今日參加完一個小學聚會黎,大家飲下茶,傾下計~~
好多小學同學都有黎參與,但我幾乎係完全唔認得佢地.....嘩大家都變左好多啊~~真係唔認得~~
我好耐都冇番去長沙灣果邊啦,唔係好記得點出地鑯,今日居然行錯左方向,我連元州商場都唔認得點去~~
行既過程中,我諗番起好多事~~以前細果既時候,我成日都o係元州商場果公園同某君打羽毛球,打乒乓球.......
估唔到果公園仲o係度,好懷念a~~我知道自己搵果地點都用左好多時間,搞到遲左好多........
旋應該都等左我好耐啦~真係唔好意思啊~~
我地好耐好耐冇見,旋冇咩野變到,我好容易認出佢~~呵呵~~大家都冇咩野變到~~
我地就行去果長沙灣室內運動場果邊同埋其他小學同學集合~~我真係識行架~~話晒我以前係住o係果邊架嘛~~
周圍既建築物冇咩野變到,我覺得所有路既陌生又熟悉,不自覺咁行就去到果目的地~~
一入去,就有人影相,拍低呢一刻^^......
我地真係唔認得各同學,好多人都要自我介紹,睇下認唔認得~~~
我同旋見到銀既時候,都唔認得佢.......但佢好勁,一下子就認得我地2個~~
基本上我同旋好似都唔使自我介紹,幾乎所有人都認得我地2個~只係我地唔認得佢地~><"""""
可能本身我都冇咩野變到,旋亦都係~~~佢地都話我好似瘦左.......唔係嘛~~我有肥到架~~而旋不斷話自己肥...呵呵...發育嘛~
正常架~我地2個真係好耐好耐冇傾過.....有好多話題傾.傾唔斷...老師仲問我地係唔係仲keep住聯絡,其實我地已經好耐冇聯絡過~
我地既友誼都係可以係心照架~~呵呵~~大家都知道對方好忙....所以唔打擾...但依然都係好朋友....好難得吧!^^
我同旋真係做左好耐好耐朋友~~大家都好了解對方吧~~咁多年冇見話題當然多.....所以係好正常,亦招人羨慕~
好多老師同學都有黎,呢次既聚會真係搞得好大......我地台好早就開餐啦~~
黎SIR都有黎到,佢仲認得我~~~一開頭打招呼既方式:"何X華,你好肚餓啊,不斷食野既!!"
T.T聽講我只係飲緊茶,邊有食野啊~~佢應該同隔離果2個講...唔應該同我講...打招呼既方式真特別啊~~~><""""
趙SIR都有同我打招呼:"點啊,係唔係介O係果間中學?"係啊~~
李老師都有黎到~~佢好似變靚左~~呵呵~~佢本黎想同我私下傾.....由於佢好快就要走,佢話會打黎俾我~~
我始終都係佢疼惜學生之一~~我好掛住佢~~
好多老師,好多同學,.........互相問下近況,.....交流下讀書心得.......影下相....令到呢間酒樓真係好熱鬧~~~
O係呢一日,我好感動大家認得我,記得我~~而我唔認得佢地...真係超唔好意思~~
今次聚會我好快就離開........唔知點解番到屋企之後,我覺得好唔捨得.....我突然間覺得,時間真係過得好快好快~~
大家都變晒,成熟左好多~~
曾經我地O係紀念冊到寫低既總總祝福說話,希望大家能升上一間好既中學,希望大家能友誼永固...希望大家能永遠記得對方~~
我覺得今次既聚會令到大家都有一個好既機會重聚.......雖然一切一切都唔同左.....但係可以聚o係同一個地點真係好難得....
師生情深,各位老友,我地唔會忘記今日既聚會!!!!雖然係好感慨人生,但亦令我學會珍惜.....
現在我好想好想珍惜同e+既朋友相處既時光~~
今次的相聚唔會係最後一次,我相信會有其他的相聚時間的~~~
最少我知道我們的10年之約將到~~我會赴約的~~~因為我好珍惜同大家聚會既時刻....
但我總是有後遺症,每次相聚完我就會好不捨......所以好失落......我唔知幾時先會再聚起一齊.....我好掛住佢地~~
小學已消失,但我地既友誼會永久的~~相信大家的內心永遠都係純潔無暇的~~
各有各既人生,大家都要努力加油啊~~ | 
