唔該你啦，唔好再咁樣啦，你令我好不安呀。你有你嘅生活，唔好行入我到，況且你咁做令我好唔舒服。我同你唔係好熟，唔好扮熟，我都唔想同你熟。

好攰呀，下個禮拜就要統測，要努力!

好掛住啲小朋友呀，我嘅動力就係小朋友嘅笑容!

今日係我以中三嘅身份嘅最後一日，我嘅心情百感交集，當然我係開心，但有啲唔開心，因為我要同一齊三年嘅同學分開加上周老師要離開，的確有啲唔開心，睇番我地早前拍嘅video，我嘅心情有啲......其實，我地拍lee個video係比周老師。

我有啲說話要同周老師講，我就打出黎!

周老師：

         多謝你嘅包容，你嘅耐性。雖然3E嘅同學都當你係朋友，但我永遠都唔會當你係我嘅朋友，因為你一天係老師，我就當你永遠係我嘅老師。我中文科嘅成績唔算好好，但我有努力過，琴日我呀媽見到張成績表，佢都話我係第二學期追番到啲成績，如果我第一學期有努力讀書，我嘅分數唔會咁低，的確我第二學年確係追得好辛苦，所以我今後會重視每一個機會，我唔想再追得咁辛苦。我真係好開心，因為你可以搵到自己嘅理想同夢想，希望你能實現自己嘅夢想，你係我永遠嘅老師。

                                                                                                                                                                                                                                                                                                                                                                      細孖

以上係我對周老師想講嘅內容。

初中三年已完滿結束。

今日都要返學校補課，我今日要補嘅係經濟。唔知會點呢?諗返琴日嘅中史補課就好笑，個亞sir好似暗示我地讀中史要多讀漫畫，真係好笑。原來個亞sir都係紅十字，佢係紅十字嘅職員，不過，佢係西九，我係東九，不過，佢都話將來一定會有機會一齊合作。中4中史係lee個亞sir教，亞sir佢第一年教書，希望lee個亞sir唔會咁快比我地打沉佢嘅意念。

3年話咁快就過左，初中3年就過左，點解啲時間會過得咁快，話咁快我同家姐都係高中一年級生，真係快。而家諗返中一1新生入到lee間學校，真係....中一，中二，中三，lee三年我過得好開心，因為我識到一班肯接受我嘅同學，我認我唔識得點同人相處，但能夠同lee啲同學真係我嘅褔分。中4同我同班嘅同學會唔會接受我呢，我真係唔知道。不過，升到中4又要重新適應，有好多野都會變得好唔同。總之就煩啦!

我好多謝lee三年裹面教過我嘅老師，多謝，尤其係翁副校，我感激不盡。

頭先收到張成績表，我好滿意果結果，升到班，並入到自己選果班及科目。我都話我可以升到班。太好啦，而家冇野好驚，不過，我好擔心姨婆呀，我琴日先知道入左醫院。希望佢冇事啦!

頭先我家姐以為自己升唔到班，結果佢升到班，不過，佢唔多滿意果結果，我覺得只要升到班就得啦，點解要唔滿意，真係唔明我家姐諗緊咩。我唔想去明，我一旦明左我就會變得好煩，因為我家姐會一直講，講到佢攰先唁講。我都唔明家姐點解要計較果班好OR唔好，真係唔明。

唉，之後就好忙，幾乎日日都要返學校，算啦，我都唔介意，因為升到班，哈哈。我發覺我好容易滿足。

呂藝非凡係琴日已經完滿結束，多謝收看。話咁快又一年，一年嘅時間真係過得好快，一年裹面有開心有唔開心，不過都已成過去，應展望將來。聽日就係派成績表嘅日子，我好緊張呀，唔知升唔升到班呢，不過有好多老師都話我同家姐一定會升到班，仲話如果連我地都升唔到班，咁有大班都升唔到班。雖然係咁講姐，但我地都係驚，我地又唔係好勁果啲人，當然會驚。

我諗就算升到班，但都會唔捨得一齊讀左三年書嘅同學。不過，咁都好，至少大家都可以升班。

希望聽日會有好結果。