旺角最近開左間以洗手間為主題既餐廳.通常這類餐廳都係由台灣引進既.感覺上外國人比較有創意.而香港人都係貪新鮮既.有咩新野出都會一窩蜂去試下~我同傻婆又點會例外呢!?

   同拒倆個妹妹一行四條友.氣勢如虹直達目的地.點知去到門口成堆人排緊隊.睇來大家都對屎（Excrement ）有一種奇妙既感情.無辦法啦唯有等．.幾個人響度玩Ｄ白痴野．比身邊既人係甘望住.不過我都傻婆平時去街都唔會理其他人點睇.去到邊玩到邊．想點玩就點玩！吹咩？

　等左成粒鍾．終於都．．．遠處傳來一把天使般既聲音：５５號，請問有無人５５號？餓到虛脫既四人幫..好似餓狼搶屎甘！我呀，我呀．．５５號．．　急急腳一人搵左個馬桶坐低.拿拿林叫左幾道｛佳餚｝

　  本以為會好噁心．但感覺好新奇，一路食一路影相．唔知以為去左旅行∼哈哈．．食完正餐，就到甜品啦∼原來唸住叫倆客啦．．見到隔離Ｄ人．．．甜品份量甘巨型！四個都唔知食唔食得晒．結果都係叫左一個甜品．

    由於份量太大，四個都食唔晒．都唔知邊個出既屎橋.包剪鎚對決！輸既當然係食冰啦∼呵呵~~傻婆連輸幾次，凍到眼淚水都差Ｄ流出來．而我都差Ｄ都流淚，唔係可憐個傻婆，而係笑到好肚痛．．ｙａｙａｙａ！傻下傻下又一Day...

　淡淡地．甜甜地．．．簡簡單單．．開開心心