今日有一位同事離開了公司.雖然同拒好多時因為公事上時有爭吵.但我了解他本身的為人.他是一個心直口快既人.他是一個不會造作既人.他是一個勤奮既人.四十來歲剛與第二任妻子誕下一個女兒~

   我在美亞做左咁多年見證了人事既變遷.看晰人性看清社會既現實.他的離開啟發左我好多野.同拒相處幾年間.除左拒性格比較硬不太接受別人意見之外.其他都算係一個唔錯既員工.從老闆口中得知他已離職(被炒)~心中突然覺得好驚訝!因為從商業上既角度或老闆既立場去計算.拒係一個很賺錢既工具.從人性既角度:老闆和員工相處咁多年.一齊解決過無數大大小小既問題.話炒就炒..唔通就無商量既餘地嗎?我唔明,真係唔明!

    所以打左個電話比個同事.電話既另一邊.再唔係信心高漲既聲線.而聽到既係一把軟弱加點失望既呻吟聲.或者,今次對拒既打擊很大!我問拒發生咩事.終於帶小小鄉音既廣東話慢慢說出因由:"比人炒左囉.唉.岩岩生左個女..依家先來比人炒...唉"

   我問拒係唔係出現左咩問題...拒就話:"唔知啊~唉.可能自己唔識做人囉(做人處世)"  好多謝你啊.仲有個人打來問候下我"感覺到拒聲音在震~~我安撫左幾句.不如甘啦,我都識得其他老闆.我介紹個比你,好唔好?之後我致電比一個熟絡既老闆.經我一輪極力推薦.終於果老闆同意左比拒試下.

   到了下午再收到個同事既來電~拒把聲開始都似返個人,而我聽到既係無數句感激既說話!仲話以前自己性格太硬.成日同我頂咀.話拒尋晚唸左一晚:拒話我在公司話到事,好似不滿拒.更一度懷疑比人炒同我有關係.依家先發覺拒自己幾甘無知.我話我未必會做好人,但係害人既事我一定唔會做.經我一講拒好像更無地自容.我話我知你份人係點 明嫁喇!之後感覺到拒想哭.我真係當你係朋友..點點點

   我唸我都明既.當比人遺棄當在最無助既時候.有一個人可以伸出援手又或仲有人關心.比著係我都會好感動~

   而我最唔明既.平時同你嘻嘻哈哈~然而在背後篤你背隻既人.踩著別人上這種行為.如果可以換來老闆既寵愛或高就.但可以換來心安嗎?對現今既香港.你知道一份工作對某啲人來講有幾咁重要嗎?你知道嗎?你平時對著我的微笑或擦我鞋.我無感覺到少少既快感.而係感到毛骨悚然.

  對於依件事我無好嬲.或者我唔係當事人.無辦法感受到果份悲傷.反而得益良多,因為又上左一課.現實社會,去弱留強!無話邊個岩邊個錯~ 希望依位同事在新既工作.搵到一個值得拼命既老闆啦!