   |
|
2006 年 12 月 2 日 星期六
又醫院
好似番學咁早就要起身...好眼訓呀...去到醫院做d野又白痴喎...去黎都唔知做咩...下星期又要番... 之後11點番到大埔m記等啊靖...爆無聊...無啦啦有個細路仔企左我副近...一直望住我...嚇鬼我... 啊靖黎左就四圍行...11點半番左學坐...坐到2點...期間狂玩手機d遊戲...xD"'打爆機...卡卡... 上堂爆好笑...啊靖個鼻好好笑...一望就知揸過野...miss係啊恩塊面畫左隻天鵝...好靚呀...><" 放學就去左kfc左面間壽召店食野...好味呀...xp"我同啊靖都叫左個帶子+沙津食...仲有奶茶...
咁我地打比啊吉啦...啊吉係尖東...話做咩有好野唔叫佢...話等佢"7個字"...下...我地3個字就食完啦喎... 埋單好平咋...計埋加1每人都係$$16.5...食完坐k12去大中...行街街...^^"6點幾去左大元行... 啊靖諗住坐公園...點知比人坐晒...愈行愈遠...去到吳禮和果邊....啊靖又話唔知邊度有人跳過樓...啊靖超驚... 之後送完啊靖就番去啦...之後先發現大元有d樹好熟口面...原來之前電梯個位係"千秋"黎嫁...不過擦走左啦... "搖搖板"都擦走左...以前我仲住緊昌運果時...家姐同我玩搖搖板...不過個搖搖板好高嫁...好難上到去...><" 大元街市未加大之前有條好長既樓梯嫁...大埔好多野到變晒啦...己前個個星期都去既昌運果間酒樓轉左啦... 幼稚園都變左劍橋安老院啦...家姐果間"依麗雅幼稚園"都岩岩執左做餐廳啦...成日去玩既八號花園變晒啦...... 太和m記已前有個2至3層樓高既波波池因為有"手足口病"都擦走左啦...係吉之島果面既林村河d長木椅又擦走晒... 吉之島好耐之前有個品牌叫"河馬仔"嫁...果個位有張好得意既沙發仔坐嫁...我同啊妹好鍾意係果度玩猜皇帝... 吉之島果邊間大快活之前係"繽紛樂園"黎嫁...入4個金寶可以玩一次波波池...果時媽媽成日帶我去...仲有呀... 之前"冒險樂園"好大嫁...椰林"角"果度都係冒險樂園黎嫁...係咪大好多呢...依加吉之島果面間冒險樂園呢... 以前係"日本成"黎嫁...仲有好多,,好多,,好多...好多都變晒啦...><" 記下我所有的過去︰2006-12-03 01:35 AM
[ 編輯日誌 ] [ 分享至FACEBOOK ]
[ 返回 ling222 的日誌 ]
|
|||||||||||||||||||||||||||||||||||||||||||||||||||||||
p.s.係果度唔好叫有真珠既飲品 e.g.真珠奶茶
