今日11點左右出街去neway join牙欣同創徽唱k,,過左冇幾耐牙欣男朋友黎埋,唱到2點幾..本來諗住睇戲,但一人睇一樣..所以冇睇到...之後過左許留山食野,好味!> w <"之後就去左公園坐..7點幾同創徽走先..係屋企樓下撞到傻邦佢地,,佢地話[[...以前條女...]]啞哂= =",,之後番左屋企食飯啦..好希望日日都過得開心,,因為唔想身邊既人擔心我..要學識[拿得起,放得低]

今日10點幾起左身,,起身第一個感覺係[[凍]]> <"之後11點幾出左去屋企人飲茶..12點幾,,自己番左屋企睇《絕種好男人》,好睇唷!!跟住就冇出過街..3點幾,有人買m記比我食>3<",今晚又打邊爐..各位朋友仔,著多件牙,凍凍牙> <"

呢幾日都有唔少人同我講,,放棄佢啦,我係度諗,可能我並唔係甘需要你..又或者我自己為左啖氣先至唔想放棄..如果你真係仲中意我,呢兩個月入面已經搵左我啦..所以我決定放手啦..我再堅持落去都冇用..結果只會令到自己更加唔開心..我記得你地同我講過,,[何必為左一個唔愛你既人而唔開心],我想放棄,我淨係想開心!!

今日同牙欣約左係石排等,,尋晚我地輸賭邊個遲到就請飲野..原來我都係一個[路痴]..結果,,多謝牙欣你包維他奶>3<今日考商業同膳宿,全部都係吹出黎,,膳宿份卷得2張紙考2粒鐘= ="考完之後,去左NEWAY join牙欣,創徽,同佢個fd..唱到1點幾,創徽走先..之後唱唱下,過左周琪琪果邊唱左首歌,,周琪琪原來打左幾個電話比我,我都唔知..SORRY> <"唱到2點幾..我地過左去市中心行左陣,之後3點幾,牙欣陪我去接細佬放學,,跟住4點幾送左牙欣搭車車,番左屋企換衫沖涼,6點幾同周琪琪,豬仔,峰峰去左打邊爐,,打完之後,我地去左影紙相..跟住就上左市中心最高果層影相^-^之後10點幾,佢地過去建生,我見有d攰,所以番左屋企睡覺!!

今日係2個月....本應我應該好唔開心,,但今日甘多人陪我,,多謝哂...可能呢一切都係我一廂情願...唔開心又可以點..冇可能一直落去都唔開心嫁ma..起碼我都開心左一個月...我比果個女仔已經好幸運嫁啦,我唔會再強求甘多唔屬於我既野..其實都予盾,身邊既人叫我唔好理你..但我又可以點?唔通真係要甘做,我自問我做唔出!我真係好想當你係一個普通朋友...

今日搭早左班車...去良景等埋牙欣番學..今日考英文WRITING..都算識,好彩姐,,跟住再考會計,係唔識架..做完之後,諗住去toilet,,但個監教MISS死都唔比我去,急到死都冇人去,冇天理><"好彩過左冇幾耐..牙sir番黎,佢比我去姐..全程都好開心..放學之後,同牙欣去左巿中心行街街..之後去左許留山食野..係青華坐左陣..4點幾左右番左屋企啦!我而家好灰牙..因為你地已經好耐冇留言比我啦...又少左打日記..大家應該好似我甘,,日日甘勤力打日記嫁ma..嘻嘻!!!!就放假啦...又可以抖下啦..好野..考試考埋聽日姐!!

今日唔洗番學,,所以9點幾起左身..跟住11點幾落左街買野食同租碟..睇左"戀上你的床",,都幾好睇^-^跟住3點幾落左街買野,,甘岩撞到尤魚..呼~同牙欣冇事lu..太好了..大家都仲係好朋友..數數手指,同你分開,就2個月啦..其實我係咪應該係放開你呢..你作出呢個決定,我諗一定有你既理由..所以我冇怪你..[[同伴也話我傻 喜歡受挫 寧願情敵在傷我]]我諗我應該搵過第2個啦..唔想再誉戀你..放心啦大家"我唔會有事架..大個女啦,,有d野係應該面對嫁...!!