終於派曬所有卷啦~今次D成績有幾科都出乎我意料之外，不過全部都合格~而家報上所有分數先

中文：78/100    (呢一科簡直真係出乎我意料之外，因為我以為我只得六十幾or五十幾)

英文GE卷：34/100   (我都預左會唔合格，但無唸到會咁低，以為自己四十幾......)　
作文卷：54/100   (合格就OK!)
GE總分：40/100   (唉~兩份統測肥左，考試又肥，唔合格係應該!)
作文總分：53/100   (好采合格!)
聆聽總分：58/100   (我隻耳仔都聽得明英文)
GR總分：64/100   (都唔錯!~)
oral總分：66/100   (已經係英文科最勁既成績)
英文科總分：50.7/100   (我竟然合格，最緊要係我英文科合格左啦`~)

數學考試卷：67/100   (有D唔滿意)
數學總分：69/100   (有D唔開心，but總算合格)

科學中文卷：26/50   (好險....差D唔合格)
英文卷： 35/50   (無唸到會有3字頭，以為自己唔合格/岩岩好合格，呢一份卷都係出乎我意料之內)

世史考試卷：42/70   (我既努力總算無白費到)

宗教總分：？？？只係知道有9字頭   (雖然呢一科唔係主科，但我都感到好開心)

地理科考試卷：36.5/75   (由中一至到去中二，我D地理成績一係就岩岩好合格，一係就唔合格，今次合格，我真係好開心~)
總分：51/100   (合格就OK!@)

中史考試卷：54/97   (有D唔滿意，因為我今次溫左好多野，到頭來，都只係合格多DD....唉~)

通識考試卷：35.5/40   (呢一科就真係出乎我意料之內)

    本來，老師話通識全級最高分有兩個，一個係我地班，一個係隔離班，初時我唸住係vicky or A姐，點知係我。....後來對完卷之後，郭子良加左分，比我高0.5分。成為左全級第一，當時聽到呢個消息，真係有D唔開心。番到屋企，同呀媽講，呀媽話唔係你既始終唔係你，算啦攞度35.5分已經好高分，但係心入面......唉...~惟有認命啦~

    琴日真係慘~放左學之後，我要留低等張俊銘同學，之後又要同阮彤同學等佢表哥。佢表哥真係差勁，我同佢等到6點鐘都唔見人，我本來想番home，but佢係都要我留低，經過左一番不激烈既爭執後，我地最後都不歡而散。我想早走，除左我應承媽咪要6點半前番黎之外，仲有就係唔想見到mandy，免得佢問我:「又話唔等我放學，仲咩咁耐都唔番home?」費是我又要多作解釋。

    下星期就要開始上堂啦!!!下學期既考試，我一定要比上學期更加好，攞到進步奬，呢個係我惟有站在台上既機會。下學期，我一定要努力聽書，為求爭取站係台上既機會!!!!

    今日下午，番完基灣之後，去到屋企番下，見到吳曦婷，佢姐姐拉住我去打羽毛球。佢細老真係幾勁~無見吳一排，佢都係同以前一樣，無變過，唉.......