捨棄曾經的最愛

已經忘記左同妳一齊有幾耐啦.計落都有十幾年啦.記得一開始我對妳既感覺唔係太強烈.又唔可以比家人知道我有接觸妳.我都好清楚明白同你一齊唔會有好結果.只因同你一齊之後我身體真係差左.但依啲都唔可以只係怪妳.係我自己一直無法抵抗妳既吸引力.在我最空虛最無聊既時候,妳總係默默陪在我身旁..吻妳既感覺記憶猶新!

不過我要離開妳了-----------萬寶路

狂熱曾經的厭惡

天生對數字遲鈍既人.見到數字就頭痛!我就係其中一個.連教我數學既老師我都唔順眼.就可知我對數字既厭惡程度.除左幾個重要既人的手機號碼.其他既一個都唔會記得.又經常性會忘記朋友既生日.總之有關數字既野,我係一個白痴.但世事往往會意想不到.食左十幾年煙既我,話戒就戒!對數字一直討厭既我,話愛就愛!無他既...最近愛上左同數字有關左玩意.一個很高難度既遊戲.不同於以往既係,它,唔需要打怪物來升級.唔需要攻城戰來換取名譽!

它,只會考你既EQ & IQ + Choose每天收工後,打開電腦.望住既係一堆熟識而有意義既數字.而每個數字既起伏都牽動著人既情緒.開始留意新聞,開始關心物價.開始比較貨幣,開始密切息口.仲學識左一大堆原理,易學難精.就算你真係好精看得好通晰.亦唔代表你會響這遊戲勝出.需要等待時機.仲要輸得起!而更重要既就係"運氣".....