同tempo, 佳傑兄 同埋 衰威 約左一點半係apm等
估唔到我係第1個到
之後過左一陣 衰威都到左
打比佢地 原來佢地有排都未到 ~__~
於是就同衰威去戲院睇定邊套戲有位
點知想睇果兩套戲有就有位既
但係個位就麻麻
一係就好前 一係就好後 再唔係就要側邊位
到左差唔多兩點, tempo同埋佳傑兄都到左
之後去左訐留山食甜品 同埋諗下之後做咩好
( 本來係打算去唱happy hourds
但係neway加左價, 同埋唱得果兩個半鐘, 於是就放棄左 )

食完糖水,
tempo 就話去九龍灣既戲院睇下有冇位
話唔定d位好好呢
於是就決定行去九龍灣
係途中撞到monie個同學個表哥
已經係今個月既第三次撞到佢 真係好有緣

去到九龍灣 果兩間戲院都冇咩位
就齊齊行下商場 同埋去左m記
好好彩咁抽中左free既朱古力新地 cool
之後就撞到KENNY兄 ~~~~
Woo ~~~ 真係好耐冇見啦~~~


到左7點鐘 衰威要返屋企換衫
而到左7點9 佳傑兄就去左補習
我同tempo行左一陣就去旺角join衰威

去到旺角之後 我地三日就掃左陣街
等埋佳傑兄放補習就去炳記牛牛食晚飯
 <- 傻仔tempo
食飽飽之後就去左影懷舊貼紙相 哈哈!
真係好好玩 !!
  <- very nice

到左12點3
迎接左平安夜的來臨
大家就分別嚕
哈哈! 期待下一次既聚會