今早由雲頂高原出發,勁眼訓呀

所以差不多整個車程中,我都訓著左

期間,阿陸帶我們去飲當地的咖啡

真係好香濃,好好味

也看見一隻盲左的貓,牠要憑感覺摸東西

我完全感受到牠的驚慌和徬徨無助，好可憐呀~~

接下來的重點行程,當然是神奇冒險樂園+非洲水上樂園+雙威金字塔購物城

雖然我唔識游水,但是如果連水都唔玩,我會悶死

其實到達水上樂園後,Carrie都話唔落水玩

當時我真係想發脾氣，但是又唔可以咁樣勉強人

所以到最後，我換上泳衣，自己玩十幾分鐘；Carrie就幫我睇住D野

原本影埋幅相，我就諗住走

當我影相既時候，居然見到Shingo係後面

於是我們影完合照後，就一齊出去玩

當然由於我唔識游水的關係

我只係浸水囉

後來Shingo游水，我就偷偷回去

而Shingo亦都叫我出番去一齊玩

雖然佢有教我浸個頭落水，同埋話係教左我游水的花式

以我咁既資質，同埋佢教得咁好，梗係學唔識啦

所以到最後，我們只係玩水同嬉水

同埋睇女囉~~

佢不斷強調自己"風流而唔下流",同埋"樂而不淫"

因此只會睇,而唔會行動喎~~

原本佢話去玩滑梯，我話事但啦，佢又話我無主見

真係勁，咁都知我無主見

後來我見Shingo好似好想游水，我都叫佢唔駛理我

自己去玩~~

但是最後佢話曬太陽囉

嘩...真係好熱呀~~我一定會曬黑啦-_-

佢既目標要曬黑啫，但是我想美白喎~~

佢話佢帶隊，最enjoy就係游水同埋灑太陽喎~

當佢知道我做內衣和泳衣的Merchandiser後，佢又問我公司請唔請人

雖然我間公司唔介意請男仔，但是依家都唔請人

同埋佢話同我囉辦都okay，話幫親戚或者心儀女仔囉辦喎~~

不過我要強調，做Merchandiser未必好pay

所以如你所講，我係一個無錢的Merchandiser

而住深井亦都唔代表我有錢架，哈哈~~

唉！佢又話交換卡片，但是又冇帶

真係玩野咩

佢話今晚既酒店Okay好多，佢都有問我昨晚訓唔訓得著

佢都係得個講，咪一樣訓唔慣，只係因為工作需要而要訓得著呀~~

早知我們都好似佢咁，睇多場戲先返酒店啦

而我到最後也先離開，因為Carrie等左我好耐啦

佢仲好埋怨我咁，好驚喎

所以之後我請佢食Cheese Cake 當補數，哈哈~~

其後，我們便離開吉隆坡到馬六甲

間酒店都Okay，有渡假屋feel

但是就無咩野行，所以我們好早就入睡