岩岩打成萬字既日記去到尾聲.點知按錯左,成篇無晒個心真係好痛! 一樣野你無意識到拒會離開你.當拒突然失去左,個心就會有一種失去既難受.無左既果篇日記係攪笑版既石澳之旅.依家已經打唔返果種感覺.話說在依個禮拜日既朝頭早.同傻婆,加上拒倆個朋友.卡趴.&雞精,仲有我既朋友東東&阿雄,去石澳游水&燒野食~

  可能太陽神因我之舞而感動.真係無落雨..之後就狂燒野食.大家都玩得好開心.時間好快來到PM4:00~女士換過無乜睇頭既比基尼.我就換左條沙灘褲.東東同阿雄又唔落水.又響度玩自閉!離遠望去真係好似望夫石...呵呵~  

   我同傻婆就一於少理,出得來玩,就要盡興!玩到7點就閃人!由於BBQ既幾粒魚旦就已消化得無影無蹤.求其搵左間餐廳就地正法!食完返去MTR打算歸家之際.雞精發現自己既戒指唔見左!搵左好耐都搵唔到,拒開始好緊張好焦急.平時外表比人感覺好瀟灑既阿雞.雙眼通紅,眼淚卡在眼簾....

   我唸一定係同阿鴨買既情侶戒.之後拒話想返去沙灘搵...吓?頭腦清醒既人都知道無可能會搵到.因為天色已暗,再加上沙灘太大.只可以用大海撈針來形容!

  到底故事既發展會係點!?阿雞會唔會真係奇蹟地搵到戒指呢?定係無功而回!定係睇唔開投身大海!?

廣告返來話你知.............

 "多謝你收睇俊俊私房誌"

  如果遇到困難既時候就放棄;如果不盡全力去嚐試就放棄; 前者永遠都唔會有成功,後者一定會後悔!而後悔帶來既痛.唔係無左篇日記既痛甘簡單.可能會成為一生既遺憾!

   唔知道係我跳既太陽舞起了作用;定係神明被阿雞果份永不言棄既精神所感動!戒指疑似聽到主人的呼喊.發出一道耀眼既光芒.一切都太不可思議.丟失既戒指搵到啦!失而復得既快樂只有當事人知道.這就係愛既力量!?

  事後我自問,換作係我又會點做?深信我都會返去找尋戒指.因為只有真正既愛!從來唔會計算成功既機率.亦只有真正既愛!先會去做一些別人眼中既傻事!