你要愛?

要點樣既愛?咩野既愛?幾耐既愛?

 小小既植物唔需要太大既花盆.太多既養份反而會做成扼殺.要既不能少,亦不能過量..知道需要既係咩野, 總好過咩都亂咁要來得適宜.小植物既生命只有一次,而人既愛卻可有很多遍,只係心靈卻係得一個,離合散聚痛苦中打滾,傷得太多,亦是徒然...

    男女間既愛需要咩野?任何人講既所有要求都無問題,因為果啲係個人既選擇,基本條件係必須要觸動愛就可以,無論外型上既,行為上既,外在,內在既..

   恆久既愛又需要啲咩野?我唸唔係隨便一句包容就可以得到恆久既愛.可能太多既人唔懂得去珍惜,好既人放在眼前都無發現到,就好似母親的嘮叨,長輩既嚴詞,直至有一天真係失去,才發現現其彌足珍貴之處..無錯!恆久既愛係需要珍惜..

   也許係因為不懂知足.有種人經常都認為最好既永遠未來到,果一種人最後結婚既對象又會唔會係最好既呢?我經常都會作一個比喻:如果我地在一個果園裡面只可以比你行一轉,摘一個西瓜而且你心目中想得到最大果一個..行行下既時候總會覺得手上既西瓜仲唔夠大,心唸應該仲有更大既..到最後就會發覺一個西瓜都摘唔到,又或逼於無奈地要摘一個唔係心目中最大既西瓜..

        最好既唔係唔會來,而係人性多數只睇到不滿既野,將對方唔好既野睇到無限大,甘自然其他既每一個人都會更好,對方當然成為了最差.相處越耐,看到的缺點越多,對方在眼中就會越來越渺小...

   仲有既就係,可能好多既人都係無耐性,日久生情係一個好自然既現象,轟轟烈烈過後既平淡帶來反差,會把曾經美麗既愛摧殘,細水長流既可貴有幾多人可以明白?又有幾多人可以忍受?

   要搵到愛唔難,但恆久既愛卻唔係每個人都可以搵到.因為果啲人只會去愛,而唔知道咩野係愛..