我本身係勁中意食蕃茄同蜆, 美心有蕃茄湯底火鍋, 我都成日去食, 都覺得幾好味.
咁睇到大快活張海報有個昆布蕃茄鮮蜆湯底火鍋, d湯勁濃勁茄, 諗住會超正, 所以頭先去試左.

我叫左個特盛豚+牛($50), 再加個墨魚滑($12), 再加杯巨峰提子梳打($5), 加埋$67.

一拎完嘢食, 打開個湯底黎睇, 頂, 冇色既

再睇d餸, 少到爆

張相有果d獅子狗, 佢都冇比, 要加錢先有. 本身淨係得幾片同幾粒肉再加d菜同兩隻餃同兩舊玉子豆腐同烏冬.
美心都係50蚊多d, 多餸過佢好多, 仲要個湯底正過佢好多, 起碼會落d茄膏吊下味.
下次去返美心算

食得夠cheap 大快活