三月發生好多事，一開始以為自己會招架唔住，以為會要生要死，結果只係唔開心左幾日。

呢件事話我知呢個世界咩都係掩眼法，自己唔可以太聰明，所有朋友、兄弟、姊妹都唔可以太信，因為佢總會有出賣你既一日。

我傷心，因為以為等左咁多年，以為會有回報；以為等左咁多年，你會見到我既好，而為我去改。

係有改，但兩年後打回原形，我接受唔到貪新忘舊既人，你要玩，我唔會阻你，到我去玩，唔該你都唔好阻我。

感情世界好複雜，當你真心去對一個人，最後發覺原來佢背住你做左咁多事，而你又從第三者等知呢個消息，係幾咁灰。

到最後又破壞左大家之間既信任，猜疑好自然咁產生，又需要用多幾多年時間去修補番?

如果要做，唔該醒D，唔好比人發現左之後發爛炸、又或者玩失蹤，只有心虛既人先會咁。

專一係呢個時代已經過時。