今日係最後一日的驗測！！雖然只係測一科…… 

但呢一科足已審我死刑~~   >.<  呢科就係英文paperⅢ~~~  

唉~~真係死晒！又要聽、寫、作~~    = . = 

算啦！都預左past唔到！呢個week 測既野！

我科科都唔得！

唯一係Art呢科救到我咋！

唉~~~第一次測驗都咁既樣！真係唔知之後既考試點算！

唔得！我唔可以咁樣落去架！真係要認真D喇！

其實我呢個week真係冇乜返工架！只係返星期四！

但我打算認真咁去溫書時，跟本唔知點溫好！

之前上堂都冇聽書！以前太攰喇！我冇遲到過已算好！

但有時上堂會訓左！唉~~~~我都知衰架喇！ 

 我近排越黎越唔想返工！我係唔想送外賣呀！

我覺得自己好冇用呀！

點解要搞到送外賣~~  見到其他送外賣果D人，

唔係師奶就係讀唔成書既o靚仔~~

簡直冇人同我同類~~一個女仔都冇~~~

每當我出去送外賣.....都會有好多人用唔同既眼光黎睇我！！

雖然送外賣係好自由，但對我黎講呢份工係對我既一種懲罰~~ 

尤其是送外賣到嶺南大學~~~感到自己更低.........    ~> . <~

 其實我以前都想同老闆娘講話唔做！但我講唔出口！

因好似唔夠人用！仲未請到人！但我尋晚先發現老闆娘唔係好人！

所以我決定離開~~~ 我打算星期六講~~  

我唔理阿媽點鬧我！我真係想唔做野住！加上我唔想再送外賣！

我真係想真正咁休息下~

加上我想追返D成績呀！

我知我蠢~~  但唔理追唔追到~~我只想盡我能力......

唔想將來既我有無謂既後悔~~~

今日測既商業真係唔得掂！>.<   好彩Art考我唔到！

但最後一題因時間唔夠......畫得麻麻~~~

最衰俾太多時間掃描隻手同塗改液~~~   >.<  

唔得呀！我係靠晒呢科架！下次一定唔可以咁大意！

跟住測完之後落左去圖書館溫Account @ Maths ~~~

唉~~~呢兩科都係冇把握架喇！=.= 

溫完之後~~~  德怡話要返屋企食飯！

所以得返兩個囡囡 〔見見、靜靜〕同夫鈞一齊去食飯！

食完之後傾下計~~~跟個同兩個囡囡去行街街！

而夫鈞要去剪頭髮！！ ^^ 之後黎搵返我地！

he~he~~~今次佢剪得好好睇呀！靚仔晒呀！

感覺真係唔同左~~~精神好多！唔知點講.....總之唔錯！

不過我驚佢聽日就變左樣添！  

 啊~~~~唔記得影低佢添！  >.<