔會考慮下呢？
多謝笑薇媽媽同森明爸爸的照顧，你地令我覺得呢度好似一個大家庭。
多謝最好最溫柔的護士小玲，你俾我感覺好似天使呀！
多謝張條紋成日請我地食野，當然要多謝你係我地最怕阿烈既時候冒死幫我地整電腦。
仲有要多謝好多好好的老師，包括整cheese cake好好食的ms lam，同我一起和女童軍成長的ms lau，最中意唱K食糖水的mr ho，最好人最親切的師兄，最中意搞冷get的mr chow，生命導師但要加強環保意識的ms cheng，最中意飲汽水同食糖的mr lam，最為學生亦係我最怕的mrs tai，讚我地TA4人組的ms tsang，最可愛的小娟，同埋好好人及獲得我送贈羽毛球一大個的mr chan，最溫柔的林太太，原來都真係好多好老師架wor！
哈哈，當然要多謝煮野最好食的仙姐，仲有發叔，英姐，雅姐，嫻姐，亮叔，錫叔，雄叔，少姐同埋紅姐。
以後我就要為我的航空事業努力了，星期一開始我就要搭去東涌去機場了，唔駛再搭班車勁多的13D，唔駛怕追唔到車要一星期搭2次的士番工，但我竟然開始唔捨得我的13D，哈哈！
各位呂中的朋友，我有空一定會番黎探你地的。
當然，TA4人組，期待我們8月1日的生日會，哈哈！
遲D見！
補習天王：K. Leung, K. S. Ng
我個頭係咪好有動感呀?
請留意後面的是仙姐。
我們最愛的是cheese cake。
|
